1 Makani 21:7 - Baibo Busansulushi Bwa Libuku Ili

⁷ Alakwe Lesa taakwe kukondwa pacikani ico cakacita Defedi. Aboobo bene Isilaeli wakabapa mulandu.

1 Makani 21:7 Marejeleo ya Msalaba

2 Samwelo 11:27

Cililo ndicakeenda, Defedi wakatuma bantu ayi balete Batisheba kuŋanda yakwe. Lyalo wakamweeba akushalilamo mwaana musankwa. Sombi cikani cakacita Defedi cakacima Mwaami Lesa.

2 Samwelo 15:26

Sombi na akaambe ayi, ‘Nshikondetwe pali nguwe,’ nebo ndilibambite kwaamba ayi akanciite cili coonse ncaasuni.”

2 Samwelo 21:1

Muciindi ca bwaami bwakwe Defedi kwakaba nsala iyo yakatola myaaka yotatwe. Mpeeke Defedi wakeepusha Mwaami Lesa pacikani ico. Mwaami Lesa wakaamba ayi, “Nceebo cakwe Saulo alimwi abamuŋanda yakwe bacite mulandu wakutila bulowa. Saulo wakacaya bene Gibyoni.”

2 Samwelo 21:14

Mpeeke bakabika mafuwa akwe Saulo aJonasani mwanaakwe mucuumbwe cakwe Kishi ishi Saulo mundabala ya Sela mucishi ca bene Benjameni. Bakacita shoonse mwaami nshaakaamba, lyalo Mwaami Lesa wakakumbula mipailo njebakalinga kupailila cishi cabo.

2 Samwelo 24:1

Ono Mwaami Lesa wakakalalila bene Isilaeli. Mpeeke wakalengesha Defedi kubapensha ndyaakaamba ayi, “Kamuya mukabelenge bantu bene Isilaeli abene Juda.”

2 Samwelo 24:10

Pesule bantu ndibakamana kubelengwa, Defedi wakapenshekwa mumoyo abuumbi. Lyalo wakapaila kuMwaami Lesa ayi, “Ndabiisha abuumbi kucita cintu ici. Ono noBaami baLesa ndaseenga kwaamba ayi mulekelele cibiibi cangu nebo nemusebenshi wanu, mukwiinga ndaciita cintu cabuluya.”

1 Baami 15:5

Mwaami Lesa wakacita boobo mukwiinga Defedi wakacita shakamukonda alimwi taakwe kupwayaawo milawo yakwe, kulekabo cikani cakwe Uliya mwine Iti.

1 Makani 21:14

Aboobo Mwaami Lesa wakatuma mwaalu pakati ka bene Isilaeli, lyalo basankwa bali 70,000 bakafwa.

1 Makani 21:6

Ono ceebo cakwaamba ayi Joabu taakwe kusumina cakaamba mwaami, taakwe kubelengaawo bamumukowa wakwe Lefi alimwi awakwe Benjameni.

1 Makani 21:8

Mpeeke Defedi wakaambila Lesa ayi, “Ndabiisha abuumbi kucita cintu ici. Ono ndaseenga kwaamba ayi mulekelele cibiibi cangu nebo nemusebenshi wanu mukwiinga ndaciita cintu cabuluya.”

Joshuwa 7:1

Nacibi boobo bene Isilaeli tabakwe kunyumfwila Mwaami Lesa ndyaakabaambila ayi tabeelete kubwesa cintu nabi comwi mundabala inene ya Jeliko ico ceelete kunyonyoolwa. Akani mwanaakwe Kami, mwishikulu wakwe Sabudi, mucipani cakwe Sela mumukowa wakwe Juda, wakabwesa shintu shimwi. Aboobo Mwaami Lesa wakakalalila bene Isilaeli.

Joshuwa 7:13

“Nyamuka, koya ubasalashe bantu. Ubalwiite ayi bakalibambile kwisa kunembo lyangu ciilo. Nebo neMwaami Lesa, Lesa wa bene Isilaeli ndisuni kubalwiita ayi, ‘Nobene Isilaeli pakati kanu pali shintu sheelete kunyonyoolwa. Aboobo inga tamulwaniiwo akukoma balwani banu na mubule kushikusha pakati kanu.

Joshuwa 7:5

Bene Ai bakatandaanya bene Isilaeli kuswa paminjililo ya ndabala inene iyo akubashisha pamusena wakalinga kukabwa mabwe. Bakacaikwa kunkunamo ya kalundu, bakakumana mpashi 36. Mpeeke bene Isilaeli ndibakabona boobo, mushiso mwakaboolabo tontolo kuboowa.