1 Makani 14:2 - Baibo Busansulushi Bwa Libuku Ili

² Mpomunyaawo Defedi wakeshiba ayi Mwaami Lesa wayumya bwaami bwakwe pabene Isilaeli alimwi ayi bulelo bwakwe bwakasumpulwa abuumbi ceebo ca bantu bakwe bene Isilaeli.

1 Makani 14:2 Marejeleo ya Msalaba

2 Samwelo 7:16

Bamulunyungu lwako balaakunoolikobo lyoonse alimwi ndaakulengesha bwaami bwako kwikala muyayaya. Buleelo bwako teshi bukamaneewo.’ ”

2 Samwelo 7:8

“Ono ulwiite Defedi musebenshi wangu alimwi ayi, ‘Mwaami Lesa Shinkusu shoonse waamba ayi ndakakukusha kumafulo, ee, kubweembeshi bwa mbelele, kwaamba ayi ube muleli wa bantu bangu bene Isilaeli.

1 Baami 10:9

Aalumbaishikwe Mwaami Lesa, Lesa wanu! Wabonesha mbwaasangalete pali ndimwe kwiinda mukumubika pacuuna ca bwaami bwa bene Isilaeli. Mukwiinga lusuno lwakwe pabene Isilaeli teshi lukamaane, wamupa bwaami kwaamba ayi pakati kabo pabe koombolosha kwakutanyengelela alimwi abululami.”

1 Makani 14:1

Ono Ilamu mwaami wa cishi ca Taya wakatumya beshinkombe, pantu pomwi aminkulwa ya shisamu sha sida, beshikuyakisha mabwe alimwi ababeseshi ba mapulanga. Mpeeke bakayakila Defedi ŋanda ya bwaami.

1 Makani 14:3

MuJelusalemu umo Defedi wakeeba banakashi abamwi alimwi wakashala baana basankwa abanakashi abamwi.

1 Makani 17:17

Ono nobaLesa, pasheeshi shoonse mweelikaawo akushomesha shabamulunyungu lwangu nemusebenshi wanu kuciindi citoosa. NoBaami baLesa mucinanga anga ngumuntu usumpukite kwiinda bamwi boonse.

2 Makani 2:10

Basebenshi banu beshikutimbula shisamu ndaakubapa makilogilamu a witi ali 2,000,000, makilogilamu a bale ali 2,000,000, malita a waini ali 400,000 alimwi amalita a mafuta a olifi ali 400,000.”

2 Makani 2:11

Ilamu mwaami wa kuTaya wakakumbula Solomoni munkalata. Wakalemba ayi, “Ncakwiila nceebo cakwaamba ayi Mwaami Lesa ulisuni bantu bakwe, ncaakubikila pabwaami kwaamba ayi ube muleli wabo.

Esita 4:14

Nkokwaamba ayi na uumunebo paciindi ca mushobo uyo, lucafwo lulaakuswa kwiculu pabaJuda, balaakupulushikwa. Sombi webo ulaakufwa pantu pomwi abamumukowa wa baiso. Ngani wishi, mpashi ici nceciindi ncewakabeta muka mwaami?”

Danyelo 2:30

Ono cishisitwe ico cayubululwa kuli ndime kuteshi ayi nebo ndicite busongo kwiinda bantu bamwi boonse, sombi ayi mwebo, nobaami, mwishibe ciloto canu mbocaamba akunyumfwisha nshemwalinga kuyeeya.

Shakubelenga 24:7

Balaakuba amfuula ibotu abuumbi. Balaakushanga mbuto shabo mumyuunda mutontola kabotu. Alakwe mwaami wabo ulaakulemekwa kwiinda Agagi alimwi bwaami bwakwe bulaakulumbaishikwa.

Dutolonomi 28:1

“Na munoonyumfwila Mwaami Lesa, Lesa wanu alimwi akunookonkela kabotu milawo yakwe yoonse iyo njentoomupa sunu, ulaakumusumpula kwiinda mishobo yoonse ya mucishi ca panshi.