1 Makani 16:29 - Baibo Busansulushi Bwa Libuku Ili

²⁹ Amulumbaishe liina lyabulemu lya Mwaami Lesa. Amulete cipo akwisa muŊanda yakwe. Amulambile Mwaami Lesa mubulemu bumweelete.

1 Makani 16:29 Marejeleo ya Msalaba

1 Makani 16:28

Amulumbaishe Mwaami Lesa noonse nobamucishi ca panshi. Amulumbaishe bulemu ankusu shakwe.

1 Makani 16:30

Amututume kunembo lyakwe nobamucishi coonse! Cishi ca panshi ciliimfwi mumusena womwi, aboobo tacitenkaani.

2 Makani 20:21

Jeoshafati ndyaakamana kwiipusha bantu, wakasala beshikwiimba akubaambila ayi bafwale shakufwala shisalalite sha bwiimbi alimwi akunooya ceendela kunembo lya bashilumamba kabaya ciimba ayi, “Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.”

Kulumbaisha 100:4

Amwinjile mumilyango ya kuŊanda yakwe cakumulumba. Amwinjile mulubansa lwa Ŋanda yakwe cakumulumbaisha, Amumuluumbe akulumbaisha liina lyakwe.

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Kulumbaisha 29:1

Amulumbaishe Mwaami Lesa noshilengwa sha kwiculu, amulumbaishe bulemu bwakwe ankusu shakwe.

Kulumbaisha 29:2

Liina lyakwe alilemekwe kweelana ambolyeelete, amulambile Mwaami Lesa mubulemu bwa bululami bwakwe.

Kulumbaisha 50:2

Bulemu bwakwe Lesa bulabala kuswa muSiyoni, ndabala inene iyo ibotu cakushika peela kubota.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

Kulumbaisha 72:15

Kaabukila buumi lyoonse! Golodi ya kuSheba aikapekwe nguwe. Aakapaililwe cakutacilekaawo. Aakasengelwe shoolwe lyoonsebo!

Kulumbaisha 95:2

Atuye pameenso akwe akulumba, atwiimbe nyimbo shakulumbaisha akulisha shilimba.

Kulumbaisha 96:6

Bulemu abwaami shilimushingulukite, nkusu akubota shili muŊanda yakwe.

Kulumbaisha 96:7

Amulumbaishe Mwaami Lesa noonse nobamucishi ca panshi. Amulumbaishe bulemu ankusu shakwe.

Kulumbaisha 96:9

Amulambile Mwaami Lesa mubulemu bwa bululami bwakwe. Amututume kunembo lyakwe nobamucishi coonse!

Isaya 52:1

Amubuke, Amubuke! Amubuke nobamundabala inene ya Siyoni! Amube ankusu mbuli kataanshi. Amufwale shakufwala shanu sha bulemu, nobamundabala ya Jelusalemu, ndabala inene isalalite. Balya bakunsengwe batapalwitwe teshi bakenjilewo tubili mundabala yanu.

Isaya 6:3

Bakalinga koolobeshana ayi, “Ulisalalite, Ulisalalite, Ulisalalite Mwaami Lesa Shinkusu shoonse! Cishi coonse ca panshi ciliswitebo bulemu bwakwe.”

Esekelo 24:25

Mpeeke Mwaami Lesa wakaamba ayi, “Ono webo omuntu, ndaakubanyaya Ŋanda yangu, ee, ciyubilo ncebalisumpwitaawo ico cibapa bulemu, ncebasangalalilaamo alimwi cisangalasha meenso abo. Ndaakutola busha bana babo basankwa abanakashi.

Esekelo 7:20

Bakalinga kulisumpula pashakulibotesha shabo shibotu akushisebensesha kupanga shibumbwabumbwa shabo shileensha bunya ashikoshanyo shifundoosha kumoyo. Paceebo ceeco Mwaami Lesa ulaakulengesha bubile bwabo kuba anga ngamatombe kuli mbabo.

Ciyubululo 7:12

kabaamba ayi, “Ameni! Lesa wesu aalumbaishikwe, aapekwe bulemu abusongo, aalumbwe alimwi akupekwa nkusu abweendeleshi lyoonse alyoonse. Ameni!”

1 Samwelo 6:5

Mulyeelete kupanga shili anga nshuute sha golodi ashili anga mbakoswe isho shitoonyonyoola cishi canu. Alimwi mulyeelete akulemeka Lesa wa bene Isilaeli. Mpashi inga wacileka kutondesha bukali kuli ndimwe, balesa banu alimwi acishi canu.