1 Makani 11:16 - Baibo Busansulushi Bwa Libuku Ili

¹⁶ Paciindi ico Defedi wakalinga mucimfwengo alyalo likoto lya bashilumamba ba bene Filisiti lishikushinkila lyakalinga kuBetileemu.

1 Makani 11:16 Marejeleo ya Msalaba

2 Samwelo 5:17

Bene Filisiti ndibakanyumfwa ayi Defedi wakananikwa kuba mwaami wa bene Isilaeli, bakanyamuka abashilumamba babo boonse ayi bakamucate. Sombi Defedi wakanyumfwa cikani ico akuya kumusena ucite lilinga.

1 Makani 11:17

Ono Defedi wakafwa nyotwa akwaamba ayi, “Kubota muntu waya wakuletelawo maanshi akunwa kumukalo uli kufwaafwi amwinjililo wa ndabala ya Betileemu.”

Kulumbaisha 142:1

Ndalilila Mwaami Lesa muliswi lya peculu. Ndoolobesha kuMwaami Lesa ayi amfwite nkumbu.

1 Samwelo 10:5

Kuswawaawo utooya kukalundu kakwe Lesa muGibiya, uko kuli misumba ine Filisiti. Ono pamwinjililo wa ndabala utookumanya likoto lya balaluki beshi banooswa kucipaililo pakalundu, kabesa cilisha tulumbu, ngoma, mitoolilo atunkobele, uku kabalaluka.

1 Samwelo 13:23

Bene Filisiti bakatuma bashilumamba kuya mukushinkila mwinjililo ushaankene wa Mikimashi.

1 Samwelo 13:4

Bene Isilaeli boonse bakalwiitikwa ayi Saulo wakacaya mutanjilili wa bashilumamba bene Filisiti. Aboobo balipatitwe kubene Filisiti. Mpeeke bantu boonse bakanyumfwa kwiita kwakwe Saulo akuya kuGilugala uko nkwaakalinga.

1 Samwelo 22:1

Defedi wakaswaako kuGati akulobokela kucimfwengo ca kuAdulamu. Bamakwabo abamuŋanda ya baishi ndibakanyumfwa ayi nkwaabete uko, bakamukonkela.

1 Samwelo 22:4

Lyalo wakashiya baishi amwaami wa bene Moabu. Mpeeke bakekalaabo ciindi coonse Defedi ncaakalinga kuyubite mucimfwengo.

1 Samwelo 22:5

Ono mulaluki Gadi wakaya kuli Defedi akumulwiita ayi, “Utanookaloomuno, nyamuka bweenka bulya uye kucishi ca Juda.” Mpeeke Defedi wakaswaamo akuya kumusaansa wa Eleti.

1 Samwelo 23:25

Saulo abashilumamba bakwe bakatalika kuyandoola. Sombi Defedi ndyaakalwiitikwa cikani ico, wakaya kumwaandami akwikala muluyanga lwa Maoni. Saulo ndyaakanyumfwa nkwaabete wakaya muluyanga lwa Maoni kuya cikonkela Defedi.