1 Joni 3:8 - Baibo Busansulushi Bwa Libuku Ili

⁸ Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.

1 Joni 3:8 Marejeleo ya Msalaba

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Isaya 27:1

Pabushiku ubo Mwaami Lesa ulaakusebensesha mupeeni wakwe wa nkusu alimwi ucaya, kupa mulandu Lefayatani, cisoka cilipeta cilya. Ee, kucaya shinshimwe wa mulweenge ulya.

Shakubelenga 21:9

Aboobo Mose wakapanga nsoka ya bulonse akuyaanjika pacisamu. Uyo woonse wakalumwa akulanga kunsoka iyo, wakaba kabotu.

Mateyo 12:28

Teshi Bilusebulu, sombi nguMushimu Usalashi wakwe Lesa uyo umpa nkusu shakukusha bashikaswa. Nkokwaamba ayi Bweene bwakwe Lesa bwesa kuli ndimwe.

Mateyo 13:38

Muunda uyo ncishi ca panshi. Maila mbantu ba muBweene bwa kwiculu, ayalo misonde mbantu ba Mubiibi.

Mateyo 4:3

Ono alakwe Mubiibi shikusunka wakesa akumwaambila ayi, “Na uli Mwanaakwe Lesa, ambila mabwe aya asanduke cakulya.”

Maako 1:24

“Anu twamucitanshi mwebo nobaJesu ba kuNasaleti? Sa mwesa mukutunyonyoola? Ndimwishi, ndimwe wooyo Usalalite uswa kuli Lesa!”

Luka 10:18

Jesu wakabakumbula ayi, “Ndakamubona Satana kaaloka kuswa kwiculu mbuli kubeka kwa mfula.

Joni 12:31

Ono cashikila ciindi cakwaamba ayi bantu ba pacishi ca panshi boomboloshekwe. Ono Satana mweendeleshi wa panshi pano wakomwa.

Joni 16:11

Ulaakubashinina pacikani ca boomboloshi mukwiinga Satana muleli wa pacishi ca panshi woomboloshekwa kale.

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Bene Loma 16:20

Lyalo Lesa upa luumuno, ulaakunyonyoola nkusu shakwe Satana kwaamba ayi mukamukoome. Luse lwa Mwaami wesu Jesu lube amwebo.

Bene Efeso 2:2

Paciindi ico mwakalinga kweenda munshila sha bantu bakunsengwe. Mwakalinga kukonkela mweendeleshi wa bashikaswa wa muluuwo, mushimu ubiibi uyo weendelesha bantu batanyumfwili Lesa.

Bene Kolose 2:15

Pamucilingano mpomunya, Lesa wakamanisha nkusu sha bamaami abeendeleshi boonse kwiinda muli Klistu. Wakabakoma patuba ndyaakabatondesha nkusu shakwe.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Bene Ebulu 2:14

Ono mukwiinga baana aba mbantu bacite mibili alimwi abulowa, alakwe Jesu mwiine wakaba muntu mbuli mbabo. Wakacita boobo kwaamba ayi kwiinda mulufu lwakwe anyonyoole Mubiibi uyo ucite nkusu shakucaya.

Bene Ebulu 9:26

mukwiinga ubo naakalinga kupenshekwa lyoonse, kuswa kumalengelo a cishi. Sombi wakabonekabo linkanda lyomwi kwiimikanina boonse mulishalane lino lya mamanino, kwaamba ayi akushe shibiibi kwiinda mukulibenga kwakwe.

2 Pita 2:4

Mukwiinga Lesa taakwe kulekabo baanjelo bakabisha, sombi wakabawaala kumusena wa bafu, mumunshinshe umo mobaangitwe kushikila Bushiku bwakoomboloshekwa.

1 Joni 1:2

Buumi ubu bwakayubululwa, mpeeke twakabubona. Tutoomwishibisha akumusansulwita shabuumi butamaani ubo bwakalinga aIshiwesu alimwi akuboneka kuli ndiswe.

1 Joni 3:10

Anu bupusano buliiwo pakati ka bana bakwe Lesa abana ba Mubiibi mboobu. Uyo woonse utaciti shiluleme nabi utasuni mubye, teshi mwanaakwe Lesa.

1 Joni 3:5

Kweelana ambomwishi, Klistu wakesa mukukusha shibiibi, alimwi muli nguwe taamu cibiibi nabi comwi.

1 Joni 5:19

Tulishi kwaamba ayi tuli bakwe Lesa nabi bantu bamwi boonse batokweendeleshekwa aMubiibi.

Judi 1:6

Amwiibaluke baanjelo balya batakwe kukondwa kunooli mumisena ya nkusu nshebakapekwa, sombi bakashiya musena wakabapa Lesa kwiculu. Lesa wakabaanga ncetani shitanyonyooki alimwi ulibasungite mumusena wa munshinshe kushikila paBushiku bunene ndyeshi akaboomboloshe akubapa mulandu.

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.

Ciyubululo 20:15

Uyo woonse utakwe kulembwa liina mulibuku lya boomi, wakawaalwa mulweenge lwa mulilo.