1 Makani 24:19 - Baibo Busansulushi Bwa Libuku Ili

¹⁹ Anu mboboobo bantu aba mbobakalinga kukonkelana mumundando wa milimo yabo muŊanda yakwe Lesa. Milimo iyo bakalinga kwiicita kweelana amilasho yakaamba Aloni mushali wabo mukulukulu iyo alakwe njaakalwiitikwa kuMwaami Lesa, Lesa wa bene Isilaeli.

1 Makani 24:19 Marejeleo ya Msalaba

1 Makani 24:1

Ono aya ngomakoto a bamulunyungu lwakwe Aloni. Aloni wakashala baana bone, nkokwaamba ayi, Nadabu, Abiyu, Eliyasa alimwi aItama.

1 Makani 24:20

Bamulunyungu lwakwe Lefi bamwi mbaaba: Kuswa kubana bakwe Amulamu nguShebuwelo. Kuswa kubana bakwe Shebuwelo nguJedeiya.

1 Makani 6:34

Samwelo wakalinga mwanaakwe Elikana, Elikana wakalinga mwanaakwe Jeloamu, Jeloamu wakalinga mwanaakwe Eliyelo, Eliyelo wakalinga mwanaakwe Towa,

1 Makani 9:25

Beshikulindilila aba bakalinga kucafwikwa abeshikamukowa babo bakalinga kwikala mumishi. Bakalinga kupaana malishi a nshiku shosanwe ashobilo paciindi comwi acomwi na beetwa.

2 Makani 23:4

Mbulya mbomweelete kucita nobapailishi abene Lefi. Na mukese kuncito pabushiku bwakookesha bwa Cibelu, mukalibaanye mumakoto otatwe. Likoto lyomwi likalaame minjililo ya kuŊanda yakwe Lesa.

2 Makani 23:8

Lyalo bene Lefi abene Juda boonse bakacita kweelana amilasho yakwe Jeoiyada. Bantu abo bakakomboka pabushiku bwa Cibelu tabakwe kupalanganishikwa ayi baye kumishaabo, nkokwaamba ayi mutanjilili wa bulishi womwi awomwi wakalinga abaabo bakalinga pabulishi alimwi abaabo bakakomboka.

Luka 1:8

Bumwi bushiku Sekaliya wakalinga kucita ncito yakwe yabupailishi muŊanda yakwe Lesa, bulishi bwakwe ndibwakashika.

1 Bene Kolinto 14:40

Shintu shoonse shilyeelete kucitwa munshila ibotu alimwi mumulawo.

Bene Ebulu 7:11

Milawo yakapekwa bene Isilaeli yakapekwa kweendelana abupailishi bwa bene Lefi. Ono bapailishi bamulunyungu lwakwe Lefi nebakasebensela Lesa kweelana ambocakalinga kuyandika, naakwiinga takuyandiki mupailishi umwi upusene ambabo, wa wooyo uswa mumushobo wa bupailishi bwakalinga kucite Melikisedeki, kuteshi Aloni.