1 Makani 15:25 - Baibo Busansulushi Bwa Libuku Ili

²⁵ Ndibakamana kubamba shoonse ishi Defedi, bamaloba bene Isilaeli alimwi abamatanjilili ba bashilumamba bali 1,000 bakaya mukulileta Libokoshi lya Cipangano ca Mwaami Lesa kuswa kuŋanda yakwe Obedi Edomu. Bakacita boobo akusekelela abuumbi.

1 Makani 15:25 Marejeleo ya Msalaba

1 Baami 8:1

Lyalo kuJelusalemu mwaami Solomoni wakeeta bamaloba bamatanjilili ba mikowa aba shipani ba bene Isilaeli kuleta Libokoshi lya Cipangano kuŊanda yakwe Lesa kuswa kuSiyoni, mundabala yakwe Defedi.

2 Makani 1:4

Sombi Libokoshi lya Cipangano lyakalinga muJelusalemu, umo mwaami Defedi mwaakaliyakila tente ayi linookalaamo ndyaakalileta kuswa kuKilyati Jeyalimu.

2 Makani 5:2

Lyalo kuJelusalemu mwaami Solomoni wakeeta bamaloba bamatanjilili ba mikowa aba shipani sha bene Isilaeli kuleta Libokoshi lya Cipangano kuŊanda yakwe Lesa kuswa kuSiyoni, muNdabala yakwe Defedi.

Esila 6:16

Ono bene Isilaeli, nkokwaamba ayi bapailishi, bene Lefi aboonse abo bakaswa mucishi ca busha bakasangalala pakubenga Ŋanda yakwe Lesa kumwiine.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Shakubelenga 31:14

Mpeeke Mose wakakalalila bamatanjilili ba bashilumamba nkokwaamba ayi bamatanjilili ba bali shuulu aba bali mwaanda, abo bakaswa kunkondo.

Dutolonomi 1:15

Aboobo ndakabwesa basongo alimwi batanjilili balemekwa, abo mbomwakasala, akubabika ayi bamutanjilile. Bamwi bakalinga kweendelesha bali cuulu, bamwi mwaanda, bamwi makumi osanwe, abalo bamwi likumi. Ndakasala abamwi bacinenenene mumikowa yoonse.

Dutolonomi 12:18

Mwebo abana banu pantu pomwi abasebenshi banu alimwi abene Lefi bekala mumandabalaanu mulyeelete kulita shipo isho pameenso a Mwaami Lesa, Lesa wanu mumusena womwi uyo wakulambililaamo uyo mwiine ngwaakasala. Mulyeelete kusangalala pashintu shoonse nsheshi mukanoosebensela.

Dutolonomi 12:7

Lyalo mwebo abamumaandaanu, mulaakunoolya akusangalala mushintu shibotu isho nsheshi mukanoosebensela pameenso a Mwaami Lesa, Lesa wanu mukwiinga wamupa coolwe.

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Dutolonomi 16:15

Mukanoolemeka Mwaami Lesa, Lesa wanu kwiinda mukusekelela uku kwanshiku shosanwe ashobilo, kumusena weenka womwi wakulambililaako. Mwaami Lesa ulaakumupa coolwe mukutebula kwanu amumilimo yanu yoonse, aboobo mulaakusangalala abuumbi.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Bene Filipi 4:4

Amusangalale muMwaami lyoonse alimwi ndaamba ayi, amusangalale!

1 Samwelo 10:19

Ndime Lesa wanu, uyo eenka umufuna kuswa kumapensho amakatasho anu. Ono sunu mwankaaka akusenga ayi mupe mwaami. Ncibotu, amubungane pameenso angu neMwaami Lesa mumukowa amukowa, cipani acipani.’ ”

1 Samwelo 22:7

Saulo wakabaambila ayi, “Amukutike mwebo nobasankwa bene Benjameni! Sa mutooyeeya ayi Defedi ulaakumupawo myuunda imwibo aya minyansa? Sa noonse ulaakumulengesha kuba bamatanjilili ba bashilumamba bali shuulu aba bali myaanda?

1 Samwelo 8:12

Bamwi balaakunooba bamatanjilili ba bashilumamba bali cuulu, bamwi ba bali makumi osanwe. Bana banu basankwa balaakunoolima myuunda yakwe, kwiitebula akupanga sheensho ashisebensesho sha beshikulwanina mushikoci sha maaki.