1 Makani 6:32 - Baibo Busansulushi Bwa Libuku Ili

³² Bakalinga kucite mulimo wakwiimba muTente ya Cipangano Mwaami Solomoni kaatana kuyaka Ŋanda yakwe Lesa muJelusalemu. Bakalinga kucita mulimo uyo kweelana amilawo njebakapekwa.

1 Makani 6:32 Marejeleo ya Msalaba

1 Makani 6:10

Jowanani wakashala Asaliya uyo wakalinga kusebensa muŊanda yakwe Lesa iyo yakayaka mwaami Solomoni mundabala inene ya Jelusalemu,

1 Makani 6:31

Aba mbobasankwa mwaami Defedi mbwaakasala kweendelesha bwiimbi muŊanda yakwe Lesa Libokoshi lya Cipangano ndilyakaletwa mumo.

1 Makani 6:33

Aba bantu abamulunyungu lwabo mbobakalinga kucita mulimo uyo. Bamucipani cakwe Koati mbaaba: Emani mutanjilili wa likoto litaanshi lya beshikwiimba, uyo wakalinga mwanaakwe Jowelo, Jowelo wakalinga mwanaakwe Samwelo,

1 Makani 9:33

Bamwi pakati ka bene Lefi bakalinga mbeshikwiimba muŊanda yakwe Lesa. Bamatanjilili ba bamumaandaabo bakalinga kwikala mumaanda a kuŊanda yakwe Lesa. Aba bantu tebakalinga kupekwa milimo imwi mukwiinga bakalinga kwiitikwa paciindi cili coonse mashiku nabi malumwi.

2 Makani 31:2

Mwaami Esekiya wakabusha makoto a bapailishi amakoto a bene Lefi kweelana amilimo yabo. Milimo yabo imwi yakalinga nkubenga milambu yakutenta amilambu ya bwanabwankashi, kusebensela muŊanda yakwe Lesa pakulambila, kulumba akwiimba nyimbo shakulumbaisha Lesa kuminjililo ya Ŋanda yakwe Lesa.

2 Makani 35:15

Beshikwiimba bamulunyungu lwakwe Asafu bakalinga kwiimfwi mumisena yabo kweelana abwakaamba mwaami Defedi. Beshikwiimba abo nguAsafu, Emani alimwi aJedutuni mulaluki wa mwaami. Beshikulindilila minjililo tabakwe kuswaako kumilimo yabo mukwiinga bene Lefinyinaabo bakababambila sha bushiku bwa Pasika bwakwiibaluka kusotokela.

Esila 6:18

Bakabika bapailishi abene Lefi mushipansha shabo kwaamba ayi bakanoosebensela Lesa muŊanda yakwe kuJelusalemu kweelana ambocilembetwe mulibuku lyakwe Mose.

Esekelo 40:44

Kuswawaawo wakantola kulubansa lwa mukati uko nkondakabona shipinda shobilo. Cipinda comwi cakalinga kulangite kumalenge kacili lubamba amwinjililo wakumatwa, cimwi kacilangite kumatwa kacili lubamba amwinjililo wakumalenge.