1 Makani 29:9 - Baibo Busansulushi Bwa Libuku Ili

⁹ Bantu boonse bakasangalala abuumbi kubona bamatanjilili mbobakapa kuMwaami Lesa cakulyaaba alimwi camyoyo yoonse. Ncakwiila alakwe Defedi wakasangalala abuumbi.

1 Makani 29:9 Marejeleo ya Msalaba

1 Baami 8:61

Nobantu bakwe Lesa, amushomeke kuMwaami Lesa lyoonse akukonkela milawo amilasho yakwe yoonse, mbuli mbomucita bulya.”

2 Baami 12:5

Mupailishi womwi awomwi ulyeelete kubwesa maali kuswa kubantu abo mbwaasebensela. Maali ayo alyeelete kusebenseshekwa mukubambulula Ŋanda yakwe Lesa pali poonse payandika boobo.”

1 Makani 29:10

Mpomunyaawo mwaami Defedi wakalumbaisha Mwaami Lesa kunembo lya bantu boonse ayi, “NoBaami baLesa, baLesa ba mushali wesu mukulukulu Jakobo, amulumbaishikwe kwalyoonse alyoonse!

1 Makani 29:17

Ndishi kwaamba ayi mulabonabona mumoyo wa muntu uli woonse alimwi mulakondwa bantu bacite myoyo yakushomeka. Shintu shoonse ishi ndashipa cakulyaaba alimwi amoyo womwi. Ono bulya ndasangalala kubona abalo bantu banu baliiwo pano mbobapa cakulyaaba.

2 Makani 17:16

Wakuboolaawo nguAmasiya mwanaakwe Sikili. Amasiya wakalinga kutanjilila bashilumamba bali 200,000. Amasiya uyo wakalibenga kusebensela Mwaami Lesa.

2 Makani 24:10

Ici cakakondelesha bantu alimwi abamatanjilili. Aboobo bakaleta maali kushikila libokoshi ilyo balisusha.

2 Makani 31:8

Lyalo Esekiya abacinenenene bakwe ndibakabona milwi iyo bakalumbaisha Mwaami Lesa abantu bakwe bene Isilaeli.

Esila 1:6

Beshikamukobonyinaabo boonse bakabacafwako akubapa shintu shiinji, nkokwaamba ayi mbale sha silifa, golodi, shakulya, shifubwa, shamakwebo shimwi pantu pomwi ashipo sha kuŊanda yakwe Lesa.

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Kulonga 35:29

Boonse bene Isilaeli abo bakasuna kubenga, bakaleta shipo shabo kuMwaami Lesa kwaamba ayi basebenseshe kumilimo iyo njaakaambila Mose ayi bakacite.

Luka 15:6

akwiitola kuŋanda. Mpeeke uleeta babye abeshimukobonyina akubalwiita ayi, ‘Amusekelele anebo, mukwiinga mbelele yangu yakalinga yasoweka ndeecana.’

Joni 15:11

“Ndamulwiita shintu ishi kwaamba ayi kusangalala kwangu kube muli ndimwe alimwi akwaamba ayi kusangalala kwanu kushikeewo.

2 Bene Kolinto 8:12

Ceebo na mulayandishisha kupa shipo, Lesa ulaakutambula shipo shanu mukubona kwaamba ayi mwapa kweelana ambomukonsha, kuteshi sheesho nshemutacite.

2 Bene Kolinto 8:3

Bakalinga kupa kweelana ambobakalinga kukonsha. Inga ndaamba ayi bakalinga kwiindilisha ampobakalinga kukonsha.

Bene Filipi 4:1

Ono mwebo nobamakwesu, nomusunikwi alimwi ndamuyeeya abuumbi. Mwebo mulansangalasha. Paceebo ceeco ndatangala cankusu ceebo ca ndimwe. Anu ubo nobamakwesu mbomweelete kuyuma muMwaami.

Bene Filipi 4:10

Ndisangalete abuumbi muMwaami kwaamba ayi ciindi cilaamfu mbuli ceeci ceenda, mwatalika alimwi kutondesha ayi mulanjeeya. Nshintokwaamba ayi mwakalinga mwacileka kunjeeya, sombi mwebo mwakabulabo ciindi cakwaamba ayi muntondeshe.

Boomboloshi 5:9

Moyo wangu uli pabamatanjilili bene Isilaeli, uli pabantu bakalyaaba cakusangalala. Aalumbaishikwe Mwaami Lesa.