1 Makani 12:17 - Baibo Busansulushi Bwa Libuku Ili

¹⁷ Defedi wakaya mukubakumanya akubaambila ayi, “Na mwesa muluumuno ayi muncaafwe, ingayi mwatambulwa kuno. Atusenkane! Sombi na mulipingite kungaba mumaansa a balwani bangu, nabi taaku cibiibi ncendakacita kuli ndimwe, Lesa wa bamashali besu bakulukulu utooshiba akumupa mulandu.”

1 Makani 12:17 Marejeleo ya Msalaba

Matalikilo 31:42

Necakalinga cakwaamba ayi Lesa wa bamashali bangu bakulukulu, Lesa wa baAbulaamu abaIsaki taakalinga anebo, naakwiinga mwakambooshaamo kale amaansabo. Sombi Lesa wabona mapensho angu anciito nshendakacita, aboobo mashiku ainda aya wamubonesha ayi taakondetweewo.”

Matalikilo 31:53

Lesa wakwe Abulaamu alimwi aNawoli ulaakoombolosha pakati kesu.” Lyalo muliina lyakwe Lesa uyo Isaki, ishi ngwaakalinga kulambila, Jakobo wakashomesha cakulumbila ayi ulaakulama cipangano ici.

1 Baami 2:13

Lyalo Adonija, uyo wakalinga kucite banyina baAgiti, wakaya kuli Batisheba banyina Solomoni. Batisheba wakeepusha ayi, “Sa wamfwakashishabo na kuli mboweenda?” Alakwe wakakumbula ayi, “Ndamufwakashishabo.”

2 Baami 10:15

Jewu wakanyamuka alimwi. Munshila wakakumanya Jonadabu mwanaakwe Lekabu. Jewu wakamwansha akwaamba ayi, “Webo anebo tutooyeeyabo cintu comwi, sa inga tooncafwiiko?” Jonadabu wakakumbula ayi, “Ee, ntoomucafwa.” Mpomunyaawo Jewu wakaamba ayi, “Na mboboobo, tambika lyaansa lyako.” Mpeeke bakacatana maansa, lyalo Jewu wakacafwa mubye akumutantika mucikoci.

2 Baami 9:22

Jolamu wakeepusha Jewu ayi, “Sa wesa muluumuno?” Jewu wakakumbula ayi, “Ino inga kwaba buyani luumuno na kakucili buloshi alimwi akulambila shibumbwabumbwa isho banyoko baJesebelo nshebakaleta muIsilaeli.”

1 Makani 12:16

Bene Benjameni bamwi pantu pomwi abene Juda bamwi bakaya kuli Defedi mulilinga lyakwe lya mabwe.

1 Makani 12:18

Mpomunyaawo Mushimu wakwe Lesa wakaselukila Amasayi uyo wakesa mukuba mutanjilili wa bashilumamba bakalinga kwiitwa ayi Makumi Otatwe. Mpeeke wakoolobesha ayi, “Tuli baanu swebo nobaDefedi! Tuli kulubasu lwanu nobana babo baJese! Amuswitilile pantu pomwi abaabo batoomucafwa! Ncakwiila Lesa uli kulubasu lwanu.” Lyalo Defedi wakabatambula akubasuminisha ayi babe bamatanjilili ba bashilumamba bakwe.

Kulumbaisha 7:6

NoBaami baLesa, amunyamuke ono mubukali bwanu. Amubukile bukali bwa balwani bangu. Amunyamuke ono ayi muncaafwe, amoomboloshe cabululami.

Kulumbaisha 86:11

NoBaami baLesa amunjiishe mboonjelete kweenda, kwaamba ayi nkanokweenda mulushinisho lwanu. Amunjiishe kumusebensela amoyo wangu woonse, kwaamba ayi noolemeka liina lyanu.

Jelemiya 32:39

Kuswawaawo ndaakubapa cintu comwi cakucita mubuumi bwabo. Cintu ico nkundemeka ciindi coonse kwaamba ayi shintu shikabeendele kabotu, balo abamulunyungu lwabo.

Sekaliya 3:2

Mpeeke munjelo wa Mwaami Lesa wakaambila Satana ayi, “Mwaami Lesa aakukalalile. Ncakwiila Mwaami Lesa uyo usunishi ndabala ya Jelusalemu aakukalalile! Musankwa uyu ulibo anga ndukuni lwayokolwa mumulilo.”

Milimo ya Batumwi 4:32

Likoto lyoonse lya bashomi lyakalinga kucitebo moyo womwi amuyeeyo womwi. Tekwakalinga muntu wakalinga kwaamba ayi cintu ncaacite ncaakwe mwiine, sobwe, sombi lyoonse wakalinga kutola shoonse nshaacite kulikoto.

1 Bene Kolinto 1:10

Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

2 Bene Kolinto 13:11

Ono nobamakwesu, amucaale kabotu. Amululamike buumi bwanu, mukutike milasho yangu. Kamunyumfwana, mwikale muluumuno. Lyalo Lesa shilusuno aluumuno ulaakuba amwebo.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

1 Pita 2:23

Ndibakalinga kumutukana taakwe kubabooshesha. Ndibakamupensha taakwe kubakonga, sombi wakabika shoonse mumaansaakwe Lesa moomboloshi ululeme.

Judi 1:9

Nabi munene wa baanjelo Mikayelo, ndyaakalinga kupikishanya aMubiibi pacikani cakubwesa mutuntu wakwe Mose, taakwe kupa mulandu Mubiibi ulya camucobwe, sombi wakaambabo ayi, “Mwaami Lesa akupe mulandu!”

1 Samwelo 16:4

Mpeeke Samwelo wakacita cakamulwiita Mwaami Lesa. Ndyaakashika kuBetileemu, bamaloba ba mundabala bakalinga kunootutumabo ndibakalinga kumukumanya. Bakalinga kwiipusha ayi, “Sa kuli cabica?”

1 Samwelo 18:1

Saulo wakamanisha kubandika aDefedi. Kuswawaawo Jonasani mwanaakwe Saulo wakanyumfwana aDefedi akumusuna bweenka mbwaakalinga kulisuni mwiine.

1 Samwelo 18:3

Ono Jonasani wakapangaakwe cipangano cakuba shicibusa wakwe wa lyoonse mukwiinga wakamusuna bweenka mbwaakalinga kulisuni mwiine.