1 Pita 1:17 - Baibo Busansulushi Bwa Libuku Ili

¹⁷ Mulaamba ayi bamashali besu bakulukulu ndimupaila kuli Lesa. Aboobo amwiibaluke ayi uloombolosha kweelana amuntu nshaakacita alimwi taasalululi. Ono anu mulyeelete kuba abulemu kuli Lesa mubuumi bwanu boonse mbweshi mwikale mucishi ca panshi.

1 Pita 1:17 Marejeleo ya Msalaba

Matalikilo 47:9

Jakobo wakakumbula ayi, “Buumi bwangu bwakutekala pantu pomwi bwatola myaaka ili 130. Myaaka iyo yanceyela alimwi yalinga iyumu, buteshi bwakalinga kulaampa myaaka ya bashali bangu bakulukulu mukutekala pantu pomwi kwabo.”

1 Makani 29:15

NoBaami baLesa mulishi kwaamba ayi mubuumi tuli anga mbeensu beendilite bweenka mbocakaba kubamashali besu bakulukulu. Inshiku shesu shili anga nshimfule shitokweenda alimwi lufu tatukoonshi kuluyuba.

2 Makani 19:7

Kamuloonda Mwaami Lesa akoombolosha kabotu mukwiinga Mwaami Lesa, Lesa wesu taamusuminishi kucita shintu shitaluleme, kasalulushi nabi kutambula makulo.”

Jobo 34:19

Lesa taafuninini banaabaami, nabi kufuninina babile akulyatilila bakandu ceebo boonse ngowakabalenga amaansaakwe.

Kulumbaisha 39:12

Amunyumfwe mupailo wangu noBaami baLesa, amukutike kusenga lucafwo kwangu. Mutapuululi kukulila kwangu, mukwiinga ndi mweensu bweenka mbuli bamashali besu bakulukulu.

Kulumbaisha 89:26

Ulaakuŋambila ayi, ‘Ndimwe Bata, ndimwe baLesa bangu, mwaandami alimwi amupulushi wangu.’

Tushimpi 14:16

Musongo ulalemeka Mwaami Lesa akuswa kushibiibi, sombi muluya ulafwambaana kucita shintu cakubula kuyeeya.

Tushimpi 28:14

Ulicite coolwe muntu ulemeka Mwaami Lesa lyoonse, sombi uyo uyumya moyo ulalokela mumapensho.

Jelemiya 3:19

Mwaami Lesa waamba ayi, “Ndakalinga kukondetwe abuumbi kunoomulama anga mbana bangu. Ndakakondwa kumupa cishi cikondelesha, ee, cishi ciindaawo kubota mucishi coonse ca panshi. Ndakalinga kusuni ayi munoonjita ayi, ‘Ta,’ cakubula kumfutatilawo tubili.

Sefaniya 3:9

“Ono ndaakusandula bwikaalo bwa bantu ba mumishobo imwi kwaamba ayi boonse bakanoopaila kuli ndime akunoosebenselabo ndime neenka camoyo womwi.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Mateyo 22:16

Lyalo bakatuma bashikwiiya babo abantu bamwi bakwe Elodi kuli Jesu mukumwiipusha ayi, “Bafundishi, tulishi kwaamba ayi mwebo mulashomeka alimwi muleeisha maswi akwe Lesa calushinisho, bweenka mbuli mbwaabete. Tamulisukami amiyeeyo ya muntu mukwiinga tamusalululi.

Mateyo 6:9

Anu mbulya mbomweelete kupaila, ‘NoBeeshiwesu nomuli kwiculu, alilemekwe liina lyanu.

Bene Loma 11:20

Ncakwiila mbocibete ubo. Balo bakatyolwa ceebo cakutashoma, sombi mwebo muli kucisamu ceebo ca lushomo. Nakubi boobo tamweelete kulisumpula, sombi mulyeelete kucenjela.

2 Bene Kolinto 1:2

Luse aluumuno shibe amwebo kuswa kuli Lesa Ishiwesu aMwaami Jesu Klistu.

2 Bene Kolinto 5:6

Aboobo lyoonse tatucite boowa alimwi tulishi kwaamba ayi mubili uyu wa buntu ndyoocili anga niŋanda yesu, tatutookala pantu pomwi aMwaami.

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

2 Bene Kolinto 7:11

Amubone buumba bwanu busangalasha Lesa ncebwamucitila! Bwamulengesha kuyandishisha, ayi mucite akutondesha ayi tamucite mulandu. Mwakakalala abuumbi alimwi mwakalinga kuloondete paceeco cakacitika. Bwakamulengesha kuyanda kumbona akupa mulandu wooyo wakabisha kweelana ambwaaelete. Ono mucikani coonse ici mwatondesha ayi tamucite mulandu.

Bene Galatiya 2:6

Ono abo bakalinga kwiitwa ayi bamatanjilili (tacicite mulandu na bakalinga baani ceebo Lesa taasalululi), abo bamatanjilili mbomunya tabakwe kunungaawo ashimwi shakwaamba ayi njiishe.

Bene Efeso 1:17

Ndaseenga Lesa uyo Jesu Klistu Mwaami wesu ngwaakalinga kulambila, Ishiwesu shibulemu, ayi amupe Mushimu uyo weshi ukamupe busongo akumuyubulwita Lesa ayi mukamwishibe.

Bene Efeso 3:14

Paceebo ceeco ndafukama pameenso a baTa,

Bene Efeso 6:9

Amwebo nobamaami, mucite bweenka ubo kubasha banu alimwi mutanoobakonga. Amwishibe kwaamba ayi balo alimwi amwebo, mulicitebo Mwaami womwi uli kwiculu utasalululi.

Dutolonomi 10:17

Mwaami Lesa, Lesa wanu nguLesa wa balesa, Mwaami wa baami, uleendaawo alimwi ngushinkusu, weelete kuloondwa. Taasalululi alimwi taatambuli makulo.

Bene Filipi 2:12

Ono nomusunikwi, kweelana ambomwalinga kunyumfwila ndindalingaanu, mulyeelete kwaamba ayi mwiindilishe kunoonyumfwila ciindi ici nceentabeteeko uko. Amutolelele kusebensa caboowa akututuma kwaamba ayi mumanishe mulimo wa lupulusho lwanu.

Bene Kolose 3:25

Sombi muntu woonse ucita shitaluleme, ulaakoomboloshekwa kweelana abubi bwakwe mukwiinga Lesa taasalululi.

Bene Ebulu 12:28

Alimwi ceebo tulatambula bweene ubo butatenkaanishikwi, tulyeelete kulumba Lesa, kumulambila munshila imukondelesha alimwi akumulemeka abuumbi.

Bene Ebulu 4:1

Aboobo ceebo cakwaamba ayi kushomesha Lesa nkwaakaamba kwakwinjila mukookesha mpokucili. Anu atucenjele kwaamba ayi kutabi nabi womwi eshi akaalilwe kwinjila.

1 Pita 2:11

Nomusunikwi, ntoomusenga cankusu, mbuli beensu bapalangene mucishi ca panshi, amuswe kulunkumbwa lwa mubili ulo lulwana amuuya wanu.

1 Pita 3:15

Sombi mumyoyo yanu kamulemeka Klistu mukwiinga ngoMwaami wanu. Munoolibambite lyoonse kusansulwita muntu uli woonse weenga wamwiipusha pakulangila nkomucite, sombi kamusansulula cakulibombya alimwi akumulemeka.