1 Joni 5:10 - Baibo Busansulushi Bwa Libuku Ili

¹⁰ Uyo woonse ushoma Mwanaakwe Lesa ulicite bukamboni ubu muli nguwe. Sombi uyo utashomi Lesa, ulapa Lesa bubeshi mukwiinga taakwe kushoma bukamboni Lesa mbwaakapa paMwanaakwe.

1 Joni 5:10 Marejeleo ya Msalaba

Bene Loma 8:16

Mushimu wakwe Lesa wiine ulasuminishanya amyoyo yesu ayi tuli bana bakwe Lesa.

Bene Galatiya 4:6

Ono mukwiinga tuli bana bakwe, Lesa wakatuma Mushimu wa Mwanaakwe mumyoyo yesu. Walo ngoolengesha kwaamba ayi katwiita ayi, “Aba!” nkokwaamba ayi, “Ta!”

Joni 3:33

Sombi muntu ushoma nshaamba ulashinisha ayi Lesa ngwalushinisho.

Joni 5:38

Ncakwiila maswi abo teekali muli ndimwe mukwiinga tamushomi wooyo ngobakatuma.

Bene Ebulu 3:12

Nobamakwesu, amucenjele kwaamba ayi mutabi muntu nabi womwi mulikoto lyanu, ucite moyo ubiibi alimwi utashomi, weenga wamukusha kuli Lesa muumi.

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

1 Joni 5:1

Uyo woonse ushoma ayi Jesu ngoUsalitwe wakwe Lesa, ngumwanaakwe Lesa. Alakwe uyo woonse usuni ishi, ulisuni amwaana.

1 Joni 1:10

Na twaamba ayi tatuna kubishaawo, cilyeelenebo akwaamba ayi Lesa ngumubeshi alimwi maswi akwe taamo muli ndiswe.

Kulumbaisha 25:14

Mwaami Lesa ulaba shicibusa kubamulemeka, ulabayubulwiita cipangano cakwe.

Ciyubululo 2:17

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumupa mana ashisitwe. Ndaakumupa alibwe lituba apo mpweshi pakanoolembetwe liina lipya ilyo muntu woonse ndyaateshi, sombibo wooyo weshi akalitambule.

Bene Kolose 3:3

Mukwiinga mwebo mwakafwa, aboobo buumi bwanu bulishisitwe pantu pomwi aKlistu muli Lesa.

Tushimpi 3:32

Ceebo Mwaami Lesa ulipatite muntu utaluleme, sombi balo baluleme ulanyumfwanaabo.

Ciyubululo 12:17

Lyalo shinshimwe uyo wakakalala ceebo ca mwanakashi uyo. Mpeeke wakaya mukulwana abamulunyungu lwa mwanakashi bamwi boonse abo bakonkela milawo yakwe Lesa alimwi akushoma bukamboni bwakwe Jesu.

Ciyubululo 2:28

Ndaakumupa anyenyeenshi iitwa ayi ntanda.’

2 Pita 1:19

Aboobo tweshiba cancinencine ono ayi maswi akaamba balaluki bakulukulu ngalushinisho. Nkokwaamba ayi inga cabota na mwaakonkela mukwiinga ali anga ndilampi litoonyaka mumusena muli munshinshe kushikila bwaca alimwi kushikila mumuni wakwe Klistu ukamunike mumyoyo yanu anga ngwa ntanda,

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Isaya 53:1

Bantu bakakumbula ayi, “NoBaami baLesa, ngani wakashoma makani ngotwakashimikila? Ino nkusu shanu noBaami baLesa shakayubulwitwa baani?”

Jobo 24:25

Ngani weenga waamba ayi ndabeeca? Ngani weenga waamba ayi maswi angu ngabubeshi?”

Jelemiya 15:18

Ceebonshi shitoocisa tashitoomana? Ceebonshi cilonda cangu tacitooshilikika? Ceebonshi tashitokooshaawo? Sa mulisuni kunengesha kutyongola anga nkalonga kayuma cilimo?”

Joni 3:18

Nkokwaamba ayi uyo woonse ushoma muli nguwe taomboloshekwi, sombi uyo woonse utashomi woomboloshekwa kale mukwiinga taakwe kushoma Mwanaakwe Lesa uyo wakashalwa eenkabo.

Bene Galatiya 4:1

Nceentokwaamba nceeci, mwaana weelete kubwesa buboni bwa baishi, na kaacili mwanike, taapuseneewo amusha nakubi kwaamba ayi buboni boonse mbwaakwe.

Milimo ya Batumwi 8:37

Filipo wakamukumbula ayi, “Inga wabombekwa na washooma amoyo wako woonse.” Mpeeke alakwe wakakumbula ayi, “Ncakwiila ndashooma ayi Jesu Klistu nguMwanaakwe Lesa.”]