1 Pita 2:23 - Baibo Busansulushi Bwa Libuku Ili

²³ Ndibakalinga kumutukana taakwe kubabooshesha. Ndibakamupensha taakwe kubakonga, sombi wakabika shoonse mumaansaakwe Lesa moomboloshi ululeme.

1 Pita 2:23 Marejeleo ya Msalaba

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

Kulumbaisha 10:14

Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.

Kulumbaisha 31:5

Nebo ndabika buumi bwangu mumaansaanu, amumfuune noBaami baLesa, baLesa bashomeka.

Kulumbaisha 37:5

Lyaabe mumaansa a Mwaami Lesa, cinka manungo muli nguwe alakwe ulaakukucafwa.

Kulumbaisha 7:11

Lesa ngumooboloshi ululeme, lyoonse ulapa bamucita shibi milandu.

Kulumbaisha 96:13

paciindi Mwaami Lesa aakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Isaya 53:7

“Wakalyatililwa akupenshekwa sombi taakwe kwaambaawo nabi liswi lyomwi. Wakatolwabo anga ngumwanaambelele utooya mukucaikwa. Nabi anga ngumwanaambelele utaliili pakuya mukuceswa booya. Ncakwiila taakwe kwaambaawo nabi liswi lyomwi.

Luka 23:41

sombi swebo tulyeelete kupopwa mukwiinga tutootambula cilambu ceelete pashintu nshetwalinga kucita. Ono lakwe uyu taaku cibiibi ncaakacita.”

Luka 23:46

Lyalo Jesu wakoolobesha aliswi lya peculu ayi, “Ta, muuya wangu ndaubika mumaansaanu!” Ingayi amanebo kwaamba boobo, wakatula moyo, wafwa.

Luka 23:9

Aboobo Elodi wakamwiipusha miipusho iinji, sombi Jesu taakwe kukumbulaawo.

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”

Milimo ya Batumwi 4:29

Ono bulya Nkambo, amubone mbobatukonga. Anu amutupe nkusu swebo sobasebenshi banu ayi tushimikile maswi anu cakubula boowa.

Milimo ya Batumwi 7:59

Ndibakalinga kumuuma mabwe, Sitifini wakalinga kupaila kaamba ayi, “NoBaami bangu baJesu, amutambule muuya wangu!”

Milimo ya Batumwi 9:1

Paciindi ico, Saulo wakalinga kupensha bantu bakalinga kukonkela kwiisha kwakwe Jesu alimwi akupinga kubacaya. Wakaya kumupailishi munene

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Bene Efeso 6:9

Amwebo nobamaami, mucite bweenka ubo kubasha banu alimwi mutanoobakonga. Amwishibe kwaamba ayi balo alimwi amwebo, mulicitebo Mwaami womwi uli kwiculu utasalululi.

2 Bene Tesalonika 1:5

Ishi shoonse shitootondesha calushinisho kwaamba ayi Lesa uloombolosha cabululami. Aboobo citokwaamba ayi mulyeelete kwinjila muBweene bwakwe Lesa ubo mboomutoopengela.

2 Timoti 1:12

Nceceeco ncentoopengela bobulya. Nakubi boobo nshinyumfwi nsoni ceebo ndimwishi uyo ngoonshoma. Aboobo ndishinishite kwaamba ayi ulakonsha kusunga isho shoonse nshaakabika mumaansa angu ayi ndame kushikila bushiku bwakoombolosha.

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

Bene Ebulu 12:3

Amuyeeye mbuli mbwaakapenshekwa ceebo ca lupato lunene abuumbi lwa bamucita shibi! Anu amwebo mutatyongoli akucileka kushoma.

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.

1 Pita 4:19

Aboobo abo bapenshekwa ceebo cakuyanda kwakwe Lesa, balibeenge mumaansa a Mulengi wabo ushomeka, akutolelela kucita milimo ibotu.

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.