1 Pita 2:21 - Baibo Busansulushi Bwa Libuku Ili

²¹ Bwikaalo ubu Lesa mbwaakamwiitila. Mukwiinga Klistu wakamupengela kumushiila citondesho ayi munookonkela mwaakeenda.

1 Pita 2:21 Marejeleo ya Msalaba

Kulumbaisha 85:13

Bululami bulaakutanjila kunembo lya Mwaami Lesa, akubamba nshila yakwe ayi eendeemo.

Mateyo 10:38

Uyo woonse utanyamuni mapensho akwe anga ngumucilingano akunkonkela, taaelete kuba waangu.

Mateyo 11:29

Amulipatike lijoko lyangu, mwiiye kuli ndime ceebo nebo ndimoote alimwi ndimubombu mumoyo. Paceebo ceeco, mulaakucana kookesha mumyoyo yanu.

Mateyo 16:24

Lyalo Jesu wakaambila bashikwiiya bakwe ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe akunkonkela.

Luka 24:26

Sa tecalinga kweelete ayi Usalitwe apenshekwe mushobo uyo kwaamba ayi enjile mubulemu bwakwe?”

Joni 13:15

Ono ndacita citondesho kwaamba ayi amwebo mulyeelete kunoocitila bamwi bweenka mbondamucitila.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Milimo ya Batumwi 17:3

Wakalinga kubasansulwita akubatondesha kwiinda muMalembo ayi Usalitwe wakwe Lesa wakalinga kweelete kupenshekwa akubushikwa kuswa kubafu. Paulo wakabaambila ayi, “Uyu Jesu ngoontoomulwiitaawo, ngoUsalitwe wakwe Lesa.”

Milimo ya Batumwi 9:16

Aboobo, nebo nemwiine ndaakumubonesha shoonse nshaaelete kupenga ceebo ca ndime.”

Bene Loma 8:29

Abo Lesa mbaakasalila limwi, wakababika palubasu kwaamba ayi bakabe anga nguMwanaakwe alimwi ayi Mwanaakwe uyo akabe mutaanshi pakati ka bamakwabo baanji.

1 Bene Kolinto 11:1

Munoonkonkela ndime bweenka anebo mboonkonkela Klistu.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Filipi 2:5

Amube amoyo mbuli wooyo wakalinga kucite Klistu Jesu.

1 Bene Tesalonika 3:3

kwaamba ayi kubule ushi aboole pesule ceebo ca mapensho ayo ali pakati kanu. Mwebo nobeene mulishi kwaamba ayi mapensho a mushobo uyu alasuminishikwa kweelana akuyanda kwakwe Lesa.

1 Bene Tesalonika 4:2

ceebo mulishi milasho iswa kuMwaami Jesu iyo njetwakamupa.

2 Timoti 3:12

Ncakwiila uyo woonse usuni kwikala mubuumi bwabuLesa muli Klistu Jesu ulaakupenshekwa.

Bene Ebulu 2:10

Cakalinga kweelete kuli Lesa, uyo wakalenga akulama shintu shoonse, ayi kwiinda mumapensho, abike Jesu pamusena wakuleta bana bakwe baanji ayi babe anguwe mubulemu bwakwe. Ceebo nguJesu ubatanjilila kulupulusho.

1 Pita 1:20

Lesa wakasalilabo limwi Klistu cishi kacitana kulengwa alimwi ceebo ca ndimwe wakalengesha ayi mumubone ciindi cino cakumeelelesho.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.

1 Pita 4:1

Ono mukwiinga Klistu wakapenshekwa mumubili, amwebo mulyeelete kuliyumyayumya kwiinda mumuyeeyo ngomunya wakalinga kucite Klistu ceebo uyo woonse upenshekwa, teendeleshekwi abubi.

1 Pita 4:13

Sombi amusangalale mukwiinga mutoopenga bweenka mbuli Klistu kwaamba ayi bwaakuboneka bulemu bwakwe, mukasangalale abuumbi.

1 Joni 2:6

Uyo waamba ayi uli muli Lesa, alakwe ulyeelete kwikala bweenka bwakekala Jesu Klistu.

1 Joni 3:16

Klistu wakaaba buumi ceebo ca ndiswe, munshila iyi tuleshiba lusuno mbolubete. Aboobo aswebo tulyeelete kwaaba buumi bwesu ceebo ca babyeesu.

Ciyubululo 12:11

Bamakwabesu bakamukoma kwiinda mubulowa bwa Mwanaambelele alimwi amaswi alushinisho ayo ngobakashimikila. Bakalinga kulibambite kwaaba buumi bwabo.