1 Makani 13:5 - Baibo Busansulushi Bwa Libuku Ili

⁵ Mpomunyaawo Defedi wakabunganya bene Isilaeli boonse mucishi coonse, kutalikila kunyinsa ya cishi ca Ijipiti kumalenge tibili akumwinjililo wa Amati kumatwa kwaamba ayi balete Libokoshi lya Cipangano kuswa kuKilyati Jeyalimu.

1 Makani 13:5 Marejeleo ya Msalaba

2 Samwelo 6:1

Kuswawaawo Defedi wakabunganya bashilumamba bene Isilaeli bakusaloola, bakalinga 30,000 pantu pomwi.

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

1 Baami 8:65

KuŊanda yakwe Lesa uko, Solomoni abantu boonse bene Isilaeli bakaba akusekelela kwa Shimpaka kwanshiku shili shosanwe ashobilo. Kwakalinga bantu baanji bakaswa kulaale mbuli kumwinjililo wa kuAmati kumatwa akumanyinsa a Ijipiti kumalenge.

2 Baami 25:21

Uko kuLibula, mucishi ca Amati, mwaami wakapingula ayi bacaikwe. Anu mboboobo bene Juda mbobakatolwa busha kuswa kucishi cabo.

1 Makani 13:4

Bantu boonse bakasumina kucita boobo mukwiinga bakabona ayi ncibotu.

1 Makani 13:6

Mpeeke Defedi abene Isilaeli boonse bakaya kundabala inene ya Baala nkokwaamba ayi kuKilyati Jeyalimu mucishi ca Juda. Bakaya mukubwesa Libokoshi lya Cipangano cakwe Lesa ilyo licite liina lya Mwaami Lesa uyo ushiite pacuuna ca bwaami cili pakati ka bakelebu.

1 Makani 15:3

Mpeeke Defedi wakeeta bene Isilaeli boonse kwisa kuJelusalemu kwaamba ayi bakalete Libokoshi lya Cipangano kumusena ngwaakalibambila.

Isaya 23:3

kwitala lya lweenge mukuula akuulisha shili anga ngamaila isho shakalinga kushangwa muIjipiti alimwi akucita makwebo a mishobo yoonse. Mukucita boobo bakalengesha ayi mubile abuumbi.

Jelemiya 2:18

Ino bulya mutooya mukucitanshi kuIjipiti? Sa mutooya mukunwa maanshi muMulonga wa Nailo? Ino mutooya mukucitanshi kuAsilya? Sa mutooya mukunwa maanshi muMulonga wa Yufuletisi?

Joshuwa 9:17

Paceebo ceeci bene Isilaeli bakanyamuka akuya mukushika kumandabalaabo, nkokwaamba ayi Gibyoni, Kefila, Biloti alimwi aKilyati Jeyalimu. Bakashika pabushiku bwatatu.

1 Samwelo 6:21

Mpeeke bakatumya beshinkombe kuKilyati Jeyalimu amaswi akwaamba ayi, “Bene Filisiti bapilusha Libokoshi lya Cipangano ca Mwaami Lesa. Kamwisa muliloonde.”

1 Samwelo 7:1

Mpomunyaawo bantu bene Kilyati Jeyalimu bakaya babwesa Libokoshi lya Cipangano ca Mwaami Lesa akulitola kuŋanda ya musankwa wiitwa ayi Abinadabu, uyo wakalinga kwikala pakalundu. Bakasala akupailila Eliyasa mwanaakwe musankwa ayi Libokoshi libe mumaansaakwe.

1 Samwelo 7:2

Libokoshi lya Cipangano lyakekala muKilyati Jeyalimu kwa ciindi cilaamfu, myaaka yakakwana makumi obilo. Muciindi coonse ici bene Isilaeli bakalinga kusenga Mwaami Lesa ayi abacaafwe.