1 Makani 25:6 - Baibo Busansulushi Bwa Libuku Ili

⁶ Bana bakwe boonse bakalinga kutanjililwa abamashali babo basankwa mukulisha tusenke atulumbu tunene atuniini pakulambila muŊanda yakwe Lesa. Asafu, Jedutuni alimwi aEmani balo bakalinga kutanjililwa amwaami Defedi.

1 Makani 25:6 Marejeleo ya Msalaba

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Bene Efeso 5:19

Mulyeelete kwaamba kuli womwi awomwi mumaswi a kulumbaisha, nyimbo sha kulemeka alimwi ashimwi sha kulumbaisha Lesa. Kamwiimbila Mwaami cakukondwa amoyo woonse.

Kulumbaisha 68:25

Bali kunembo mbeshikwiimba, pesule mbeshikulisha tulumbu ashimwi. Balo bali pantu pomwi abalutundu beshikulisha misebe.

1 Makani 23:5

Bamwi bali 4,000 wakabasala ayi babe beshikulindilila minjililo abamwi bali 4,000 ayi babe beshikulumbaisha Mwaami Lesa, mukusebensesha shakulisha pakwiimba isho shakabapa mwaami ceebo ca mulimo uyu.

1 Makani 15:22

Kenaniya mutanjilili wa bene Lefi ngowakasalwa kutanjilila abwiimbi ceebo wakalinga kucibwene abuumbi kwiimba.

1 Makani 15:19

Beshikulisha tusenke nguEmani, Asafu alimwi aEtani.

1 Makani 15:16

Kuswawaawo Defedi wakaambila bamatanjilili bene Lefi ayi basale bamakwababo beshi banokwiimba nyimbo shakusangalala alimwi banoolisha tulumbu tunene atuniini alimwi atusenke twakulisha.

2 Samwelo 6:5

Defedi abene Isilaeli boonse bakalinga kusekelela cankusu shabo shoonse mukupa bulemu Mwaami Lesa. Bakalinga kwiimba, kulisha tulumbu tuniini atunene, misebe ipusenepusene alimwi atusenke twakulisha.

2 Makani 29:25

Mwaami wakakonkela milasho iyo Mwaami Lesa njaakapa mwaami Defedi kwiinda muli Gadi mulaluki wakwe amumulaluki umwi Natani. Wakeemika bene Lefi muŊanda yakwe Lesa kabacite tusenke twakulisha atulumbu tunene atuniini.

1 Baami 10:12

Solomoni wakasebensesha shisamu isho kupanga macinko a muŊanda yakwe Lesa alimwi aŋanda yakwe. Wakashisebensesha akupanga tulumbu tunene atuniini twakulisha beshikwiimba. Shakalinga shisamu sha Junipa shibotu abuumbi shakaletwawo muIsilaeli kuswa kubushiku ubo.

2 Makani 20:28

Ndibakashika mundabala ya Jelusalemu bakeendililabo kuŊanda yakwe Lesa kabaya cilisha tulumbu tunene atuniini alimwi amapeenga.

2 Makani 23:13

Ndyaakashika, wakacana mwaami mupya uliimfwi kulicinko pamwinjililo wa Ŋanda yakwe Lesa kweelana akwishibila kwabo. Wakalinga kushingulukitwe abamatanjilili alimwi abeshikulisha mapeenga. Bantu boonse bakalinga koolobesha cakusangalala akulisha mapeenga. Mpomunyaawo Ataliya wakakwamoona shakufwala shakwe akwaamba ayi, “Bambukila! Bambukila!”

2 Makani 29:13

Kuswa kubamulunyungu lwakwe Elisafani nguShimili aJeiyelo. Kuswa kubamulunyungu lwakwe Asafu nguSekaliya aMataniya.

Neyemiya 11:17

Mataniya mwanaakwe Mika mwishikulu wakwe Sabudi. Sabudi wakalinga mwanaakwe Asafu uyo wakalinga kutanjilila likoto lya beshikwiimba abo bakalinga kwiimba lwiimbo lwakulumba Lesa. Bakibukiya uyo wakalinga mucafwi kuli Mataniya. Abuda mwanaakwe Shamuwa, mwishikulu wakwe Galalu. Galalu wakalinga mwanaakwe Jedutuni.

Neyemiya 12:24

Bamatanjilili ba bene Lefi nguAshabiya, Shelebiya Jeshuwa mwanaakwe Kadimyelo. Bamatanjilili aba bakapansaanya bene Lefinyinaabo mumakoto. Makoto obilo akalinga kwiimba nyimbo shakulumbaisha akulumba Lesa cakukumbushanya paciindi comwi acomwi kweelana abwakaamba Defedi muntu wakwe Lesa.

Neyemiya 12:46

Kuswa muciindi cakwe Defedi aAsafu shikwiimba, beshikwiimba mbobakalinga kutanjilila nyimbo shakulumbaisha akulumba Lesa.