1 Joni 3:2 - Baibo Busansulushi Bwa Libuku Ili

² Nobeensuma, bulya tuli bana bakwe Lesa, sombi tacishibikitwe kabotu mbweshi tukabe. Sombi tulishi kwaamba ayi na Klistu akaboneke, tulaakuba bweenka mbuli nguwe mukwiinga tulaakumubona bweenka mbwaabete.

1 Joni 3:2 Marejeleo ya Msalaba

Jobo 19:26

Ono nabi cikanda cangu camana kunyonyoolwa, sombi mumubili wangu uyu weenka ndaakubona Lesa.

Kulumbaisha 16:11

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi, ncakwiila kusangalala kutamaani muliimfwa lyanu.

Kulumbaisha 17:15

Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.

Kulumbaisha 31:19

Nshiinji shintu shibotu nshemwakabambila bamulemeka, shintu nshemucitila bantu bacicila kuli ndimwe. Shintu isho shilibwenekete kumuntu uli woonse.

Isaya 56:5

balaakunookwiibalukwa kwaciindi cilaamfu muŊanda yangu apakati ka bantu bangu kwiinda mbobalinga kweelete kwiibalukwa na kabacite baana. Ndaakubapa liina litakoonshi kulobeshekwa.”

Malaki 3:2

Ono ngani eshi akakonshe kwiimikana mubukali bwakwe pabushiku bwakwisa kwakwe? Ino ngani eshi akakonshe kuba muumi aakuboneka? Mukwiinga ulaakuba anga ngusoopo utubya abuumbi nabi anga ngumulilo usungulula sheela.

Mateyo 5:8

“Balicite coolwe abo basalalite mumyoyo, mukwiinga balaakubona Lesa.

Luka 17:30

Kulaakuba bweenka ubo pabushiku MwanaaMuntu ndyeshi akayubululwe.

Luka 20:36

Ceebo teshi bakafweewo balaakuba anga mbaanjelo. Balaakuba bana bakwe Lesa mukwiinga balaakubushikwa kuswa kubafu.

Joni 1:12

Sombi kubaabo boonse bakamutambula akumushoma, wakabapa nkusu shakuba bana bakwe Lesa.

Joni 11:52

Ncakwiila teeshibo mushobo wabo weenka, sombi akuleta pantu pomwi bana bakwe Lesa abo bakalinga kupalangene mucishi coonse.

Joni 17:24

“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.

Bene Loma 8:16

Mushimu wakwe Lesa wiine ulasuminishanya amyoyo yesu ayi tuli bana bakwe Lesa.

Bene Loma 8:18

Ndishinishite kwaamba ayi mapensho ngotwiindaamo taaelene abulemu Lesa mbweshi akatuyubulwite.

Bene Loma 8:19

Shintu shoonse Lesa nshaakalenga shitoolindila abuumbi kuyubululwa kwa bana bakwe.

Bene Loma 8:29

Abo Lesa mbaakasalila limwi, wakababika palubasu kwaamba ayi bakabe anga nguMwanaakwe alimwi ayi Mwanaakwe uyo akabe mutaanshi pakati ka bamakwabo baanji.

1 Bene Kolinto 13:12

Nshetubona bulya shintu shilyaanga nsheesho shiboneka mucilola. Sombi paciindi ico tulaakubonana meenso ameenso. Lushibo ndotucite talumaniniteewo, sombi paciindi ico lulaakumaninina bweenka Lesa nebo mbwaanshi cakumaninina.

1 Bene Kolinto 15:49

Ono bweenka mbotwakakosha wooyo wakaswa kubulongo, mbweshi tukakoshe wooyo wakaswa kwiculu.

1 Bene Kolinto 2:9

Sombi kweelana abwaamba Malembo akwe Lesa ayi, “Isho muntu nshaatakwe kubonaawo nabi kunyumfwaawo, isho muntu nshaatakwe kuyeeyawo ayi shilaakucitika, nshesheesho Lesa nshaakabambila baabo bamusuni.”

2 Bene Kolinto 3:18

Swebo soonse sotucite shiwa shitafweketwe shisani, tuli anga nshilola shitondesha bulemu buswa kuMwaami. Tutoosandululwa kuba mbuli nguwe, kuswa mubulemu bumwi kuya mubuumbi bwiindaawo, kwiinda muMwaami uli nguMushimu.

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse

Bene Galatiya 3:26

Mwebo noonse muli bana bakwe Lesa mukwiinga mulashoma muli Klistu Jesu.

Bene Galatiya 4:6

Ono mukwiinga tuli bana bakwe, Lesa wakatuma Mushimu wa Mwanaakwe mumyoyo yesu. Walo ngoolengesha kwaamba ayi katwiita ayi, “Aba!” nkokwaamba ayi, “Ta!”

Bene Filipi 3:21

Lakwe ulaakusandula mibili yesu ilefukite ya buntu kwaamba ayi ikabe mbuli mubili wakwe wa bulemu. Ulaakucita boobo munkusu shakwe isho shikoma shintu shoonse akushilela.

Bene Kolose 3:4

Klistu mbobuumi bwanu, ono na akaboneke, amwebo mulaakuboneka pantu pomwi anguwe mubulemu bwakwe.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

2 Pita 1:4

Kwiinda muli nshisho, wakatupa shipo shinene alimwi shibotu abuumbi isho nshaakashomesha kwaamba ayi kwiinda mushipo ishi, mukapulushikwe kubunyonyooshi bwa lunkumbwa buli mucishi ca panshi akutambula buumi bwa buLesa.

1 Joni 2:28

Ee, nobana bangu, amukalilile muli nguwe, kwaamba ayi pabushiku ndyeshi akese, tukabule kunyumfwa boowa ansooni.

1 Joni 2:7

Nomusunikwi, nshintoomulembela mulawo upya, sombi ngukulukulu uyo ngomwakalinga kwishi kuswa kumatalikilo. Mulawo uyu ukulukulu ngomakani eenka ngomwakanyumfwa.

1 Joni 3:1

Amubone lusuno lwa Bamashali besu bakulukulu mbolubete kukomena pali ndiswe! Cakutubanda ayi tuli bana bakwe Lesa! Ncakwiila tuli bana bakwe. Bantu ba mucishi ca panshi tabatwishi ceebo Lesa tebakalinga kumwishi.

1 Joni 3:10

Anu bupusano buliiwo pakati ka bana bakwe Lesa abana ba Mubiibi mboobu. Uyo woonse utaciti shiluleme nabi utasuni mubye, teshi mwanaakwe Lesa.

1 Joni 3:21

Aboobo nomusunikwi, na myoyo yesu teetushinini, nkokwaamba ayi inga tweemikana pameenso akwe Lesa cakubula boowa.

1 Joni 5:1

Uyo woonse ushoma ayi Jesu ngoUsalitwe wakwe Lesa, ngumwanaakwe Lesa. Alakwe uyo woonse usuni ishi, ulisuni amwaana.

Ciyubululo 2:28

Ndaakumupa anyenyeenshi iitwa ayi ntanda.’

Ciyubululo 22:4

Balaakubona ciinso cakwe alimwi liina lyakwe lilaakulembwa pankumo shabo.