1 Makani 13:6 - Baibo Busansulushi Bwa Libuku Ili

⁶ Mpeeke Defedi abene Isilaeli boonse bakaya kundabala inene ya Baala nkokwaamba ayi kuKilyati Jeyalimu mucishi ca Juda. Bakaya mukubwesa Libokoshi lya Cipangano cakwe Lesa ilyo licite liina lya Mwaami Lesa uyo ushiite pacuuna ca bwaami cili pakati ka bakelebu.

1 Makani 13:6 Marejeleo ya Msalaba

1 Baami 8:16

‘Kuswa bushiku ndindakakusha bantu bangu muIjipiti, nshina kusalaawo ndabala imwi mucishi coonse ca Isilaeli umo mweenga mwayakilwa ŋanda yangu ayi munoonambililaamo. Sombi ndakasalabo ndiwe Defedi ayi ulele bantu bangu.’ ”

2 Baami 19:15

akupaila ayi, “NoBaami baLesa, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

Kulumbaisha 80:1

Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,

Kulumbaisha 99:1

Mwaami Lesa ulalela, bamumishobo yoonse abatutume. Ulishiite pakati ka bakelebu, cishi ca panshi acitenkaane.

Kulonga 20:24

Mumpangile cipaililo ca bulongo apo mpweshi mubengele milambu ya mbelele, mpongo alimwi aŋombe isho sheshi shitentwe shoonse, alimwi ayi shibe milambu ya bwanabwankashi. Pamusena woonse mpweenga ndasala ayi munoonambilila, ndaakwisa kuli ndimwe mukumupa coolwe.

Kulonga 23:21

Mukanoomunyumfwila alimwi akukonkela nsheshi akanoomulwiita. Mutakamwaalukili, ceebo ndime ndamutuma alimwi na mukamwaalukile, teshi akamulekeleleewo.

Kulonga 25:22

Ono nebo ndaakunookumana awebo peculu mpomunya apo, alimwi pakati ka shintu shobilo isho pacifwekesho, mpweshi nkakupete milawo yangu yoonse ayi ukalwiite bene Isilaeli.

Isaya 37:16

“NoBaami baLesa beShinkusu shoonse, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

Shakubelenga 6:27

Lyalo Mwaami Lesa wakaamba ayi, “Na bakabande liina lyangu pakupa bene Isilaeli coolwe, ncakwiila ndaakubapa coolwe.”

Shakubelenga 7:89

Ono Mose ndyaakenjila muTente ya Cipangano mukwaamba aMwaami Lesa, wakanyumfwa lakwe kaamwaambila kuswa pakati ka shintu shobilo shicite mapapaminwa shiitwa ayi bakelebu peculu lya cifwekesho ca nkumbu paLibokoshi lya Cipangano.

Joshuwa 15:60

Mwakalinga Kilyati Baali nabi Kilyati Jeyalimu alimwi aLaba. Nkokwaamba ayi mandabala pantu pomwi akalinga obilo kubikaawo amishi yakalinga kushingulukite mandabala ayo.

Joshuwa 15:9

Ndiyakaswa pakalundu kaniini apo, yakalanga kutuntupu twa Nefutowa akwiinda mumandabala anene a kuKalundu ka Efuloni alimwi akukunkuluka kuya kuBaala nabi ayi Kilyati Jeyalimu.

Joshuwa 9:17

Paceebo ceeci bene Isilaeli bakanyamuka akuya mukushika kumandabalaabo, nkokwaamba ayi Gibyoni, Kefila, Biloti alimwi aKilyati Jeyalimu. Bakashika pabushiku bwatatu.

1 Samwelo 4:4

Mpeeke bakatuma bantu kuShilo ayi bakalete Libokoshi lya Cipangano ca Mwaami Lesa Shinkusu shoonse, uyo ucite cuuna cakwe ca bwaami pakati ka shintu shicite mapapaminwa shiitwa ayi bakelebu. Ofini aFineyasi bakesa abalo pantu pomwi aLibokoshi lya Cipangano.

1 Samwelo 6:21

Mpeeke bakatumya beshinkombe kuKilyati Jeyalimu amaswi akwaamba ayi, “Bene Filisiti bapilusha Libokoshi lya Cipangano ca Mwaami Lesa. Kamwisa muliloonde.”