1 Makani 23:32 - Baibo Busansulushi Bwa Libuku Ili

³² Anu mboboobo bene Lefi mbobakalinga kusebensa muTente ya Cipangano alimwi amuŊanda yakwe Lesa. Bakalinga kucafwa bamakwababo abo bakalinga bamulunyungu lwakwe Aloni mumulimo wakulambila muŊanda yakwe Lesa.

1 Makani 23:32 Marejeleo ya Msalaba

1 Baami 8:4

akulitola kuŊanda yakwe Lesa. Bene Lefi alimwi abapailishi abalo bakanyamuna Tente ya Cipangano ashitabatisho sha moomo shoonse akushitola muŊanda yakwe Lesa.

1 Makani 9:27

Bakalinga kwikala kufwaafwi aŊanda yakwe Lesa mukwiinga yakalinga ncito yabo yakwiilama akucalula minjililo lyoonse macuunsacuunsa.

Esekelo 44:14

Nakubi boobo, ndabapa mulimo umwi uli woonse uyandikabo kucata amaansa muŊanda yangu.”

Shakubelenga 1:53

Sombi bene Lefi balaakuyaka misumba yabo kushingulusha Tente ayi banooilama kukasha muntu uli woonse kusena pafwaafwi akulengesha ayi bukali bwangu bube pabene Isilaeli.”

Shakubelenga 18:5

Webo alimwi abana bako nweenkabo ndimwe mweelete kunoolanga pamilimo ya muMusena Usalalite acipaililo, kwaamba ayi bukali bwangu butakabi pabene Isilaeli alimwi.

Shakubelenga 3:38

Sombi Mose aAloni alimwi abana bakwe basankwa bakalinga kuyaka misumba yabo kwicwe kunembo lya Tente ya Cipangano. Balo mulimo wabo wakalinga wakusebensela bene Isilaeli muMusena Usalalite. Muntu umwi uli woonse wakeelesha kucita mulimo uyu wakalinga kucaikwa.

Shakubelenga 8:26

Kuswawaawo inga kaacafwa bene Lefinyina mumilimo yabo muTente, sombi palwaakwe mwiine taacite mulimo wakusebensa nabi womwi. Anu ubo mbomweelete kupa bene Lefi milimo.”

Dutolonomi 18:7

akutalika kusebensela Mwaami Lesa, Lesa wakwe mulimo wa bupailishi, bweenka mbuli bene lefi bamwi basebensela kooko.