1 Makani 12:40 - Baibo Busansulushi Bwa Libuku Ili

⁴⁰ Abalo beshikamukobonyinaabo kuswa kucishi ca bene Isaka, ca bene Sebuluni alimwi aca bene Nafutali, bakabaletela shakulya pambongolo, ngamela, shifubwa shili anga nimbongolo alimwi abasune. Mpeeke fulaulo, shaampe sha nkuyu shakuyanika, shisankata sha minyansa yakuyanika, waini, mafuta a olifi, ŋombe alimwi ambelele isho nshebakaleta shakafula abuumbi. Bakacita boobo ceebo mucishi ca Isilaeli coonse mwakalinga kusangalala.

1 Makani 12:40 Marejeleo ya Msalaba

2 Samwelo 16:1

Mpeeke Defedi ndyaakeendakobo paniini kuswa peculu lya kalundu palya, wakabonabo Siba musebenshi wakwe Mefibosheti ngooyu utoomulindila ayi amwaanshe. Wakalinga kucite mbongolo shobilo shakalinga kubikitwe shakukalaawo, kashiyumwite shinkwa uli myaanda yobilo, shisankata shili mwaanda sha minyansa yakuyanika asha nkuyu alimwi ankomwe ya cipaya iswite waini.

1 Baami 1:40

Lyalo boonse bakaboolaakwe kabaya coolobesha pesule cakusangalala akulisha mitoolilo anshi yakatenkaana.

2 Baami 11:20

Bantu boonse bakasangalala abuumbi, ndabala yoonse yakoomunabo tontolo, mukwiinga Ataliya wakacaikwa muŋanda ya bwaami.

1 Makani 12:39

Bashilumamba abo bakekala aDefedi kwanshiku shotatwe kabalya cakusangalala shakulya ashakunwa isho bene mishaabo nshebakababambila.

1 Makani 13:1

Ono Defedi wakeepusha bamatanjilili ba bashilumamba bakwe abo bakalinga kweendelesha bashilumamba bali 1,000 nabi bashilumamba bali 100.

1 Makani 29:22

Pabushiku ubo bantu boonse bakasangalala abuumbi ndibakalinga kulya akunwa kunembo lya Mwaami Lesa. Bakabooshaawo kwaambilisha ayi Solomoni mwanaakwe Defedi ngumwaami wabo akumunanika mafuta a bwaami pameenso akwe Lesa. Mpeeke bakananika aSadoki kuba mupailishi.

Tushimpi 11:10

Baluleme na baswitilila bamundabala balasangalala. Na bamucita shibi bafwa, bantu baloolobesha cakusangalala.

Tushimpi 29:2

Na baluleme balela bantu boonse balasangalala, sombi na bamucita shibi balela bantu balatongooka.

Osiya 3:1

Mwaami Lesa wakandwiita ayi, “Koya ukatondeshe lusuno kumukaako alimwi, nabi utoocita bulale ausunikwi wakwe. Ulyeelete kumusuna bweenka nebo neMwaami Lesa mboonsuni bene Isilaeli nabi basandukila kubalesa bamwi akunootola shipo sha minyansa yakuyanika kushibumbwabumbwa.”

1 Samwelo 25:18

Mpomunyaawo Abigelo wakafwambaana wabwesa shinkwa uli myaanda yobilo, nkomwe sha shipaya sha waini shobilo, nyama yakayokelwa limwi ya mbelele shosanwe, makilogilamu ali 17 a ciwaya, shisankata sha minyansa yakuyanika shili mwaanda, ashaampe sha nkuyu shakuyanika shili myaanda yobilo akushibika pambongolo.