1 Pita 1:25 - Baibo Busansulushi Bwa Libuku Ili

²⁵ sombi maswi a Mwaami Lesa ananooliikobo muyayaya.” Maswi ayo ngaMakani Abotu ayo ngobakashimikila kuli ndimwe.

1 Pita 1:25 Marejeleo ya Msalaba

Kulumbaisha 102:12

Sombi noBaami baLesa, muli Baami kwamuyayaya, bamumashalane boonse balaakumwiibaluka lyoonse.

Kulumbaisha 102:26

Sombi shoonse ishi shilaakumana, sombi mwebo mulaakucaala. Shoonse shilaakusansooka anga nshakufwala. Mulaakushisowa anga nshakufwala shifwite, lyalo shilaakushimingana.

Kulumbaisha 119:89

NoBaami baLesa maswi anu ngalyoonse alyoonse. Ncakwiila alishiite kwiculu kwamuyayaya.

Isaya 40:6

Liswi lyaamba ayi, “Olobesha.” Anebo ndakakumbula ayi, “Ngolobeshenshi?” Olobesha ayi, “Bantu boonse bali anga mbwiisu, abwalo bulemu bwabo bulibo anga mbwa maluba a muluundu.

Isaya 40:8

Bwiisu bulayuma aalo maluba alaloka sombi maswi akwe Lesa wesu alaakunooliikobo kwalyoonse alyoonse.”

Mateyo 5:18

Ntoomulwiita calushinisho ayi kushikila liculu acishi shikamaane, taaku libala liniini lya Milawo lyeshi likapusanishikwe tibili shoonse shikacitike.

Luka 16:17

Sombi ncuubu abuumbi liculu acishi kumana kwiinda libala lyomwi lya Milawo kumana ncito.

Joni 1:1

Kumatalikilo a cishi uyo wiitwa ayi Liswi wakalingaako kale. Uyu Liswi wakalinga pantu pomwi aLesa alimwi nguLesa.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

1 Bene Kolinto 2:2

Ceebo ndindakalinga amwebo, ndakayeeya kutamulwiita cimwi cintu, sombibo Jesu Klistu, bunene bunene lufu lwakwe lwa pamucilingano.

Bene Efeso 2:17

Anu Klistu wakesa mukushimika Makani Abotu a luumuno kuli ndimwe nobaswamashi bakunsengwe nomwakalinga palaale aLesa, akubaJuda abo bakalinga pafwaafwi anguwe.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Taitasi 1:3

Mpeeke paciindi ceelete wakayubulula kushomesha uko mumakani akwe. Makani ayo wakaabika mumaansaangu, aboobo ndaashimikila kweelana aLesa Mupulushi wesu mbwaakandwiita.

Bene Ebulu 6:5

Bakalinga beshiba bubotu bwa maswi akwe Lesa alimwi akwishiba nkusu sha mubweendeleshi bwa ciindi citoosa.

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

1 Pita 1:23

Lesa wakamupa buumi bupya, kuteshi kuswa kumbuto inyonyooka, sombi itanyonyooki, iyo ili ngomaswi akwe Lesa ayo aliiko alimwi eshi akanooliikobo lyoonse.

1 Pita 2:2

Ono mbuli bakateta mbobalilila mukupa, muyandishishe mukupa wiine wiine wa mushimu, kwaamba ayi kwiinda mukuunwa mukomene akupuluka,

2 Pita 1:19

Aboobo tweshiba cancinencine ono ayi maswi akaamba balaluki bakulukulu ngalushinisho. Nkokwaamba ayi inga cabota na mwaakonkela mukwiinga ali anga ndilampi litoonyaka mumusena muli munshinshe kushikila bwaca alimwi kushikila mumuni wakwe Klistu ukamunike mumyoyo yanu anga ngwa ntanda,

1 Joni 1:1

Tutoomulembela shaLiswi lipa buumi, ilyo lyakalingaako kuswa kumatalikilo. Twakalinyumfwa akulibona ameenso esu. Ee, twakalibona alimwi maanseesu akalicata.

1 Joni 1:3

Ico ncetwakabona akunyumfwa ncetutoomushimikila kwaamba ayi mwebo alimwi aswebo tusenkane mubwanabwankashi bwakwe Lesa alimwi aMwanaakwe Jesu Klistu.

Ciyubululo 14:6

Mpomunyaawo ndakabona munjelo aumwi kaauluka mwiculu mwiine mwiine. Wakalinga kucite makani abotu atamaani kwaamba ayi akashimikile bantu ba mucishi ca panshi, kubantu bacite shikanda shipusenepusene, mikowa yoonse, milaka yoonse alimwi akumishobo yoonse.