1 Pita 4:11 - Baibo Busansulushi Bwa Libuku Ili

¹¹ Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

1 Pita 4:11 Marejeleo ya Msalaba

Kulumbaisha 145:13

Bweene bwanu mbwamuyayaya, bwaami bwanu mbwa mashalane oonse. Mwaami Lesa ulacita shoonse kweelana ambwaakashomesha, ncakwiila shintu shoonse nshaakalenga ulishisuni.

Isaya 8:20

Mulyeelete kubakumbula ayi, “Amukutike shintu nshaamwiisha Mwaami Lesa! Mutakutiki beshikusonda. Nshebamulwiita teshi shikamucafweewo.”

Jelemiya 23:22

Nibakeemikanaawo munkuta yangu, naakwiinga bakaambilisha maswi angu kubantu bangu. Munshila iyi naakwiinga bakabasandula kuswa kunshila shabo shibiibi alimwi akumicito yabo ibiibi.”

Danyelo 4:3

Shitondesho sha nkusu sha kwiculu shakwe shilayoosha abuumbi. Shaankamiko isho nshaacita nshankusu shiindaawo. Bweene bwakwe, mbweene bwamuyayaya. Bulelo bwakwe bulaakunoolikobo kwalyoonse alyoonse.

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Mateyo 6:13

Mutatwinjishi mumasunko, sombi mutufuune kuswa kuMubiibi ulya. [Mukwiinga Bweene, nkusu abulemu nshanu muyayaya. Ameni.’]

Joni 13:31

Judasi ndyaakaya, Jesu wakaamba ayi, “Ono MwanaaMuntu walemekwa alakwe Lesa walemekwa kwiinda muli nguwe.

Milimo ya Batumwi 7:38

Ngowooyo wakalinga abene Isilaeli ndibakabungana muluyanga. Ngowakalinga abamashali besu bakulukulu alimwi amunjelo wakalinga kwaamba anguwe paKalundu ka Sinayi. Ncakwiila ngowakatambula maswi abuumi ayi atulwiite.

Bene Loma 11:36

Ceebo shintu shoonse nguLesa wakashilenga, ngooshibamba alimwi nshuumi ceebo ca nguwe. Kuli Lesa akube bulemu lyoonse. Ameni!

Bene Loma 12:3

Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.

Bene Loma 16:27

Kuli Lesa womwibo uyo ucite busongo mushintu shoonse, akube bulemu lyoonse kwiinda muli Jesu Klistu. Ameni.

Bene Loma 3:2

Muli mpindu inene abuumbi ceebo Lesa wakataanguna kupa baJuda makani akwe kwaamba ayi baalaame.

1 Bene Kolinto 10:31

Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.

1 Bene Kolinto 12:4

Shipo shilipusenepusene, sombi ushipa nguMushimu Usalashi womwi eenkabo.

1 Bene Kolinto 3:10

Lesa muluse ulo ndwaakantondesha, nebo ndakakaba lwiimbi mbuli muyaki ucishi kabotu, sombi umwi muntu utooyakaawo. Ono womwi awomwi ulyeelete kucenjela mbuli mbwaatooyaka.

1 Bene Kolinto 6:20

Lesa wakamuula amweelo unene, aboobo amusebenseshe mibili yanu mukumupa bulemu.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 9:13

Mulimo uyu ulaakutondesha ayi mulashomeka alimwi baanji balaakulumbaisha Lesa ceebo ca mbuli mbomushimikila akunyumfwila bwaamba Makani Abotu apali Klistu. Peculu lya waawo balaakulumbaisha Lesa ceebo mulabaana ambabo akubaana abantu bamwi boonse nshemucite cakusangalala.

Bene Efeso 1:19

Ncakwiila akwaamba ayi mwishibe nkusu shinene shiteelekwi kucimwi cintu isho shitoosebensa muli ndiswe sotushoma. Ishi nkusu nshesheesho shinene abuumbi,

Bene Efeso 4:29

Mutabi beshimyaambo ibiibi, sombi kamwaambabo maswi acafwa, akonsha kuyaka akuleta ciyandika kwaamba ayi boonse batoonyumfwaako bacanemo bubotu.

Bene Efeso 5:20

Kamulumba Lesa Ishiwesu muliina lya Mwaami wesu Jesu Klistu ceebo ca shintu shoonse.

Bene Efeso 6:10

Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

Bene Filipi 1:11

Buumi bwanu bulaakutondesha micito ya bululami, iyo iswabo kuli Jesu Klistu, kwaamba ayi boonse balemeke akulumbaisha Lesa.

Bene Filipi 2:11

Alimwi boonse balaakusumina patuba ayi Jesu Klistu nguMwaami, mukupa bulemu kuli Lesa Ishiwesu.

Bene Kolose 4:6

Ciindi coonse myaambo yanu ibe ya luse iyaka bamwi alimwi mulyeelete kwishiba bwakukumbula kabotu muntu uli woonse.

1 Bene Tesalonika 2:4

Sombi lyoonse tulaamba ceeco cisuni Lesa mukwiinga wakasuminisha ayi tulyeelete kupekwa milimo yakushimikila Makani Abotu. Aboobo tatushimikili kwaamba ayi tukondeleshe bantu, sombi Lesa uyo usunka myoyo yesu.

1 Timoti 1:17

Ono kuMwaami wamuyayaya, utafwi, utaboneki, uyo uli ngoLesa eenkabo, akube bulemu amucinshi lyoonse alyoonse. Ameni.

1 Timoti 6:16

Lakwe eenkabo ngootafwi alimwi ngookala mumumuni utashikwa pafwaafwi. Taaku wakamubonawo kale alimwi taaku ukonsha kumubona. Bulemu abweendeleshi butamaani bube kuli nguwe lyoonse alyoonse. Ameni.

Taitasi 2:1

Sombi webo ulyeelete kwiisha sheesho sheendelana akwiisha kwalushinisho.

Taitasi 2:15

Koiisha shintu ishi alimwi akusebensesha nkusu nshoocite mukuyuminisha akululika baabo bakukutika. Kutabi muntu ukunyanshilisha.

Bene Ebulu 13:7

Amwiibaluke bamatanjilili banu, abo bakamushimikila maswi akwe Lesa. Amuyeeye buumi bwabo mbobwakalinga alufu lwabo alimwi mube alushomo mbuli ndobakalinga kucite.

Bene Ebulu 5:12

Nakubi kwaamba ayi bulya mwalinga kweelete kunooli kale bafundishi, muciyandika umwi shikumwiisha shiiyo shitaanshi sha makani akwe Lesa. Ciindi cakwaamba ayi munoolya shakulya shiyumuyumu, muceeletebo kunwa mukupa.

Jemusi 1:19

Nobamakwesu basunikwi, kamwiibaluka ayi mulyeelete kuba bantu bafwambaana kukutika, bacelwa kwaamba alimwi akukalala.

Jemusi 1:26

Na kuli muntu uyeeya ayi ulapaila Lesa, ono kaalilwa kulicata mukwaamba, ingayi kupaila kwakwe taaku mbokubete alimwi utoolibecabo mwiine.

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

1 Pita 4:10

Lesa wakamupa shipo shipusenepusene alimwi muntu womwi awomwi ulyeelete kuba mbuli shikulama buboni mubotu. Ulyeelete kusebensesha ico ncaakatambula mukucafwa bamwi.

1 Pita 4:16

Sombi na mwapenshekwa ceebo cakuba bene Klistu, mutanyumfwi nsoni, sombi mulumbe Lesa ceebo ca liina ilyo.

1 Pita 5:11

Kuli nguwe kube nkusu shakweendelesha lyoonse alyoonse! Ameni.

Judi 1:25

Kwiinda muli Jesu Klistu Mwaami wesu, atulumbaishe Lesa eenkabo Mupulushi wesu ayi abe abulemu, bwaami alimwi ankusu shakweendelesha kuswa kumatalikilo, bulya alimwi anshiiku shoonse shitoosa. Ameni.