1 Makani 13:11 - Baibo Busansulushi Bwa Libuku Ili

¹¹ Lyalo Defedi wakakalala abuumbi kubona bukali bwa Mwaami Lesa mbobwakafuumukila Usa. Paceebo ceeci musena uyo abobulya uciitwa ayi Pelesi Usa.

1 Makani 13:11 Marejeleo ya Msalaba

Matalikilo 32:32

Asunu asunu bamulunyungu lwakwe Isilaeli tabali mushisa wamulinungi lya kasolo mukwiinga mpowaawo Jakobo mpwaakoomwa.

2 Samwelo 6:7

Mpomunyaawo Mwaami Lesa wakakalalila Usa ceebo cakutalemeka Libokoshi ilyo. Paceebo ceeco wakamucaya kufwaafwi aLibokoshi lya Cipangano ca Mwaami Lesa.

2 Samwelo 6:9

Lyalo Defedi wakaloonda Mwaami Lesa bushiku ubo akwaamba ayi, “Ono bulya inga ndatola buyani Libokoshi lya Cipangano ca Mwaami Lesa kuŋanda yangu?”

1 Makani 13:10

Mpomunyaawo Mwaami Lesa wakakalalila Usa akumucaya ceebo cakucata Libokoshi ilyo. Mpeeke wakafwa mpomunyaawo kunembo lyakwe Lesa.

1 Makani 13:12

Lyalo Defedi wakaloonda Lesa bushiku ubo akwaamba ayi, “Ono bulya inga ndatola buyani Libokoshi lya Cipangano cakwe Lesa kuŋanda yangu?”

1 Makani 15:13

Mwaami Lesa wakatukalalila kataanshi ceebo mwebo nobene Lefi tamukwe kulinyamuna. Ncakwiila tatukwe kumwiipusha mbotweelete kulinyamuna.”

Kulonga 19:22

Nabi bapailishi boonse abo beenga basena pafwaafwi anebo balyeelete kulisalasha ceebo inga ndabapa mulandu.”

Jona 4:4

Nacibi boobo, Mwaami Lesa wakamukumbula ayi, “Sa pali nceenga cakukalasha apa?”

Jona 4:9

Sombi Lesa wakaambila Jona ayi, “Sa kuli nceenga cakukalasha pacisamu ici?” Lyalo Jona wakakumbula ayi, “Ee, ndakonsha kukalala cakuyanda kufwa!”

Dutolonomi 34:6

Mpeeke Mwaami Lesa wakamufukila mucinyika ca Moabu ico cilangene andabala ya Betipeyo. Sombi kushikila asunu, taaku muntu ushi pali cuumbwe cakwe Mose.

Joshuwa 4:9

Joshuwa alakwe wakabunganya mabwe ali likumi aobilo pakati ka Mulonga wa Joodani, apo pakalinga peemikana bapailishi bakalinga kuyumwite Libokoshi lya Cipangano. Mabwe ayo abobulya mpaacili.