1 Makani 15:24 - Baibo Busansulushi Bwa Libuku Ili

²⁴ Shebaniya, Joshafati, Netanelo, Amasayi, Sekaliya, Benaya alimwi aEliyesa bapailishi bakasalwa ayi banoolisha mapeenga kunembo lya Libokoshi lya Cipangano. Obedi Edomu alimwi aJeiya abalo bakasalwa ayi babe beshikulindilila Libokoshi lya Cipangano.

1 Makani 15:24 Marejeleo ya Msalaba

2 Samwelo 6:10

Taakalinga kusuminite kulitola ayi anooli alyo muNdabala yakwe Defedi. Aboobo wakaseesha akulitola kuŋanda yakwe Obedi Edomu mwine Gati.

1 Makani 15:18

Beshikubacafwa mbobakasala kulisha tulumbu tuniini mbaaba: Sekaliya, Jaasiyelo, Shemilamoti, Jeiyelo, Uni, Elyabu, Benaya, Maaseiya. Mbobakasala kulisha tulumbu tunene mbaaba: Matitiya, Elifelewu, Mikineiya alimwi aObedi Edomu aJeiyelo beshikulindilila minjililo ya Ŋanda yakwe Lesa.

1 Makani 15:23

Belekiya aElikana bakasalwa ayi babe beshikulindilila Libokoshi lya Cipangano.

1 Makani 15:28

Lyalo bene Isilaeli boonse bakaleta Libokoshi lya Cipangano ca Mwaami Lesa kuJelusalemu cakusangalala. Bakalinga kulisha meeca a mbelele shisankwa, mapeenga, tusenke alimwi atulumbu tunene atuniini.

1 Makani 16:6

Bapailishi bobilo, Benaya alimwi aJaasiyelo mbobakalinga kulisha mapeenga kunembo lya Libokoshi lya Cipangano.

1 Makani 26:4

Kwakalinga aObedi Edomu uyo Lesa ngwaakapa coolwe mukumupa baana basankwa bosanwe abotatwe, nkokwaamba ayi Shemaya wakwiiya, kuboolaawo nguJeosobadi, kuboolaawo nguJowa, kuboolaawo nguSaka, kuboolaawo nguNetanelo,

Kulumbaisha 81:13

Nobantu bangu, nimwankutika, nobene Isilaeli nimwanyumfwila,

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Jowelo 2:1

Amulishe mapeenga muSiyoni, Amucenjeshe bantu bangu pakalundu kangu kasalalite. Amututume noonse nobantu nomwikala mucishi ca Juda mukwiinga bushiku bwa Mwaami Lesa butoosa. Ncakwiila bulibo pafwaafwi kwisa.

Jowelo 2:15

Amulishe lupeenga paKalundu ka Siyoni. Amwaambilishe ayi mbushiku bwakulikasha kulya akwiita bantu ayi babungane pantu pomwi.

Shakubelenga 10:8

Bapailishi bana bakwe Aloni basankwa mbobeelete kulisha mapeenga ayo. “Ono mulawo uyu ulyeelete kunookonkelwa lyoonse mumashalane oonse acisa.