Biblia Todo Logo
Biblia ya mtandaoni

- Matangazo -




1 Makani 21:13 - Baibo Busansulushi Bwa Libuku Ili

13 Mpomunyaawo Defedi wakaamba ayi, “Nebo ndi mumapensho anene abuumbi. Ono inga cabota kwaabwa mumaansa a Mwaami Lesa mukwiinga ngushinkumbu, kwiinda kwaabwa mumaansa a bantu.”

Tazama sura Nakili




1 Makani 21:13
31 Marejeleo ya Msalaba  

Mpeeke musebenshi wakwe Elisha ndyaakabuka macuunsacuunsa akuya pansengwe, wababonabo bashilumamba amaaki alimwi ashikoci kashingulukite ndabala. Wakaboolela kuli Elisha akwaamba ayi, “Twafwa sunu, nkambo! Ino tutoocita buyani?”


Tacicafwi kwaamba ayi tuye mundabala inene iyi, tutooya tufwebo kunsala, alimwi na tunooshiitebo peenka pano, tutoofwa apalo. Anu katiyabo kumisumba ya bene Silya. Na baye batucaaye, ingayi katufwabo, sombi na batulekelele, ingayi twaba acoolwe.”


Mulaluki umwi wa Mwaami Lesa wiitwa ayi Odedi uyo wakalinga kwikala mundabala ya Samaliya wakakumana abashilumamba bene Isilaeli abo bakalinga kuboolela abaabo mbobakacata busha kuswa kuJuda ndibakalinga pafwaafwi akwinjila mundabala ya Samaliya. Mpomunyaawo wakabaambila ayi, “Mwaami Lesa, Lesa wa bamashali banu bakulukulu wakakalala pabene Juda akulengesha ayi mwebo mubakome. Sombi wabona mbuli mbomwabacaya calunkutwe pakubalwana.


“Bacinenenene boonse ba mwaami abantu bamwi boonse bekala mushipansha sha cishi, balishi kwaamba ayi musankwa uli woonse nabi mwanakashi uyo weenga wenjila mulubansa lwa mukati muŋanda ya mwaami kwakuteetwa, ulyeelete kucaikwa. Uyu ngomulawo uliiwo. Sombi na mwaami watondeka muntu uyo nkooli ya bwaami ya golodi, inga taacaikwi. Ono peenda nshiku makumi otatwe mwaami ndyaakaswa mukunjitaawo.”


“Kamuya mukabunganye baJuda boonse bali muSusa, mulikaashe kulya akumpaililaako. Mutakali nabi kunwa cintu cili coonse kwanshiku shili shotatwe. Nebo alimwi abasebenshi bangu banakashi tulaakunoocita bweenka ubo. Kuswawaawo ndaakuya kumwaami nabi mulawo ulakasha. Na cilaamba kufwa, ankafwebo!”


Mwaami Lesa ngushinkumbu alimwi ngushiluse. Lakwe taakalali bwaangu alimwi lusuno lwakwe talumaani.


Bamashali besu bakulukulu ndibakalinga muIjipiti, tabakwe kubikaako maano kushaankamiko shakacita Lesa. Bakalubaako kufula kwa mankanda ngwaakabanyumfwila nkumbu. Bakamubukila kuLweenge Lusalala lulya.


Inkumbu shanu nshiinji abuumbi noBaami baLesa. Amumpe buumi bupya kweelana amilawo yanu.


Sombi mwebo mulalekelela shibiibi shesu, paceebo ceeci swebo tulamulemeka abuumbi.


Nobene Isilaeli amucinke manungo muMwaami Lesa, ceebo lusuno lwakwe talumaani. Ndushinisho lakwe ngoolibambite kutupulusha lyoonse.


Sombi mulusuno lwanu lunene ndakonsha kwinjila muŊanda yanu, ndakonsha kulambila muŊanda yanu Isalalite, akukotamina ndimwe mukumulemeka.


Nakubi boobo nebo ndanoopaila kuli ndimwe noBaami baLesa. NobaLesa, amukankumbule paciindi ncemubambite. Amukankumbule ceebo ca lusuno lwanu lutamaani kwiinda mukumpulusha kweelana akushomeka kwanu.


NoBaami baLesa amukumbule kusenga kwangu kwiinda mukubota kwa lusuno lwanu lutamaani. Ncakwiila kweelana akufula kwa nkumbu shanu, amumboone.


Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.


NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.


Muntu ululeme ulalama kabotu shifubwa shakwe, sombi mucita shibi ulashisebensesha calunkutwe.


Balamubika pacifushi akumunyamuna. Lyalo balamwiimika pamusena wakwe, kwiimikana cakutakonsha kusena pamusena apo mpwaabikwa. Na muntu wapaila kuli nguwe, taakoonshi kukumbula nabi kupulusha muntu uyo kuswa kushintu shiyoosha.


Bantu bangu bakalinga bankalasha. Mpeeke ndakacita anga ndacileka kubabikaako maano. Lyalo ndakabaaba mumaansaako. Ncakwiila tookwe kubanyumfwilawo nkumbu. Wakalinga kucita shalunkutwe akubamacembele boonse.


Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.


NoBaami baLesa, amutulangilishe kwiculu uko, ee, kumusena wanu usalalite alimwi kwabulemu uko. Ino ono kulama kwanu pali ndiswe kuli kuli? Ashalo nkusu shanu shili kuli? Lusuno lwanu ankuumbu mwashitalamusha kuswa kuli ndiswe.


Ndaakushimika shankumbu sha Mwaami Lesa, ee micito iyo njaaelete kulumbaishilwaawo. Tulyeelete kumulumbaisha kweelana ashintu shoonse nshaakatucitila. Ee, shintu shibotu shiinji nshaakacitila bene Isilaeli ceebo ca nkumbu shakwe shitamaami.


Nakubi kwaamba ayi waleta mapensho, pesule ulaakufwa nkumbu ceebo lusuno lwakwe lutamaani ndunene.


Mpashi Lesa inga wapilula miyeeyo abukali bwakwe kwaamba ayi tukabule kufwa!”


Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.


Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.


NoBaami baLesa ndakanyumfwa sheesho nshemwakacita. Nebo ndamulemeka abuumbi ceebo ca shintu isho nshemucita. Ono amushicite alimwi munshiku shesu shino. Ee, amushipukishe muciindi cesu cino. Kamutunyumfwila nkumbu nabi mwakalala.


“Ono moyo wangu wapenshekwa. Sa ŋambe ayi, ‘Ta amumfuune kuciindi ca mapensho ici’? Sobwe, mukwiinga mapensho aya ngondakeshita.


Ndacata mambili. Cintu nceensuni bunene nkuswaawo pacishi cino ca panshi akuya mukwikala aKlistu mukwiinga ncecintu ciindaawo kubota.


Ncintu ciloondesha abuumbi kulokela mumaansaakwe Lesa muumi!


Tufuate:

Matangazo


Matangazo