1 Pita 5:1 - Baibo Busansulushi Bwa Libuku Ili

¹ Ono ntoolwiita bamatanjililima ba coonde pakati kanu. Ndakabona ambuli Klistu mbwaakapenshekwa alimwi ntoolindila kutambulaako bulemu bwakwe Klistu bweshi bukayubululwe.

1 Pita 5:1 Marejeleo ya Msalaba

Luka 24:48

Mwebo muli bakamboni ba shintu ishi.

Milimo ya Batumwi 1:22

kutalikila kuciindi Joni ndyaakalinga kushimikila shakubombekwa, kushikila pabushiku ubo Jesu ndyaakakushikwa pali ndiswe akutolwa kwiculu. Uyo abe kamboni pantu pomwi aswebo akushimikila ayi Jesu wakabuka kuswa kubafu.”

Milimo ya Batumwi 1:8

Sombi mulaakutambula nkusu na Mushimu Usalashi ukese pali ndimwe. Lyalo mulaakuba bakamboni bangu muJelusalemu, muJudeya moonse alimwi amuSamaliya kushikila amucishi coonse ca panshi.”

Milimo ya Batumwi 11:30

Ndibakamana kubunganya shipo shabo, bakapa Banabasi aSaulo ayi batole kubamatanjilili ba mucoonde ca kuJelusalemu.

Milimo ya Batumwi 14:23

Bakasala bamatanjilili ba mushoonde comwi acomwi. Ndibakamana kupaila akulikasha kulya, bakababika mumaansa a Mwaami Jesu uyo ngobakashoma boonse.

Milimo ya Batumwi 15:4

Ndibakashika muJelusalemu, bantu ba mucoonde, batumwi alimwi abamatanjilili bakabatambula. Mpeeke abalo bakabasansulwita shoonse Lesa nshaakacita kwiinda muli mbabo.

Milimo ya Batumwi 15:6

Mpomunyaawo batumwi abamatanjilili bakabungana pantu pomwi ayi balangilisheewo pamakani aya.

Milimo ya Batumwi 2:32

Lesa wakabusha Jesu uyu kuswa kubafu, aboobo swebo soonse tuli bakamboni ba shintu ishi.

Milimo ya Batumwi 20:17

Ndyaakalinga kuMiletusi, Paulo wakatuma muntu kuEfeso mukulwiita bamatanjilili ba coonde ayi bakese mukukumana anguwe.

Milimo ya Batumwi 20:28

Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.

Milimo ya Batumwi 21:18

Bushiku bwakaboolaawo, Paulo alimwi aswebo soonse twakaya mukubona Jemusi. Nkomunya uko twakacana abamatanjilili ba coonde kababungene.

Milimo ya Batumwi 3:15

Mwebo mwakacaya wooyo upa buumi bwancinencine, sombi Lesa wakamubusha kuswa kubafu. Ono swebo tuli bakamboni pacikani ici.

2 Bene Kolinto 5:1

Mubili ngotucite bulya uli anga ninkunka. Ono tulishi kwaamba ayi nkunka iyi yaakunyonyoolwa, tulaakwikala muŋanda yakatubambila Lesa kwiculu, ŋanda iyo teekwe kuyakwa amuntu alimwi njamuyayaya.

2 Bene Kolinto 5:8

Ncakwiila tatucite boowa, ono ncetusuni bunene ncakwaamba ayi tuswe mumubili uno akuya mukwikala aMwaami.

Bene Filipi 1:19

mukwiinga ndishi ayi kwiinda mumipailo yanu alucafwo lwa Mushimu wakwe Jesu Klistu, ndaakwaangululwa.

1 Timoti 5:1

Utanookalalila munene, sombi ulyeelete kumwaambila cabulemu anga mbaiso. Abalo bacikula bwangu kobacita anga mbanandumi shako,

1 Timoti 5:19

Utanoosumina cikani caambwa pamutanjilili wa coonde, sombibo na caletwa abakamboni bobilo nabi botatwe.

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

Taitasi 1:5

Ncendakakushiila kuKileti nkwaamba ayi ululike shoonse shakalinga kuyandika kubamba akubika bamatanjilili ba shoonde mumandabala oonse kweelana ambondakakulwiita.

Filimoni 1:9

Sombi ceebo ca lusuno ndakusenga, nakubi kwaamba ayi ndime Paulo mutumwi wakwe Klistu Jesu alimwi pacecino ciindi nendi muntolongo ceebo ca nguwe.

Bene Ebulu 12:1

Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.

1 Pita 4:13

Sombi amusangalale mukwiinga mutoopenga bweenka mbuli Klistu kwaamba ayi bwaakuboneka bulemu bwakwe, mukasangalale abuumbi.

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

1 Joni 3:2

Nobeensuma, bulya tuli bana bakwe Lesa, sombi tacishibikitwe kabotu mbweshi tukabe. Sombi tulishi kwaamba ayi na Klistu akaboneke, tulaakuba bweenka mbuli nguwe mukwiinga tulaakumubona bweenka mbwaabete.

2 Joni 1:1

Nebo nemutanjilili, ntoolembela mwanakashi Lesa ngwaakasala alimwi abana bakwe abo mboonsuni abuumbi. Teshibo ndime neenka neemusuni, sombi abaabo boonse beshi shalushinisho.

3 Joni 1:1

Nebo nemutanjilili ntoolembela mweensuma Gayasi ngoonsuni abuumbi.

Ciyubululo 1:9

Ndime Joni mukwabanu alimwi muli Jesu ndi pantu pomwi amwebo mukupenshekwa, mubwaami alimwi amukutolelela kushoma mumapensho. Ndakawaalwa pansumbu ino ya Patimosi ceebo ndakashimikila maswi akwe Lesa alimwi alushinisho Jesu ndwaakayubulula.