1 Makani 14:12 - Baibo Busansulushi Bwa Libuku Ili

¹² Bene Filisiti bakashiya ashibumbwabumbwa shabo uko, lyalo Defedi wakaambila bashilumamba bakwe ayi bashiteente mumulilo.

1 Makani 14:12 Marejeleo ya Msalaba

2 Samwelo 5:21

Bene Filisiti bakashiya ashibumbwabumbwa shabo uko, lyalo Defedi abashilumamba bakwe bakashitolelela nkobakaya.

2 Baami 10:26

Bakakusha libwe lyakwiimika ilyo lyakalinga muŋanda yakwe baali akulitenta.

2 Baami 19:18

Bakatenta balesa babo boonse mukwiinga tebakalinga balesa bancinencine. Sombi bakalinga nshisamu shakabeswa amabwe akabeswa amaansa a bantu.

1 Makani 14:11

Mpomunyaawo Defedi wakaya kuBaali Pelasimu uko nkwaakaya mukubakomena. Mpeeke wakaamba ayi, “Lesa wansebensesha kupula pabalwani bangu bweenka maanshi mbwaasefuka mumulonga.” Ono mboboobo musena uyo mbwaakautumba ayi Baali Pelasimu.

1 Makani 14:13

Ono bene Filisiti bakaboolela akutalika kusaala Cinyika ca Lafaimu.

Kulonga 12:12

“Pabushiku ubo mbomunya mashiku, ndaakwiinda mucishi coonse ca Ijipiti kuya cicaya baana basankwa boonse bakwiiya ba bantu alimwi aba shifubwa. Ndaakupa mulandu balesa boonse ba bene Ijipiti. Nebo ndime Mwaami Lesa.

Kulonga 32:20

Kuswawaawo wakabwesa mucende mwaana uyo ngobakapanga akumusungulula, wamupelapela waboolabo anga mbusu alimwi akubusanseela pamaanshi, mpeeke wakakakatisha bene Isilaeli ayi banwe.

Dutolonomi 7:25

Shibumbwabumbwa shabo mukashiteente. Tamweelete kukumbwa silifa agolodi ili pali nshisho alimwi tamweelete kwiibwesa. Na mukacite boobo cilaakumucaisha. Mukwiinga bantu balambila shibumbwabumbwa, balalensha bunya Mwaami Lesa, Lesa wanu.

Dutolonomi 7:5

Sombi mukamwaaye shipaililo shabo, mukanyonyoole mabwe ngobakeemika pamisena yakulambilaawo alimwi akutimboola shikoshanyo shakwe Ashela, lesa wabo mwanakashi wakubesa akutenta shibumbwabumbwa shabo.