1 Pita 1:22 - Baibo Busansulushi Bwa Libuku Ili

²² Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

1 Pita 1:22 Marejeleo ya Msalaba

Joni 15:17

Anu mulawo wangu ngwakwaamba ayi musunane.

Joni 15:3

Mwebo mwasalashikwa kale kwiinda mumaswi ngondamwaambila.

Joni 17:17

Amubasalashe alushinisho ayi babe bantu banu. Maswi anu ndolushinisho.

Joni 17:19

Ceebo ca mbabo ndalibenga kuli ndimwe kwaamba ayi abalo balibeenge calushinisho kuli ndime.

Milimo ya Batumwi 15:9

Taakwe kuboneshaawo bupusano pakati pali ndiswe ambabo mukwiinga wakasalasha myoyo yabo abalo ceebo bakashoma.

Milimo ya Batumwi 6:7

Lyalo maswi akwe Lesa akanyumfwika kubantu baanji. Mpeeke bashomi bakalinga kuya bufulilakobo alimwi bapailishi baanji bakashoma Makani Abotu.

Bene Loma 1:5

Kwiinda muli nguwe, Lesa wakampa mulimo unene wa butumwi kwaamba ayi nsebensele Klistu mukulengesha bantu ba mishobo yoonse ayi bamushome akunoomunyumfwila.

Bene Loma 2:8

Sombi bamwi abo basuni kucita nshebasuni beene akukaka kucita shiluleme kabacitabo shitaluleme, Lesa ulaakuboombolosha mubukali bwakwe.

Bene Loma 8:13

Ceebo na kamwikala kweelana abuyanda mibili yanu mulaakufwa. Sombi na kwiinda muMushimu Usalashi mwacilekela limwi shoonse shibiibi nshemucita, mulaakuba abuumi butamaani.

2 Bene Kolinto 6:6

Alimwi kwiinda mubuumi bwesu butacite kampenda, lushibo lwesu, kukalika moyo kwesu, inkumbu nshetucite, muMushimu Usalashi, mulusuno lwancinencine,

Bene Galatiya 3:1

Mwebo nobene Galatiya baluya! Anu ngani wakamulowa? Nditwakamushimikila shapali Jesu Klistu, twakamusansulwita patuba ayi wakapopwa pamucilingano.

Bene Galatiya 5:5

Sombi kwiinda muMushimu Usalashi usebensa mulushomo lwesu, swebo tutoolangila kwaamba ayi Lesa ulaakutululamika.

Bene Galatiya 5:7

Mwakalinga kwisa kabotu abuumbi muMakani Abotu! Ino ngani wakamukasha kunyumfwila shalushinisho?

Bene Efeso 4:3

Amucite cili coonse mukulama bwanabwankashi buswa kuMushimu Usalashi muluumuno ulo lumucatanya pantu pomwi.

Bene Filipi 1:9

Ndapaila ayi mukomene mulusuno, lushibo lwancinencine alimwi akunyumfwishisha kwanu kwa shintu shoonse,

1 Bene Tesalonika 3:12

Mwaami Jesu aakomeneshe kusunana kwanu alusuno lwanu kubantu boonse kwaamba ayi shishike palusuno ndotucite pali ndimwe.

2 Bene Tesalonika 1:3

Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.

2 Bene Tesalonika 2:13

Swebo tulyeelete kulumba Lesa lyoonse ceebo canu nobamakwesu, nomusunikwi kuMwaami Lesa mukwiinga Lesa wakamusala kuswa kumatalikilo kwaamba ayi mupulushikwe. Lesa wakamulengesha kuba bantu bakwe kwiinda mumulimo wa Mushimu Usalashi alimwi alushomo lwanu mushalushinisho.

1 Timoti 1:3

Ono bweenka mbondakakulwiitilishawo kale ndindakaya kuMakedoniya, kala umo muEfeso kwaamba ayi unookasha basankwa abo batokwiisha shakubeca.

1 Timoti 1:5

Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.

1 Timoti 4:12

Kutabi muntu ukuubya ceebo cakuba mwanike. Sombi ube citondesho kubashomi boonse mumyaambo, mubuumi, mulusuno, mulushomo amukubula kampenda.

1 Timoti 5:2

bamacembele banakashi anga mbanyoko alimwi abamyooye anga mbanankashi shako, cakubula lunkumbwa kuli mbabo.

2 Timoti 1:14

Kwiinda munkusu sha Mushimu Usalashi uyo ukala muli ndiswe, kobamba kabotu shintu shibotu isho nshewakapekwa ayi ulame.

Bene Ebulu 11:8

Ndushomo lwakalengesha ayi Abulaamu anyumfwile Lesa ndyaakalwiitwa kuya kucishi ico Lesa mwiine ncaakashomesha ayi ulaakumupa. Wakaswa mucishi cine mishaabo kaateshi ankwaakalinga kuya.

Bene Ebulu 13:1

Amutolelele kusunana mbuli bamukowa.

Bene Ebulu 5:9

Ndyaakamanisha mulimo wakwe woonse, wakaba nshila ya lupulusho lutamaani kubaabo boonse bamunyumfwila.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

Jemusi 1:21

Aboobo amushiye shibiibi shoonse nshemushibite abubi ubo buli mumyoyo yanu. Amutambule cakulibombya maswi ayo Lesa ngaakashanga muli ndimwe, ayo akonsha kumupulusha.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

1 Pita 1:2

Mumiyeeyo yakwe Lesa Ishiwesu wakamusala. Mwakasalashikwa aMushimu Usalashi ayi munoonyumfwila Jesu Klistu akusanshikwa abulowa bwakwe. Luse aluumuno shikomene muli ndimwe lyoonse alyoonse.

1 Pita 2:17

Amulemeke bantu boonse. Amusunane abashominyinaanu. Kamuloonda Lesa. Amulemeke muleli munene wa kuLoma.

1 Pita 3:1

Mbweeke ubo amwebo nobanakashi, mulyeelete kulibombya kubameebaanu, kwaamba ayi na bamwi pakati kabo tabashomi Maswi akwe Lesa, inga bashoma kwiinda mubwikaalo bwanu cakubula kwaamba maswi.

1 Pita 3:20

Mishimu iyi yakalinga ya baabo batakwe kunyumfwila Lesa kale kale, ndyaakalinga kulindila amoyonteeka ciindi ico Nowa ndyaakalinga kupanga bwaato. Mwakalingabo bantu baniinibo, bosanwe abotatwe bakapuluka kumaanshi.

1 Pita 3:8

Cakweelaako, noonse amucatane amoyo womwi akuba amyoyo ibombu. Mulyeelete kusunana abashominyinaanu akunoonyumfwilana nkumbu alimwi akuliceesha.

1 Pita 4:17

Mukwiinga ciindi cashikila cakwaamba ayi Lesa atalike koombolosha bantu bakwe. Ono na Lesa ulaakutaanguna koombolosha ndiswe, ino cilaakuba buyani kubaabo batashomi Makani Abotu akwe Lesa?

1 Pita 4:8

Cinene ncakwaamba ayi musunane cankusu ceebo na mwasunana, inga kamulibambite kulekelelana shibiibi.

2 Pita 1:7

Pabuumi bwakupaila kwiine kwiine, mwiilikewo lusuno lwa bwanabwankashi, apalo palusuno lwa bwanabwankashi ulo, mwiilikewo lusuno kubantu boonse.

1 Joni 3:11

Makani ngomwakanyumfwa kuswa kumatalikilo ngakwaamba ayi tulyeelete kusunana.

1 Joni 3:23

Lesa wakatupa mulawo wakwaamba ayi tushome muMwanaakwe Jesu Klistu alimwi akusunana kweelana aKlistu mbwaakatulwiita.

1 Joni 4:12

Taaku muntu wakabonawo kale Lesa. Sombi na tulisunene, cilaamba ayi Lesa ulekala muli ndiswe alimwi lusuno lwakwe lulaboneka cancinencine muli ndiswe.

1 Joni 4:20

Na umwi waamba ayi, “Lesa ndimusuni,” sombi kaapatite mubye, ngumubeshi. Anu inga wasuna buyani Lesa ngwaatana kubonaawo na kaapatite mubye ngwaabona?

1 Joni 4:7

Nomusunikwi, atusunane mukwiinga lusuno lulaswa kuli Lesa. Uyo woonse usuni mubye ngumwanaakwe Lesa alimwi ulimwishi.

Ciyubululo 2:4

Sombi ndicite litongooshi pali ndiwe ceebo toonsuni bweenka mbowakalinga kunsuni kataanshi.