1 Makani 23:25 - Baibo Busansulushi Bwa Libuku Ili

²⁵ Ceebo Defedi wakaamba ayi, “Mwaami Lesa, Lesa wa bene Isilaeli wapa luumuno kubantu bakwe alimwi lakwe mwiine ulanookala muJelusalemu lyoonse alyoonse.

1 Makani 23:25 Marejeleo ya Msalaba

2 Samwelo 7:1

Ono mwaami Defedi wakakalikana muŋanda yakwe ya bwaami, Mwaami Lesa ndyaakamupa luumuno mukulengesha balwani bakwe boonse bakalinga kumushingulukite kubula luta.

2 Samwelo 7:11

alimwi akuswabo ciindi ndindakasala boomboloshi ayi batanjilile bantu bangu bene Isilaeli. Ono ndaakukupa luumuno mukulengesha balwani bako boonse bakushingulukite kubula luta. Nebo neMwaami Lesa ndaakukupa bamulunyungu.

1 Baami 8:13

Ono ndayaka Ŋanda yanu ibotu abuumbi, musena uyo ngomweelete kwikalaamo kwamuyayaya.”

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

1 Makani 22:18

Wakaamba ayi, “Mwaami Lesa, Lesa wanu wakalinga amwebo akumupa luumuno kumbasu shoonse. Wakanengesha ayi nkome bantu boonse bakalinga kwikala mucishi cino. Ciindi cino bali mumaansaanu amumaansa a Mwaami Lesa.

2 Makani 23:18

Mpomunyaawo Jeoiyada wakasala bapailishi abene Lefi ayi banokweendelesha milimo ya muŊanda yakwe Lesa. Bantu abo bakalinga kucita milimo iyo yakabapa mwaami Defedi alimwi akubenga milambu yakutenta kuMwaami Lesa kweelana aMilawo njaakapa Mose. Bakalinga kweendelesha abwiimbi alimwi ashakusekelela.

Kulumbaisha 135:21

Aalumbaishikwe Mwaami Lesa kuswa kuSiyoni, ncakwiila amumulumbaishe uyo ukala muJelusalemu. Amulumbaishe Mwaami Lesa!

Kulumbaisha 68:16

Ceebonshi okalundu kacite nsonga shiinji, utoolanga camunyono kalundu ako Lesa nkaakasala ayi ekaleewo? Ee, pakalundu apo mpweshi anookala kwamuyayaya.

Kulumbaisha 68:18

Ndimwakatanta kalundu mwakatolelela abakacatwa munkondo. Mwakatambula shipo kuswa kubantu, nabi kuswa kubaabo baashu kwaamba ayi mwebo noBaami baLesa mwikale kooko.

Kulumbaisha 9:11

Amulumbaishe Mwaami Lesa uyo ulela muSiyoni, mwaambe milimo yakwe ikankamika kumishobo yoonse.

Isaya 8:18

Ono bulya ndime abaana Mwaami Lesa mbwaakampa. Mwaami Lesa Shinkusu shoonse ucite cuuna ca bwaami paKalundu ka Siyoni, watutuma kwaamba ayi tube nkombe yakwe yuumi kubene Isilaeli.

Esekelo 48:35

“Mushinso kushinguluka ndabala yoonse ulaakunooli mamita ali 9,000. Ndabala iyo ilaakunokwiitwa ayi, ‘Mwaami Lesa uli momuno!’ ”

Jowelo 3:21

Nebo neMwaami Lesa neenkala paKalundu ka Siyoni ndaakuboosha cishole ceebo ca baabo bakacaikwa. Teshi nkalekeleewo baabo bacite mulandu wakutila bulowa bwabo.”

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Bene Kolose 2:9

Mukwiinga muli Klistu bulesa boonse bulekala mumubili wa buntu

Joshuwa 23:1

Ono ndipakeenda ciindi cilaamfu, Mwaami Lesa kaapete kale bene Isilaeli luumuno kuswa kubalwani babo boonse bakalinga kubashingulukite, Joshuwa kaali wacembela,