1 Makani 15:19 - Baibo Busansulushi Bwa Libuku Ili

¹⁹ Beshikulisha tusenke nguEmani, Asafu alimwi aEtani.

1 Makani 15:19 Marejeleo ya Msalaba

1 Baami 4:31

Wakalinga musongo wiinda bantu boonse. Ee, wakalinga musongo kwiinda Etani mwine Esila, alimwi aEmani, Kaluko aDada bana bakwe Maoli. Impuwo yakwe yakamwaika kushishi shakalinga kushingulukite.

1 Makani 13:8

Defedi abene Isilaeli bamwi boonse bakalinga kushana cankusu shabo shoonse mukulemeka Lesa. Bakalinga kwiimba akulisha tulumbu tuniini atunene, ngoma, tusenke twakulisha amapeenga.

1 Makani 15:16

Kuswawaawo Defedi wakaambila bamatanjilili bene Lefi ayi basale bamakwababo beshi banokwiimba nyimbo shakusangalala alimwi banoolisha tulumbu tunene atuniini alimwi atusenke twakulisha.

1 Makani 15:18

Beshikubacafwa mbobakasala kulisha tulumbu tuniini mbaaba: Sekaliya, Jaasiyelo, Shemilamoti, Jeiyelo, Uni, Elyabu, Benaya, Maaseiya. Mbobakasala kulisha tulumbu tunene mbaaba: Matitiya, Elifelewu, Mikineiya alimwi aObedi Edomu aJeiyelo beshikulindilila minjililo ya Ŋanda yakwe Lesa.

1 Makani 15:20

Sekaliya, Asiyelo, Shemilamoti, Jeiyelo, Uni, Elyabu, Maaseiya alimwi aBenaya bakanoolisha tulumbu tuniini kweelana aAlamoti.

1 Makani 16:42

Emani alimwi aJedutuni bakalinga bamatanjilili ba beshikulisha mapeenga, tusenke alimwi ashimwi shakalinga kulishikwa pakwiimba nyimbo shakulumbaisha. Bamucipani cakwe Jedutuni bakalinga kulindilila minjililo.

1 Makani 16:5

Asafu wakalinga ngomutanjilili munene, Sekaliya ngowakalinga kumukonkela. Bamwi nguJeiyelo, Shemilamoti Jeiyelo, Matitiya, Elyabu, Benaya, Obedi Edomu alimwi aJeiyelo boonse bakalinga kulisha tulumbu. Asafu wakalinga kulisha tusenke.

1 Makani 25:1

Mwaami Defedi abacinenenene ba Ŋanda yakwe Lesa bakasala cipani cakwe Asafu, Emani acakwe Jedutuni pakati ka bene Lefi kutanjilila mulimo wakulambila Mwaami Lesa. Bakasalwa ayi banokwiimba shabulaluki mukusebensesha tulumbu tunene atuniini alimwi atusenke twakulisha. Meena a bantu aba ngaaya:

1 Makani 25:6

Bana bakwe boonse bakalinga kutanjililwa abamashali babo basankwa mukulisha tusenke atulumbu tunene atuniini pakulambila muŊanda yakwe Lesa. Asafu, Jedutuni alimwi aEmani balo bakalinga kutanjililwa amwaami Defedi.

2 Makani 20:19

Mpeeke bene Lefi bamucipani cakwe Koati alimwi acakwe Kola bakeemikana akulumbaisha Mwaami Lesa, Lesa wa bene Isilaeli cakoolobesha.

2 Makani 7:6

Bapailishi boonse bakeemikana mumisena yabo njibakapekwa kabalangene abene Lefi. Bene Lefi bakalinga kulumbaisha Mwaami Lesa ashakulisha isho mwaami Defedi nshaakabamba, kabeemba lwiimbo lwakwaamba ayi, “Lusuno lwakwe ndyamuyayaya!” Bakacita boobo kweelana abwakabalwiita Defedi. Bapailishi abalo bakalinga kulisha mapeenga bene Isilaeli boonse kabeemfwi.

Kulumbaisha 150:5

Amumulumbaishe kamulisha atusenke tuselebete. Amumulumbaishe kamulisha atusenke tuselebete tulila bunene.

Kulumbaisha 81:3

Amulishe lupeenga lwa lwiica lwa mbelele isankwa, paciindi mweenshi ndyeubala, alimwi andyeukoma pabushiku bwakusekelela kwesu.