1 Pita 3:2 - Baibo Busansulushi Bwa Libuku Ili

² Ncakwiila balaakushoma pakubona buumi bwanu bweelete bwakulilemeka.

1 Pita 3:2 Marejeleo ya Msalaba

Bene Efeso 5:33

Nakubi boobo alaamba apali ndimwe. Musankwa uli woonse ulyeelete kusuna mukaakwe bweenka mbwaalisuni mwiine. Alakwe mwanakashi ulyeelete kulemeka ibaye.

Bene Efeso 6:5

Amwebo nobasha, mulyeelete kunyumfwila bamaami banu ba mucishi ca panshi cakubalemeka akubaloonda. Mulyeelete kucita nshebamulwiita amoyo womwi bweenka mbweenga mwasebensela Klistu.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Filipi 3:20

Swebo ncakwiila kumisheesu kwiine kwiine nkwiculu alimwi tulalangila Mupulushi wesu Mwaami Jesu Klistu kuswa nkomunya uko.

Bene Kolose 3:22

Amwebo nobasha, mulyeelete kunyumfwila bamaami banu ba mucishi ca panshi mushintu shoonse. Mutanoobanyumfwilabo na mpobali kwaamba ayi bamuluumbe, sombi mubanyumfwile camoyo woonse ceebo mulalemeka Mwaami.

1 Timoti 4:12

Kutabi muntu ukuubya ceebo cakuba mwanike. Sombi ube citondesho kubashomi boonse mumyaambo, mubuumi, mulusuno, mulushomo amukubula kampenda.

1 Pita 1:15

Sombi amube bantu basalalite mushintu shoonse nshemucita bweenka mbuli busalalite Lesa uyo wakamwiita.

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

1 Pita 3:1

Mbweeke ubo amwebo nobanakashi, mulyeelete kulibombya kubameebaanu, kwaamba ayi na bamwi pakati kabo tabashomi Maswi akwe Lesa, inga bashoma kwiinda mubwikaalo bwanu cakubula kwaamba maswi.

1 Pita 3:3

Kulibotesha kwanu kutabibo kwapansengwe, mbuli koosa misusu, kufwala makosa agolodi alimwi ashakufwala shuulwa maali aanji.

2 Pita 3:11

Ono na shintu shoonse shilaakunyonyooka boobo, ino mulyeelete kuba bantu bali buyani? Ncakwiila mulyeelete kuba bantu basalalite bakonkela kuyanda kwakwe Lesa.