1 Makani 12:18 - Baibo Busansulushi Bwa Libuku Ili

¹⁸ Mpomunyaawo Mushimu wakwe Lesa wakaselukila Amasayi uyo wakesa mukuba mutanjilili wa bashilumamba bakalinga kwiitwa ayi Makumi Otatwe. Mpeeke wakoolobesha ayi, “Tuli baanu swebo nobaDefedi! Tuli kulubasu lwanu nobana babo baJese! Amuswitilile pantu pomwi abaabo batoomucafwa! Ncakwiila Lesa uli kulubasu lwanu.” Lyalo Defedi wakabatambula akubasuminisha ayi babe bamatanjilili ba bashilumamba bakwe.

1 Makani 12:18 Marejeleo ya Msalaba

2 Samwelo 15:21

Sombi Itayi wakakumbula mwaami Defedi ayi, “Bweenka mbocibete lushinisho ayi Mwaami Lesa ngumuumi, alimwi ayi mwebo nkambo nobaami bangu muli boomi, ncakwiila anebo nemusebenshi wanu ntooya kuli koonse mwebo nkambo nobaami bangu nkweshi muye nacibi kwaamba ayi cilaamba buumi nabi lufu.”

2 Samwelo 17:25

Abusalomu wakalinga wasala Amasa kuba mutanjilili wa bashilumamba bakwe mumusena wakwe Joabu. Amasa wakalinga mwanaakwe Jeta mwine Ishimaeli uyo wakeeba Abigelo mwanaakwe Naashi alimwi nankashi yakwe Seluiya nyina Joabu.

2 Samwelo 19:13

Amasa lakwe mumulwiite ayi, ‘Webo tuli bulowa bomwi. Ono Mwaami Lesa ampe mulandu nabi unene cili buyani na kuswa sunu webo teshi ube mutanjilili wa likoto lya bashilumamba bangu mumusena wakwe Joabu.’ ”

2 Samwelo 5:2

Kale kale, Saulo kaacili mwaami wesu, ndimwe mwakalinga kutanjilila bashilumamba ba bene Isilaeli kuya kunkondo. Paciindi ico Mwaami Lesa wakamulwiita ayi, ‘Ulaakutanjilila bantu bangu bene Isilaeli akuba mwaami wabo.’ ”

1 Baami 9:22

Solomoni taakwe kwaalulaawo busha bene Isilaeli. Sombi bakalinga kubabo bashilumamba, bacinenenene, bamatanjilili ba bashilumamba, bamatanjilili ba bashilumamba ba kushikoci sha maaki abaabo beshikweensha maaki akwela shikoci.

2 Baami 10:15

Jewu wakanyamuka alimwi. Munshila wakakumanya Jonadabu mwanaakwe Lekabu. Jewu wakamwansha akwaamba ayi, “Webo anebo tutooyeeyabo cintu comwi, sa inga tooncafwiiko?” Jonadabu wakakumbula ayi, “Ee, ntoomucafwa.” Mpomunyaawo Jewu wakaamba ayi, “Na mboboobo, tambika lyaansa lyako.” Mpeeke bakacatana maansa, lyalo Jewu wakacafwa mubye akumutantika mucikoci.

2 Baami 10:5

Lyalo munene wa paŋanda ya bwaami amweendeleshi wa ndabala inene kubikaawo abamaloba bamundabala alimwi abeshikulama ba bamulunyungu lwakwe Aabu boonse bakatuma nkalata kuli Jewu yakwaamba ayi, “Swebo tuli basebenshi banu alimwi tulilibambite kukusebensela. Sombi twakaaka kusala mwaami aumwi. Amucitebo ncemwayeeya mwebo ayi cilyeelete.”

2 Baami 9:32

Jewu wakalanga peculu akoolobesha ayi, “Ngani uli kulubasu lwangu?” Basebenshi ba kuŋanda ya bwaami bobilo nabi botatwe bakasondela pambwelyo.

1 Makani 11:11

Mutaanshi nguJashobeyamu wamucipani cakwe Akimoni uyo wakalinga mutanjilili wa “Bashilumamba Botatwe Bapukite.” Wakalwana nkondo alisumo lyakwe pabantu bakalinga 300 akubacaya boonse munkondo iyo.

1 Makani 12:17

Defedi wakaya mukubakumanya akubaambila ayi, “Na mwesa muluumuno ayi muncaafwe, ingayi mwatambulwa kuno. Atusenkane! Sombi na mulipingite kungaba mumaansa a balwani bangu, nabi taaku cibiibi ncendakacita kuli ndimwe, Lesa wa bamashali besu bakulukulu utooshiba akumupa mulandu.”

1 Makani 2:17

Alakwe Abigelo mwanaakwe mwanakashi wakeebwa kuli Jeta uyo wakalinga wamulunyungu lwakwe Ishimaeli. Lyalo bakaba amwaana musankwa ngobakatumba ayi Amasa.

Isaya 59:17

Mpeeke wakafwala bululami anga ncakufwala ca pacaamba ca nkondo Kumutwi wakafwalaako lupulusho anga ncimpoompo. Kuyanda kuboosha cishole kubalwani bakwe akwalo wakakufwala akufwala moyo mpwampwa anga ncakufwala cakwe ca peculu.

Sekaliya 8:23

Mwaami Lesa waamba ayi, “Munshiku isho baswamashi bali likumi balaakwisa kumuJuda womwi, kumucata kumupeto wa mungaanjo wakwe akwaamba ayi, ‘Katiya soonse mukwiinga twanyumfwa ayi Lesa uli awebo.’ ”

Mateyo 12:30

“Uyo woonse utabete kulubasu lwangu, ngumulwani wangu, alimwi awooyo utooboli pantu pomwi anebo ulapalanganya.

Bene Galatiya 6:16

Lesa aape luumuno alimwi akunyumfwila nkumbu bantu boonse bakonkela kwiisha uku abantu bamwi boonse bakwe Lesa.

Boomboloshi 13:25

Lyalo Mushimu wa Mwaami Lesa wakatalika kumupa nkusu kaacili kuMaane Dani, pakati ka Sola alimwi aEshitaoli.

Boomboloshi 3:10

Mushimu wa Mwaami Lesa wakesa pali nguwe. Aboobo wakaba moomboloshi wa bene Isilaeli akubatanjilila kuya kunkondo. Mpeeke Mwaami Lesa wakaaba Kushani Lishataimu mwaami wa kuMesopotamya mumaansa akwe Otiniyelo wamukoma.

Boomboloshi 6:34

Mpomunyaawo Mushimu wa Mwaami Lesa wakesa pali Gidyoni. Aboobo wakalisha lupeenga kwiita bamucipani cakwe Abiyesa ayi bamukonkele.

Lute 1:16

Sombi Lute wakakumbula ayi, “Mutankakatishi kumushiya. Amunsuminishebo njaanu. Mukwiinga kuli koonse nkweshi muye, anebo ntooya, uko nkweshi mukanookala, anebo nkweshi kanookala. Bene mishaanu, anebo balaakuba bene misheesu, alimwi Lesa wanu ulaakuba Lesa wangu.

1 Samwelo 16:4

Mpeeke Samwelo wakacita cakamulwiita Mwaami Lesa. Ndyaakashika kuBetileemu, bamaloba ba mundabala bakalinga kunootutumabo ndibakalinga kumukumanya. Bakalinga kwiipusha ayi, “Sa kuli cabica?”

1 Samwelo 16:5

Samwelo wakalinga kukumbula ayi, “Ne taaku cabica, ndesabo mukubenga mulambu kuMwaami Lesa. Amulisalashebo tuye soonse mukubenga mulambu.” Lyalo wakalwiita Jese abana bakwe basankwa ayi balisalashe. Mpeeke wakabatamba ayi bese kumulambu.

1 Samwelo 22:7

Saulo wakabaambila ayi, “Amukutike mwebo nobasankwa bene Benjameni! Sa mutooyeeya ayi Defedi ulaakumupawo myuunda imwibo aya minyansa? Sa noonse ulaakumulengesha kuba bamatanjilili ba bashilumamba bali shuulu aba bali myaanda?

1 Samwelo 24:12

Ncibotu, Mwaami Lesa oomboloshe pakati kanu anebo. Alimwi Mwaami Lesa aabooshe cishole pashilubo nshemwacita pali ndime, nakubi boobo nebo teshi nkamutyunkeewo nabibo munwe.

1 Samwelo 24:13

Mbweeke bubete mwaambo ulya ukulukulu wakwaamba ayi, ‘Kubamucita shibi nkokuswa micito ya bubi,’ aboobo anebo teshi nkamutyunkeewo nabibo munwe.

1 Samwelo 24:16

Mpeeke ingayi Defedi amane kwaamba, Saulo wakeepusha ayi, “Sa ncakwiila ndiwe Defedi omwanaangu?” Mpomunyaawo Saulo wakalila cakooloma.

1 Samwelo 8:12

Bamwi balaakunooba bamatanjilili ba bashilumamba bali cuulu, bamwi ba bali makumi osanwe. Bana banu basankwa balaakunoolima myuunda yakwe, kwiitebula akupanga sheensho ashisebensesho sha beshikulwanina mushikoci sha maaki.