1 Makani 27:30 - Baibo Busansulushi Bwa Libuku Ili

³⁰ Obili mwine Ishimaeli wakalinga kweendelesha ngamela. Jedeiya mwine Melonoti wakalinga kweendelesha mbongolo.

1 Makani 27:30 Marejeleo ya Msalaba

Matalikilo 47:6

cishi ca Ijipiti ncabo. Basuminishe bekale mumusena wa Gosheni, musena wiindaawo kubota mucishi cino. Alimwi na pali basankwa bakonsha kulama shifubwa, ubape bweendeleshi bwa shifubwa shangu.”

1 Makani 27:29

Shitilayi wa kuShaloni wakalinga kweendelesha ŋombe shakalinga kulita kuShaloni. Shafati mwanaakwe Adilayi wakalinga kweendelesha ŋombe shakalinga kulita kushinyika.

1 Makani 27:31

Jasisi mwine Agi wakalinga kweendelesha mbelele ampongo. Anu aba mbobakalinga bacinenenene bakalinga kweendelesha shintu sha mwaami Defedi.

Neyemiya 3:7

Melatiya wa kuGibyoni aJadoni wa kuMelonoti, abasankwa bene Gibyoni aMisipa bakayakulula cipansha ca lubumbu cakakonkelaawo kushikila akuŋanda ya mweendeleshi wakwitala lya Mulonga wa Yufuletisi.

Jobo 1:3

Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.