1 Makani 21:26 - Baibo Busansulushi Bwa Libuku Ili

²⁶ Lyalo wakayakila Mwaami Lesa cipaililo kweenka uko akubenga milambu yakutenta aya bwanabwankashi. Wakapaila kushikila Mwaami Lesa wakatuma mulilo kuswa kwiculu kwaamba ayi milambu pacipaililo itentekwe.

1 Makani 21:26 Marejeleo ya Msalaba

1 Baami 18:24

Lyalo muleke balaluki bakwe Baali bapaile kuli lesa wabo, anebo ntoopaila kuMwaami Lesa. Uyo eshi atume mulilo, ingayi ngoLesa mwiine.” Bantu boonse bakaamba ayi, “Mwaamba kabotu.”

1 Baami 18:38

Lyalo peenka apo Mwaami Lesa wakatuma mulilo panshi. Wakatenta mulambu, nkuni, mabwe abulongo akuyuminisha maanshi oonse akalinga mucilindi.

1 Makani 21:27

Mwaami Lesa wakaambila munjelo kwaamba ayi abooshe mupeeni munkomwe ya nguwo. Mpomunyaawo munjelo uyo wakacita mbomunya ubo.

2 Makani 3:1

Lyalo Solomoni wakatalika kuyaka Ŋanda ya Mwaami Lesa muJelusalemu paKalundu ka Moliya kumusena uko Mwaami Lesa nkwaakabonekela Defedi baishi. Pakalinga palubansa lwakulupwitaawo lwakwe Alauna mwine Jebusi musena uyo Defedi ngwaakasala.

2 Makani 7:1

Solomoni ndyaakamanabo kupaila, mulilo wakesa kuswa kwiculu akutenta milambu yoonse yakabengwa. Mpeeke bulemu bwa Mwaami Lesa bwakesula Ŋanda yakwe.

Kulumbaisha 51:15

NoBaami baLesa, amuncaafwe ayi ŋambe, lyalo mulomo wangu ulaakumulumbaisha.

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Kulumbaisha 99:9

Aalumbaishikwe Mwaami Lesa, Lesa wesu, atumulambile pakalundu kakwe kasalalite! Mwaami Lesa, Lesa wesu ulisalalite!

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Isaya 65:24

Ndaakunoobakumbula kabatana kutalika kunjita, ncakwiila kabacaambabo, nebo ndaakunyumfwa.

Jelemiya 33:3

“Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.

Bene Lefi 9:24

Paciindi ceenka ico, Mwaami Lesa wakatuma mulilo pamulambu wakutenta alimwi ashipansha sha mafuta pacipaililo ayi shipye. Bantu ndibakabona boobo, boonse bakoolobesha cakukondwa akufukama cakushisha shiwa panshi.

Shakubelenga 16:50

Mwaalu ndiwakamana Aloni wakaboolela kuli Mose pamulyango wa Tente ya Cipangano.

Boomboloshi 13:20

Ono bwiishi ndibwakaya mwiculu kuswa pacipaililo, munjelo uyo wakaya kwiculu mubwiishi ubo. Ingayi Manowa amukaakwe babone boobo, bakafukama cakushisha shiwa panshi.

Boomboloshi 6:21

Mpomunyaawo munjelo wa Mwaami Lesa wakatondeka nkoli njaakalinga kucite mulyaansa lyakwe akwiishisha panyama acimaande. Mpeeke mulilo wakaswa mulibwe akutenta nyama iyo acimaande. Kuswawaawo munjelo wakashimingana.