1 Makani 22:19 - Baibo Busansulushi Bwa Libuku Ili

¹⁹ Ono bulya amusebensele Mwaami Lesa, Lesa wanu amyoyo yanu yoonse alimwi abuumi bwanu boonse. Amutalike kuyaka Ŋanda yakwe Lesa kwaamba ayi mukabikemo Libokoshi lya Cipangano ashimwi shintu shisalalite isho shakusebensesha pakumulambila.”

1 Makani 22:19 Marejeleo ya Msalaba

1 Baami 5:3

“Mulishi kwaamba ayi ceebo ca nkondo shatalinga kumana bata nshebakalinga kulwana ashishi, tabakwe kukonsha kuyaka Ŋanda yakulambililaamo Mwaami Lesa wabo, kushikila Mwaami Lesa ndyaakabalengesha kukoma balwani babo boonse.

1 Baami 8:21

Ndakabamba amusena muŊanda yakwe Lesa wakubikaawo Libokoshi lya Cipangano ilyo licite mabwe a cipangano ico Lesa ncaakapanga abamashali besu bakulukulu ndyaakabakusha muIjipiti.”

1 Baami 8:6

Lyalo bapailishi bakanyamuna Libokoshi lya Cipangano akulitola muŊanda yakwe Lesa akulibika muMusena Usalalite Wiindaawo muunshi lya mapapaminwa a bakelebu.

1 Makani 16:10

Amusangalale akulambila liina lyakwe lisalalite. Ncakwiila myoyo ya bantu boonse bamulambila aisangalale.

1 Makani 16:11

Amulangilishe kuMwaami Lesa akusenga nkusu shakwe. Amulambile Mwaami Lesa cakutacilekaawo.

1 Makani 22:16

sha golodi, silifa, bulonse alimwi asha sheela shilemulemu. Ono bulya talika mulimo uyu. Mwaami Lesa abe awebo.”

1 Makani 22:7

Defedi wakaamba ayi, “Omwanaangu, ndalinga kusuni kuyaka Ŋanda yakwe Lesa mukupa bulemu Mwaami Lesa, Lesa wangu.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

2 Makani 20:3

Mpeeke Jeoshafati wakafwa boowa akutalika kupaila kuMwaami Lesa kwaamba ayi amutanjilile. Lyalo wakaambila bantu boonse mucishi ayi balikaashe kulya.

2 Makani 5:7

Lyalo bapailishi bakanyamuna Libokoshi lya Cipangano akulitola muŊanda yakwe Lesa akulibika muMusena Usalalite Wiindaawo muunshi lya mapapaminwa a bakelebu.

2 Makani 6:11

MuŊanda yakwe Lesa ndabikaamo Libokoshi lya Cipangano, umo muli mabwe apampamene a cipangano cakapanga Mwaami Lesa abene Isilaeli.”

Kulumbaisha 119:2

Balicite coolwe abo bakonkela kwiisha kwa Mwaami Lesa, abo bamunyumfwila amyoyo yabo yoonse.

Kulumbaisha 14:2

Kwiculu Mwaami Lesa ulalangilisha bantu panshi ayi abone na pali musongo, ee, kwaamba ayi abone muntu uyo usuni kumulambila.

Kulumbaisha 27:4

Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

Kulonga 25:8

Bantu balyeelete kunjakila Tente isalalite kwaamba ayi nkekaale pakati lyabo.

Isaya 60:1

Buka webo Jelusalemu ubale anga ndisuba. Ceebo bulemu bwa Mwaami Lesa buli pali ndiwe!

Jelemiya 29:13

Mulaakunyandoola akuncana ceebo mulaakunyandoola camoyo woonse.

Danyelo 9:3

Mpeeke ndakapaila kuMwaami Lesa cakulyaaba, kumukombelela kwiinda mukulikasha kulya, kufwala masaka akwikala mumilota.

Agayi 1:5

“Sa tamutoobona shitoocitika kuli ndimwe?

Agayi 1:8

Ono bulya kamuyabo mutulundu mukutimbula mapulanga akwisa mukutalika kuyakulula Ŋanda yangu. Lyalo ndaakukondwa muli njiyo akulemekwa bweenka mboonjelete. Nebo neMwaami Lesa ndaamba.

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 22:16

Ino ucilindilanshi? Nyamuka ulumbaishe liina lyakwe, ubombekwe, Lesa akusalashe kwaamba ayi shibiibi shako shilekelelwe.’

Dutolonomi 4:29

Ono uko mulaakunoolangoola Mwaami Lesa, Lesa wanu, lyalo na mukanoomulangoola amoyo woonse alimwi abuumi bwanu boonse, mulaakumucana.