1 Makani 5:25 - Baibo Busansulushi Bwa Libuku Ili

²⁵ Nakubi boobo tebakalinga kushomeka kuli Lesa wa bamashali babo bakulukulu, bakamusuula akutalika kulambila balesa ba mishobo iyo Lesa njaakatanda mucishi ico.

1 Makani 5:25 Marejeleo ya Msalaba

2 Baami 15:19

Mpeeke Tigilati Pilesa, mwaami wa bene Asilya wakaya ayi alwane bene Isilaeli. Ono Menaemu wakamupa makilogilamu a Silifa ali 34,000 kwaamba ayi amucafweeko kuyumya bwaami bwakwe.

1 Makani 5:24

Bamatanjilili ba shipani shabo mbaaba: Efa, Ishi, Eliyelo, Asiliyelo, Jelemiya, Odafiya alimwi aJadiyelo. Boonse aba bakalinga bashilumamba beshinkusu alimwi bakalinga bamatanjilili ba shipani shabo bapukite abuumbi.

1 Makani 9:1

Bene Isilaeli boonse bakalinga kulembetwe kweelana abamumaandaabo mulibuku lya bamaami ba bene Isilaeli. Bene Juda bakalinga batolwa busha kuBabiloni ceebo ca kutashomeka kwabo.

Kulonga 34:15

Mutakeeleshi kupanga cipangano abantu ba mucishi ico, mukwiinga pakunoolambila balesa babo alimwi akubabengela milambu, balaakumutamba amwebo. Paceebo ceeci mulaakulya nshebabenga kubalesa babo.

Osiya 1:2

Mwaami Lesa ndyaakatalika kwaambila bene Isilaeli kwiinda muli ndime neOsiya, wakaŋambila ayi, “Osiya, koya ukeebe. Mukaako teshi akanooshomeka abalo bana bako balaakukoshabo nyinawabo. Mbweeke ubo bantu bangu mbobakanshiya akucileka kushomeka kuli ndime neMwaami Lesa.”

Osiya 9:1

Nobene Isilaeli, amucileeke kusangalala, ee, amucileeke kusamwa pakusekelela kwanu anga njimishobo imwi. Mwebo tamukwe kushomeka kuli Lesa wanu. Mwalyaaba kuli lesa Baali mumisena yoonse ya mucishi anga mbafuule akukondwa shili anga ngamaila amafuta a olifi isho nshemuyeeya ayi nguBaali umupa.

Ciyubululo 17:5

Pankumo yakwe, pakalinga kulembetwe liina lya busansulushi bushisitwe lyakwaamba ayi, “Babiloni munene, mushali wa bafuule boonse alimwi amicito yoonse ilensha nsoni ya mucishi ca panshi.”

Boomboloshi 2:12

Bakasuula Mwaami Lesa, Lesa wa bamashali babo bakulukulu uyo wakabakusha mucishi ca Ijipiti. Bakatalika kulambila balesa ba mishobo iyo yakalinga kubashingulukite. Aboobo bakakalasha Mwaami Lesa.

Boomboloshi 2:17

Sombi balo tabakwe kunyumfwila boomboloshi abo. Bene Isilaeli bakacileka kushomeka kuMwaami Lesa mukulambila balesa beensu. Bamashali babo bakulukulu bakalinga kukonkela akunyumfwila milawo ya mwaami Lesa. Sombi balo bakaalilwa kucita boobo.

Boomboloshi 8:33

Gidyoni ndyaakafwa, bene Isilaeli bakacileka kulambila Mwaami Lesa akutalika kulambila baBaali. Bakasandula Baali Beliti kuba lesa wabo.