1 Makani 19:6 - Baibo Busansulushi Bwa Libuku Ili

⁶ Mwaami Anuni abene Amoni bakeshiba ayi bakalengesha mwaami Defedi kuba mulwani wabo. Mpeeke bakalipila makilogilamu a Silifa ali 34,000 kwaamba ayi kuMesopotamya, kuMaaka aSoba mucishi ca Silya kuswe shikoci abashilumamba balwanina mushikoci.

1 Makani 19:6 Marejeleo ya Msalaba

Matalikilo 34:30

Lyalo Jakobo wakaambila Simyoni aLefi ayi, “Mwaleta makatasho pali ndime. Bulya bene Kenani, bene Pelisi, abamwi boonse mucishi batoompata. Nshicite basankwa baanji. Na bakalibuunge kwaamba ayi bandwaane, nebo amwebo noonse nobamuŋanda yangu tulaakunyonyoolwa.”

2 Samwelo 10:6

Bene Amoni ndibakeshiba ayi Defedi wabacimwa anga ncintu cibolete, bakabweleka bashilumamba bene Silya bapanshi bali 20,000 kuswa muBeti Lewobu aSoba, mwaami wa cishi ca Maaka abashilumamba bakwe bali 1,000 pantu pomwi abashilumamba bali 12,000 kuswa kuTobu.

2 Samwelo 8:3

Kuswawaawo Defedi wakakoma Adadesa mwanaakwe Lewobu, mwaami wa cishi ca Soba, Adadesa ndyaakalinga kuya mukuboosha cishi ca muya Mulonga wa Yufuletisi mumaansaakwe.

1 Makani 18:5

Bene Silya ba muDamasikasi ndibakesa ayi bacafwe Adadesa mwaami wa kuSoba, Defedi wakabalwana akucayaawo bashilumamba bali 22,000 pakati lyabo.

1 Makani 18:9

Ono Toyi mwaami wa kuAmati wakanyumfwa ayi Defedi wakakoma likoto lyoonse lya bashilumamba bakwe Adadesa.

1 Makani 19:5

Basankwa abo bakalinga kuloonda kuboola kumishaabo mukwiinga bakalinga kufwite nsoni abuumbi. Defedi ndyaakanyumfwa, wakatuma beshinkombe ayi baye babakumanye akubalwiita ayi bekale muJeliko kushikila ndesu shikakule.

2 Makani 18:3

Lyalo Aabu wakeepusha Jeoshafati ayi, “Sa teshi uye anebo mukulwana ndabala ya Lamoti.” Jeoshafati wakakumbula ayi, “Ndilibambite na webo walibambila. Bashilumamba bangu boonse balilibambite kuyaanu mukulwana.”

2 Makani 18:5

Mpeeke Aabu wakeeta balaluki bakalinga mpashi myaanda yone akubeepusha ayi, “Sa nje nkalwaane ndabala ya Lamoti nabi na sobwe?” Balaluki bakakumbula ayi, “Kamuya mukalwaane. Mwaami Lesa utoomucafwa kwaamba ayi mukome.”

2 Makani 18:9

Bamaami boonse bobilo bakalinga kufwete mingaanjo yabo ya bwaami kabashiite pashuuna sha bwaami, palubansa lwakulupwitaawo kufwaafwi amwinjililo wa ndabala ya Samaliya. Balaluki abo bakalinga kulaluka kunembo lyabo.

2 Makani 25:6

Kwiilikaawo wakatamba bashilumamba bali 100,000 ba kucishi ca Isilaeli pamweelo wa makilogilamu a silifa ali 3,400.

2 Makani 27:5

Wakalwana mwaami wa bene Amoni abashilumamba bakwe akubakoma. Lyalo wakabakakatisha kunoolipila musonko wa makilogilamu a silifa ali 3,400, makilogilamu a witi ali 1,000,000 alimwi amakilogilamu a bale ali 1,000,000. Musonko uyo bakaulipila kwamyaaka yotatwe.

Kulumbaisha 14:3

Sombi taaku nabi womwi ululeme, bantu boonse baba bamucita shibi. Taaku aucita shibotu, ncakwiila taaku nabibo womwi.

Kulumbaisha 46:9

Ulamana nkondo mucishi ca panshi coonse. Ulatyoloola mata akunyonyoola masumo, alimwi ulatenta mayawo mumulilo.

Kulonga 5:21

Lyalo bantu aba bakaambila Mose aAloni ayi, “Mwaami Lesa wabona shoonse nshemwacita. Aboobo utoomupa mulandu ceebo mwalengesha ayi mwaami Falawo alimwi abacinenenene bakwe batupaate. Mwalengesha ayi bacane nshila yakutucailaawo.”

Luka 10:16

Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”

1 Bene Tesalonika 4:8

Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.

1 Samwelo 13:4

Bene Isilaeli boonse bakalwiitikwa ayi Saulo wakacaya mutanjilili wa bashilumamba bene Filisiti. Aboobo balipatitwe kubene Filisiti. Mpeeke bantu boonse bakanyumfwa kwiita kwakwe Saulo akuya kuGilugala uko nkwaakalinga.

1 Samwelo 14:47

Lyalo Saulo ndyaakaba mwaami wa bene Isilaeli, wakalwana balwani bakwe boonse kumbasu shoonse. Wakalwana bene Moabu, bene Amoni, bene Edomu, bamaami ba Soba alimwi abene Filisiti. Kuli koonse nkwaakaya mukulwana wakabakoma.

1 Samwelo 27:12

Sombi Akishi wakalinga kushoma Defedi kaayeeya ayi, “Walipatisha abuumbi kubene Isilaelinyina, aboobo unanoolibo musebenshi wangu lyoonse.”