1 Pita 1:12 - Baibo Busansulushi Bwa Libuku Ili

¹² Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

1 Pita 1:12 Marejeleo ya Msalaba

Kulonga 25:20

Shilyeelete kulangana pacifwekesho, cimwi kweela acimwi kweela, ono mapapaminwa a nshisho alyeelete kunoofungulukite peculu lya cifwekesho.

Tushimpi 1:23

Nimwakanyumfwila kukalooka kwangu, naakwiinga ndamwaambila shili mumoyo wangu alimwi akumulwiita nsheentooyeeya.

Isaya 32:15

Sombi Lesa ulaakututumina alimwi Mushimu wakwe kuswa kwiculu. Lyalo luyanga lulaakuba muunda wa mboleshi awalo muunda wa mboleshi ulaakuba musaansa.

Isaya 53:1

Bantu bakakumbula ayi, “NoBaami baLesa, ngani wakashoma makani ngotwakashimikila? Ino nkusu shanu noBaami baLesa shakayubulwitwa baani?”

Danyelo 10:1

Mumwaaka watatu wa bwaami bwakwe Sailasi mwaami wa bene Pesha, Danyelo uyo wakalinga kwiitwa ayi Beloteshasa wakayubulwitwa makani kuswa kuli Lesa. Makani ayo akalinga alushinisho alimwi akalinga kwaamba pankondo iyoosha. Makani ayo akesa kuli nguwe mucili anga nciloto.

Danyelo 12:13

“Ono webo Danyelo, koshomeka kushikila kumeelelesho aciindi. Lyalo ulaakufwa, sombi ulaakubuka alimwi akutambula cilambu cako kumeelelesho aciindi.”

Danyelo 12:9

Alakwe wakakumbula ayi, “Danyelo, nyamuka unooya. Maswi aya ngabushishi alimwi alyeelete kunooli abushishi kushikila kumeelelesho aciindi.

Danyelo 2:19

Ono mashiku ayo eenka cintu ico cishisitwe cakayubululwa kuli Danyelo mucili anga nciloto. Lyalo Danyelo wakalumbaisha Lesa wa kwiculu

Danyelo 2:22

Ulayubulwita shintu shishisitwe. Ulishi shintu shoonse shili mumunshinshe, alimwi lakwe ulekala mumumuni.

Danyelo 2:47

Kuswawaawo mwaami Nebukadinesa wakaambila Danyelo ayi, “Ndushinisho Lesa wako nguLesa wa balesa, nguMwaami wa bamaami alimwi nguLesa uyubulula shishisitwe. Ndaamba boobo ceebo wacikonsha kunjubulwita shishisitwe ishi.”

Danyelo 8:13

Lyalo ndakanyumfwa usalalite umwi kaamba aumwi usalalite wakamwaambila ayi, “Citooba ciindi cilaamfu buyani cili anga nciloto ici kacitana kucitika cancinencine? Citooba ciindi cilaamfu buyani bubi ubo bulensha bunya kabushinkila kubengwa kwa milambu ya bushiku abushiku? Citooba ciindi cilaamfu buyani likoto lya nyenyeenshi sha kwiculu kalilyatililwa pantu pomwi aŊanda yakwe Lesa?”

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Jowelo 2:28

“Ciindi caakushika, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bamacembele banu basankwa balaakulota shiloto. Bacikula bwangu banu basankwa balaakubona shili anga nshiloto.

Amosi 3:7

Ncakwiila Mwaami Lesa Shinkusu shoonse taaciti cintu, kaatana kuyubulula muyeeyo wakwe kubasebenshi bakwe balaluki.

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Mateyo 16:17

Mpeeke Jesu wakamukumbula ayi, “Ulicite coolwe Simoni omwanaakwe Jona! Teshi muntu wakuyubulwiita ceeci, sombi mbaTa ba kwiculu.

Maako 16:15

Lyalo wakabaambila ayi, “Kamuya mucishi coonse, mukashimikile Makani Abotu kubantu boonse.

Luka 15:10

Ntoomulwiita ayi akwiculu bweenka ubo, baanjelo bakwe Lesa balasangalala abuumbi pamucita shibi womwi uyo usanduka kuswa kushibiibi.”

Luka 2:26

Mushimu Usalashi uyu wakalinga wamuyubulwita kale ayi teshi akafwe kaatana kubona Usalitwe wakwe Lesa.

Luka 9:6

Mpeeke batumwi bakeenda mumishi yoonse, kuya cishimikila Makani Abotu akushilika balwashi pali poonse.

Joni 15:26

“Ono aakwisa Mucafwi, ngweshi nkamutumine kuswa kuli baTa, Mushimu wiisha shalushinisho uyo uswa kuli baTa, ngweshi akasansulule shapali ndime.

Milimo ya Batumwi 10:44

Ono Pita ndyaakalinga kucaamba, Mushimu Usalashi wakesa pabaabo boonse bakalinga kunyumfwa makani ngaakalinga kwaamba.

Milimo ya Batumwi 16:10

Ndyaakamanabo kubona boobo Paulo, twakalibambila kuya kuMakedoniya mukwiinga twakeshiba ayi nguLesa wakalinga kusuni ayi tukashimikile Makani Abotu uko.

Milimo ya Batumwi 2:33

Wakasumpulwa akuba kulubasu lwalulyo lwakwe Lesa akutambula Mushimu Usalashi kuswa kuli Lesa Ishi, kweelana ambwaakamushomesha. Ishi nshemutoobona akunyumfwa, ncipo ca Mushimu Usalashi Jesu ncaatila pali ndiswe.

Milimo ya Batumwi 4:31

Ndibakamana kupaila, pamusena apo mpobakalinga kubungene pakatenkaanishikwa. Lyalo boonse bakesushikwa Mushimu Usalashi akutalika kushimikila maswi akwe Lesa cakubula boowa.

Milimo ya Batumwi 4:8

Mpomunyaawo Pita wakesushikwa Mushimu Usalashi, mpeeke wakabakumbula ayi, “Mwebo nobamatanjilili abamaloba,

Milimo ya Batumwi 8:25

Pita aJoni ndibakamana kupa bukamboni bwabo bwa pali Jesu Klistu alimwi akushimikila maswi akwe, bakaboolela kuJelusalemu. Ndibakalinga kuya, bakashimikila Makani Abotu mumishi iinji ya muSamaliya.

Bene Loma 1:15

Paceebo ceeci ndisuni abuumbi kwisa mukumushimikila Makani Abotu amwebo nomuli muLoma.

Bene Loma 1:17

Mukwiinga Makani Abotu aya alasansulula Lesa mbwaalulamika muntu pameenso akwe. Kululamikwa uko kulacitika kulilabo na muntu washoma kuswa kumatalikilo kushikila akumeelelesho. Kweelana abwaamba Malembo akwe Lesa ayi, “Uyo ululamikwa ceebo cakushoma, ulaakuba abuumi.”

Bene Loma 10:15

Inga bashimikila buyani na Lesa wabula kubatuma. Bweenka bwaamba Malembo akwe Lesa ayi, “Cilabota abuumbi na besa beshikushimikila Makani Abotu.”

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

1 Bene Kolinto 2:10

Sombi Lesa wakatuyubulwita sheeshi kwiinda muMushimu Usalashi. Ceebo Mushimu Usalashi ngooshi shintu shoonse nabi miyeeyo yakwe Lesa ya bushishi.

2 Bene Kolinto 1:22

wakatubika cishibilo cakwe, akutupa Mushimu Usalashi mumyoyo yesu kwaamba ayi ube anga ncecisumina mulandu ca shintu sheshi shikese.

2 Bene Kolinto 6:6

Alimwi kwiinda mubuumi bwesu butacite kampenda, lushibo lwesu, kukalika moyo kwesu, inkumbu nshetucite, muMushimu Usalashi, mulusuno lwancinencine,

Bene Galatiya 1:12

Nshikwe kupekwa kumuntu nabi kwiishikwa kumuntu, sombi Jesu Klistu ngowakanjubulwita Makani Abotu ayo.

Bene Galatiya 1:16

Cakamukonda kunjubulwita Mwanaakwe kwaamba ayi nkashimikile Makani Abotu aamba pali nguwe kubaswamashi bakunsengwe. Nshikwe kuya kumuntu mukwiipusha bwakucita,

Bene Efeso 3:10

Wakalinga kusuni ayi kwiinda mucoonde, baanjelo abo beendelesha alimwi bacite nkusu mwiculu, beshibe busongo bwakwe Lesa mushintu shoonse.

1 Bene Tesalonika 2:9

Nobamakwesu, muliingashite mbotwakasebensa cankusu? Twakalinga kusebensa malumwi amashiku kwaamba ayi tutamupenshi mushintu nshetwakalinga kuyanda kusebensesha, nditwakalinga kumushimikila Makani Abotu aswa kuli Lesa.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Bene Ebulu 11:13

Bantu aba boonse bakafwabo kabashoma muli Lesa. Tabakwe kutambula shintu isho Lesa nshaakabashomesha, sombi kashicili kulaale, bakashibona akusangalala abuumbi. Bakasumina patuba ayi mucishi ca panshi, ncakwiila mbeensu beendilite.

Bene Ebulu 2:4

Alakwe Lesa wakalinga kuyumya bukamboni bwabo kwiinda mukucita shaankamiko shipusenepusene ashitondesho sha nkusu sha kwiculu alimwi akwiinda mukubapa shipo sha Mushimu Usalashi kweelana akuyanda kwakwe.

Bene Ebulu 4:2

Mukwiinga aswebo twakanyumfwa Makani Abotu bweenka mbuli mbabo. Sombi taaku bubotu mbobakacanaamo mukwiinga bakanyumfwabo, ono tabakwe kushoma.

1 Pita 1:25

sombi maswi a Mwaami Lesa ananooliikobo muyayaya.” Maswi ayo ngaMakani Abotu ayo ngobakashimikila kuli ndimwe.

1 Pita 4:6

Nceceeco Makani Abotu ncaakashimikililwa akubaabo bakafwa, kwaamba ayi nabi bakoomboloshekwa mumubili bweenka mbuli bantu boonse, sombi mumushimu banookala abuumi bweenka mbuli Lesa.

Ciyubululo 5:11

Kuswawaawo, ndakalangilisha alimwi, akubona baanjelo bali shuulu ashuulu shitabelengwi. Bakalinga kushingulukite cuuna ca bwaami, shilengwa shuumi shili shone alimwi abamaloba abo.