1 Makani 11:20 - Baibo Busansulushi Bwa Libuku Ili

²⁰ Ono Abishayi mukwabo Joabu, lakwe wakalinga mutanjilili wa baabo bakalinga kwiitwa ayi Makumi Otatwe. Wakalwana basankwa bali 300 akubacaya alisumo. Paceebo ceeco alakwe wakapuka pakati ka “Bashilumamba Makumi Otatwe Bapukite.”

1 Makani 11:20 Marejeleo ya Msalaba

2 Samwelo 18:2

Pakubatuma, likoto lyomwi paotatwe wakalibika mumaansaakwe Joabu, limwi mumaansaakwe Abishayi mukwabo Joabu alimwi mwanaakwe Seluiya, lyalo lyakweelaako muli Itayi mwine Giti. Mpomunyaawo mwaami Defedi wakaambila bashilumamba ayi, “Anebo ntooyaanu.”

2 Samwelo 2:18

Bana bakwe Seluiya basankwa botatwe boonse bakalingaawo. Meenaabo nguJoabu, Abishayi alimwi aAsayelo. Asayelo wakalinga anga ndiaki kulubilo.

2 Samwelo 20:6

Mpeeke mwaami Defedi wakaambila Abishayi ayi, “Ono Sheba mwanaakwe Bikili utokwiindaawo kutupensha pali Abusalomu. Bwesa bashilumamba bangu umukonkele. Kwabula boobo atooya acane mandabala anene acite malinga, lyalo utootulobokelabo limwi.”

2 Samwelo 21:17

Sombi Abishayi mwanaakwe Seluiya wakesa wacafwa Defedi mukulwana musankwa uyo akumucaya. Kuswawaawo bashilumamba bakalengesha Defedi kushomesha cakulumbila ayi teshi akayaabo tubili kunkondo. Mpeeke bakaamba ayi, “Kulangila kwa bene Isilaeli kuli pali ndimwe, aboobo tatusuni kwaamba ayi tukabulwewobo.”

2 Samwelo 3:30

Mboboobo Joabu aAbishayi mukwabo mbobakacaya Abina ayi babooshe cishole cakucaya Asayelo mukwababo kunkondo ya Gibyoni.

1 Makani 11:19

Wakaamba ayi, “Cintu ca mushobo uyu nsheelete kucicita napaceyi. Bantu aba beensha buumi bwabo mumaansa kuya mukuteka maanshi aya. Aboobo inga caba anga ntoonwa bulowa bwabo.” Munshila iyo wakakaka kunwa maanshi ayo. Shamushobo uyo nsheshintu bashilumamba bakalinga kupukite botatwe abo nshebakacita mukubula boowa.

1 Makani 11:21

Nakubi kwaamba ayi taakalinga kucite bulemu bweelene abwa “Bashilumamba Botatwe Bapukite,” wakalinga kulemekwa kwiinda “Bashilumamba Makumi Otatwe Bapukite” alimwi wakaba mutanjilili wabo.

1 Makani 2:16

Jese wakashala abaana banakashi bobilo, nkokwaamba ayi Seluiya alimwi aAbigelo. Seluiya mwanaakwe Jese wakashala baana basankwa botatwe, nkokwaamba ayi Abishayi Joabu, alimwi aAsayelo.

1 Samwelo 26:6

Mpomunyaawo Defedi wakeepusha Ayimeleki mwine Iti aAbishayi mwanaakwe Seluiya, mukwabo Joabu ayi, “Ngani eshi aye anebo mumisumba pali Saulo?” Abishayi wakakumbula ayi, “Ntooyaanu nebo.”