1 Joni 3:4 - Baibo Busansulushi Bwa Libuku Ili

⁴ Uyo woonse ubisha, ulasotoka mulawo wakwe Lesa mukwiinga kubisha nkusotoka mulawo.

1 Joni 3:4 Marejeleo ya Msalaba

1 Baami 8:47

amukutike mipailo ya bantu banu. Na kucishi uko kweenka nkweenga kababete basanduka kuswa kushibiibi shabo akupaila kuli ndimwe, kabalyaambilila shibiibi shabo shoonse, noBaami baLesa amukutike mipailo yabo.

1 Makani 10:13

Saulo wakafwa mukwiinga taakalinga kushomeka kuMwaami Lesa. Taakwe kukonkela milawo ya Mwaami Lesa. Wakeelesha kucana lucafwo kwiinda mukucebusha kuwooyo waamba amishimu ya bafu

2 Makani 24:20

Mpomunyaawo Mushimu wa Mwaami Lesa wakaselukila Sekaliya mwanaakwe Jeoiyada mupailishi. Mpeeke wakeemikana kunembo lya bantu boonse akwaamba ayi, “Lesa utoomwiipusha ayi, ‘Nciinshi calengesha ayi mukake kukonkela milawo yangu? Mwaliletela mapensho pamitwi yanu! Ceebo cakwaamba ayi mwamfutatila, anebo ndamushiya!’ ”

Isaya 53:8

Bakamutola mukucaya kwiinda mukumulyatilila alimwi amukutamoombolosha cabululami. Taaku muntu eshi akaambe shalunyungu lwakwe mucishi, mukwiinga buumi bwakwe panonsengwe bwamanishikwa. Ee, nceebo cakusotoka milawo kwa bene misheesu kwakalengesha ayi oomwe.

Danyelo 9:11

Bene Isilaeli boonse bakapwaya milawo yanu akukaka kunyumfwila sheesho nshemwakaamba. Twakamubishisha, aboobo mwakatuletela mashingo alembetwe muMilawo yakwe Mose musebenshi wanu.

Shakubelenga 15:31

mukwiinga wakaka sheesho nshendakaamba nebo neMwaami Lesa, alimwi wasotoka kashanga milawo yangu. Nkokwaamba ayi mulandu wa cibiibi cakwe wamucalila mwiine.”

Mateyo 5:19

Paceebo ceeco, uyo woonse usotoka mulawo uniini nabi womwi, akwiisha bantu kunocita bweenka ubo, ulaakuba muniini muBweene bwakwe Lesa. Sombi uyo ukonkela Milawo akwiishako bamwi ulaakuba munene muBweene bwa kwiculu.

Milimo ya Batumwi 23:3

Lyalo Paulo wakamwaambila ayi, “Lesa ulaakukuuma, webo olubumbu lwakashingulwa abulongo butuba! Webo ncooshiitile kooko nkwaamba ayi uŋomboloshe kweelana aMilawo, ono alimwi utoosotoka Milawo kwiinda mukwaambila bantu ayi banguume!”

Bene Loma 3:20

Ceebo taaku muntu ululamikwa pameenso akwe Lesa kwiinda mukucita bwaamba Milawo. Sombi Milawo ilalengeshabo bantu kwishiba ayi babisha.

Bene Loma 4:15

Milawo ilalengesha Lesa kupa milandu bantu, sombi na taaku Milawo, taaku muntu weenga weesotoka.

2 Bene Kolinto 12:21

Ntooloonda kwaamba ayi ndaakwisaako alimwi, Lesa inga wanengesha kunyumfwa nsoni pameenso anu mukwiinga ndaakutalika kulila ceebo ca baabo boonse bakabisha kale kale, batana kusanduka kuswa kushibiibi shabo sha lunkumbwa, cikololo ashimwi shoonse shakutalilemeka.

Jemusi 5:15

Na bapaila calushomo, mulwashi ulaba kabotu. Mwaami wesu inga wamulengesha kuba kabotu alimwi shibiibi shoonse nshaakacita shilalekelelwa.

1 Joni 5:17

Kucita cintu citaluleme cili coonse nkubisha, sombi kuli shibiibi shimwi shitaleteli lufu.

1 Samwelo 15:24

Mpomunyaawo Saulo wakaambila Samwelo ayi, “Ncakwiila ndabiisha. Ndasotoka shakaamba Mwaami Lesa alimwi amilasho yanu. Ndakaloonda bantu, aboobo ndakabanyumfwila.