1 Joni 3:12 - Baibo Busansulushi Bwa Libuku Ili

¹² Tatweelete kuba anga nguKaini uyo wakalinga kulubasu lwa Mubiibi akucaya Abelo mwanike wakwe. Ino nciinshi ncaakamucaila? Mukwiinga nshaakalinga kucita lakwe mwiine shakalinga shibiibi, sombi mwanike wakwe kaacita shiluleme.

1 Joni 3:12 Marejeleo ya Msalaba

Matalikilo 4:25

Adamu wakakumana amukaakwe alimwi, mpeeke mukaakwe wakashala mwaana musankwa uyo ngwaakatumba ayi Seti. Wakaamba ayi, “Lesa wampa umbi mwaana pamusena wakwe Abelo uyo Kaini ngwaakacaya.”

2 Samwelo 13:22

Mpeeke Abusalomu wakapata Amunoni cakutaambooshanyaawo napaceyi ceebo cakusebaanya Tama nankashi yakwe.

Kulumbaisha 37:12

Bamucita shibi balapinga kucaya baluleme, balalumanya meeno kubukali pali mbabo.

Kulumbaisha 38:20

Abo baboosha bubi pashibotu, balansebaanya ceebo cakuyanda kucita shiluleme.

Tushimpi 27:4

Bukali mbubiibi, kukalala ca lushinga kulanyonyoola, sombi munyono walo uleendaawo kubica.

Tushimpi 29:10

Bacayi balipatite muntu ushomeka, ncakwiila balisuni kucaya baluleme.

Tushimpi 29:27

Baluleme balipatite bantu batashomeki, abalo bamucita shibi balipatite bantu baluleme.

Mateyo 13:19

Na bantu banyumfwa maswi a Bweene bwakwe Lesa cakubula kwaanyumfwisha, alakwe Satana ulesa wakushamo sheesho shashangwa mumyoyo yabo. Bantu bali boobo nshembuto shakalokela munshila.

Mateyo 13:38

Muunda uyo ncishi ca panshi. Maila mbantu ba muBweene bwa kwiculu, ayalo misonde mbantu ba Mubiibi.

Mateyo 23:35

Aboobo mulaakupekwa mulandu ceebo ca bantu baluleme boonse bakacaikwa, kutalikila kuli Abelo uyo muntu ululeme kushikila kuli Sekaliya mwanaakwe Belekiya, uyo ngomwakacaila muŋanda yakwe Lesa pakati ka Musena Usalalite alimwi acipaililo.

Mateyo 27:23

Sombi Pilato wakabeepusha alimwi ayi, “Ino ncibiibinshi ncaacita?” Lyalo bakeendilishaawo koolobesha ayi, “Aapopwe pamucilingano!”

Mateyo 5:37

Mwebo amweelebo pakwaamba ayi, ‘Ee’ nabi ‘Sobwe’ mukwiinga na ceenda waawa, ingayi cilaswa kuli Satana.

Luka 11:51

kuswa kukucaikwa kwakwe Abelo kushikila kukucaikwa kwakwe Sekaliya, uyo wakacailwa pakati lya cipaililo alimwi aMusena Usalalite wa Ŋanda yakwe Lesa. Ee, ntoomulwiita ayi bantu ba cecino ciindi balaakupekwa mulandu pasheeshi shoonse!

Joni 10:32

Sombi Jesu wakabaambila ayi, “Ndakamubonesha milimo ibotu iyo yakaswa kuli baTa. Ono pamilimo yoonse iyi, ngumulimonshi ngomutooyanda kunguminaawo mabwe?”

Joni 8:40

Ono mpaapa mutoopinga kuncaya nebo nendamwaambila makani alushinisho ngondakanyumfwa kuli Lesa. Abulaamu taakwe kucitawo shintu sha mushobo uyu, sobwe.

Joni 8:41

Mwebo mutoocita shintu shakwe ishiwanu nobeene.” Mpomunyaawo balo bakamwaambila ayi, “Tatwishi baana ba mubulale. Tulicitebo ishiwesu womwibo ndondoli, Lesa.”

Milimo ya Batumwi 7:52

Sa kwakalingawo mulaluki bamashali banu bakulukulu ngobatakwe kupensha? Bakacaya batumwi bakwe Lesa abo bakaamba shakwisa kwa musebenshi wakwe ululeme. Ono amwebo mwakamwaaba akumucaya.

1 Bene Tesalonika 2:14

Ceebo nobamakwesu bweenka bwakapenga shoonde shakwe Lesa mucishi ca Judeya, mbweeke ubo amwebo mbomwakapenga. Bene mishaanu bakamupensha bweenka mbobakapenshekwa kubaJudanyinaabo.

Bene Ebulu 11:4

Kwiinda mulushomo, Abelo wakapa mulambu weelete kuli Lesa kwiinda wakwe Kaini. Ceebo ca lushomo, Lesa wakabanda Abelo ayi uliluleme mukwiinga Lesa mwiine wakakondwa pamulambu wakwe. Lushomo ndomunya ulu ndolulengesha ayi Abelo anoocaamba kuli ndiswe, nakubi kwaamba ayi ulifwite.

Bene Ebulu 12:24

Mwebo mwesa kuli Jesu, uyo wakalengesha ayi cipangano cipya cibeeko alimwi abulowa bwakwe ubo bushomesha shibotu kwiinda bwakwe Abelo.

1 Pita 4:4

Ono bulya bakunsengwe balakankamana ndibabona kwaamba ayi tamutokala buumi bwakubisha pantu pomwi ambabo, nceceeco ncebatoomutukanina.

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.

Ciyubululo 17:6

Mpeeke ndakabona kwaamba ayi mwanakashi uyu wakalinga kukoletwe bulowa bwa bashomi alimwi bwa baabo bakacaikwa ceebo ca kushoma muli Jesu. Ndindakabona boobo, ndakakankamana abuumbi.