1 Makani 14:15 - Baibo Busansulushi Bwa Libuku Ili

¹⁵ Na munyumfwebo coongo cakweenda kwa bashilumamba mwiculu lya shisamu isho, mweendeshe kulwana mukwiinga ingayi nebo neLesa ndatanjila kunembo lyanu kwaamba ayi nkome likoto lya bashilumamba bene Filisiti.”

1 Makani 14:15 Marejeleo ya Msalaba

2 Samwelo 5:23

Ono Defedi wakeepusha Mwaami Lesa alimwi, alakwe wakakumbula ayi, “Ee, sombi mutabalulami. Mubeende kwisule akubashinguluka, lyalo mubalwaane kunembo lya shisamu sha balusamu.

2 Baami 19:7

Kutika! Ndaakulengesha mwaami wa bene Asilya kukutika makani ayo eshi akamubooshe kumishaabo. Lyalo kweenka uko ndaakumucaisha kumupeeni.’ ”

2 Baami 7:6

Mwaami Lesa wakalengesha ayi bene Silya banyumfwe anga mbashilumamba batoosa cicica amaaki alimwi ashikoci. Balo bene Silya bakayeeya ayi mwaami wa bene Isilaeli walipila bamaami ba bene Iti abene Ijipiti pantu pomwi abashilumamba babo ayi bese babalwaane.

1 Makani 14:14

Ono Defedi wakeepusha Lesa alimwi, alakwe wakakumbula ayi, “Ee, sombi mutabalulami. Mubeende kwisule akubashinguluka, lyalo mubalwaane kunembo lya shisamu shiitwa ayi balusamu.

1 Makani 14:16

Mpeeke Defedi wakacita kweelana abwakamwaambila Lesa. Lyalo likoto lya bashilumamba bene Filisiti bakalicaya kuswabo kuGibyoni kushikila akuGesa.

Isaya 13:4

Amunyumfwe ciyobeyobe patulundu, ciyobeyobe cili anga nca bantu baanji! Amunyumfwe coongo ca shimfulunganya pakati ka malelo, coongo cili anga nca bantu ba mushishi shiinji babungana. Mwaami Lesa Shinkusu shoonse mwiine ngowabunganya bashilumamba bakwe ayi baye kunkondo.

Bene Lefi 26:36

“Ono mwebo nomushi mukanooli mushishi shimwi, ndaakumulengesha kuba boowa cakwaamba ayi kunyumfwabo litewu litooya cuululuka kumuuwo, mwebo nkucica. Mulaakucica anga mutootandaanishikwa munkondo akuliwita nabi taapu mulwani pafwaafwi amwebo.

Milimo ya Batumwi 2:2

Mpomunyaawo bakanyumfwa coongo cakuba anga ncipuupu kuswa kwiculu akususha ŋanda yoonse njebakalingaamo.

Dutolonomi 20:4

Mwaami Lesa, Lesa wanu utooya amwebo alimwi akulengesha ayi mubakoome.’

Boomboloshi 4:14

Mpomunyaawo Debola wakaambila Balaki ayi, “Nyamuka, koya ceebo sunu mbobushiku Mwaami Lesa mbwaaba Sisela mumaansaako. Ncakwiila Mwaami Lesa utookutanjilila.” Aboobo Balaki wakakunkuluka kuswa paKalundu ka Tabo abashilumamba bakwe bali 10,000.

Boomboloshi 7:15

Ono Gidyoni ndyaakanyumfwa ciloto ico abupandulushi bwa ncico, wakalambila Lesa. Kuswawaawo wakaboolela kumisumba ya bene Isilaelinyina akubaambila ayi, “Amubuke! Mwaami Lesa waaba bene Midyani mumaansaanu!”

Boomboloshi 7:9

Mashiku eenka ayo Mwaami Lesa wakaambila Gidyoni ayi, “Amubuke, mulwane abali mumisumba ilya ceebo ndabaaba kale mumaansaako.