1 Joni 2:16 - Baibo Busansulushi Bwa Libuku Ili

¹⁶ Mukwiinga shoonse sha mucishi ca panshi, nkokwaamba ayi isho mubili nshookumbwa, shoonse bantu nshebakumbwa na bashibona alimwi asheesho shoonse shilengesha bantu kulisumpula, tashiswi kuli Ishiwesu, sombi shilaswa mucishi ca panshi.

1 Joni 2:16 Marejeleo ya Msalaba

Matalikilo 3:6

Mwanakashi ndyaakabona cisamu ico mbocakalinga kuboneka kabotu, ashisepo mboshakalinga kuboneka kubota kulya, alimwi ndyaakayeeya ayi inga wacana busongo mukushilya, wakayapaako akulya. Mpeeke wakayapa shimwi akupaako ibaye, alakwe wakalya.

Matalikilo 6:2

Ono bana bakwe Lesa basankwa bakabona ayi banakashi abo mbabotu. Aboobo bakeeba baabo mbobakasala.

Jobo 31:1

“Ndakapangana cipangano ameenso angu ayi teshi nkalangilishewo mwanakashi calunkumbwa.

Kulumbaisha 73:6

Balafwala kulisumpula anga mbulungu bwa munshingo, alimwi kunyonyongana kwabafwekelesha anga cakufwala ca peculu.

Kulumbaisha 78:18

Bakasunka Lesa cakashanga, mukusenga shakulya nshebakalinga kusuni.

Kulumbaisha 78:30

Kabatana kushimana kulya isho nshebakayewa, paciindi kashicili mumilomo yabo,

Tushimpi 27:20

Lufu akunyonyoola tashikutiiwo, mbweeke ubo aalo meenso taakuti.

Tushimpi 6:25

Utakumbwili mumoyo mbwaaimfwi alimwi meenso akwe ayungoola atakutoleli moyo.

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Shakubelenga 11:34

Mpeeke musena uyo bakootumba ayi Kibuloti Ataafa, nkokwaamba ayi, “Shuumbwe shalunkosha” mukwiinga mpopaapo mpobakafukila beshinkosha.

Shakubelenga 11:4

Pamulongo wa bene Isilaeli pakalinga abaswamashi bamwi abo bakanyumfwa nkosha abuumbi, alimwi abalo bene Isilaeli boonse bakatalika kutongooka ayi, “Kubota bulya kulyawo nyama!

Mateyo 4:8

Kuswawaawo Mubiibi uyo wakatola Jesu kukalundu kalaamfu abuumbi. Wakamubonesha malelo oonse a mucishi ca panshi abubotu bwa ngawo,

Mateyo 5:28

Sombi nebo ntoomulwiita ayi uyo woonse ulangilisha mwanakashi calunkumbwa, wacita kale bulale anguwe mumoyo.

Luka 4:5

Kuswawaawo Mubiibi uyo wakamutola peculu lya kalundu kalaamfu akumutondesha malelo oonse a mucishi ca panshi muciindi ciniinibo.

Bene Loma 13:14

Tatweelete kubika maano musheesho shiyanda mubili, sombi Jesu Klistu abe nsheshakulwanisha shesu.

1 Bene Kolinto 10:6

Ono shintu shoonse ishi nshitondesho kuli ndiswe shakutucenjesha kwaamba ayi tutasuni shintu shibiibi mbuli mbobakacita balo.

Bene Galatiya 5:17

Mukwiinga buumi bwa buntu ubo bulisuni sheesho shitasuni Mushimu Usalashi, ashalo shisuni Mushimu Usalashi teshi nshesheesho shisuni buumi bwa buntu. Shintu shobilo ishi tasheendelani, nkokwaamba ayi inga tamuciti shibotu isho nshemusuni kwaamba ayi mucite.

Bene Galatiya 5:24

Ono abo bali kulubasu lwakwe Klistu bakapopa buumi bwa buntu alimwi asheesho shoonse shisuni buumi ubo pamucilingano.

Bene Efeso 2:3

Ncakwiila aswebo soonse mbotwakalinga mbomunya ubo alimwi twakalinga kwikala mubuumi bwakulisangalasha sobeene. Twakalinga kucita shintu shiyanda mibili amiyeeyo yesu. Mubuumi ubo, twakalinga kweelete kutondeshekwa bukali bwakwe Lesa kweelana abantu bamwi boonse.

Taitasi 2:12

Luse ulo lulatwiisha kuleka buumi buteshi bwabuLesa alunkumbwa lwa shintu sha pacishi ca panshi kwaamba ayi twikale buumi bwakulitibuka, bululeme alimwi bwabuLesa munshiku shino.

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

Jemusi 3:15

Ceebo busongo bwa mushobo uyu tabuswi kwiculu. Bulaswa mucishi ca panshi, mbwa buntu alimwi mbwa bushikaswa.

Jemusi 4:16

Ono mwebo mulalisumpula akulilumbaisha. Kulilumbaisha koonse kwa mushobo uyo nkubisha.

Joshuwa 7:21

pashintu isho nshetwakabwesa, ndakabonawo cakufwala ca peculu cibotu abuumbi ca kuBabiloni, makilogilamu obilo a silifa alimwi acipimpita ca golodi cakalinga kulema musa wa kilogilamu. Ndakakumbwa shintu isho akushibwesa. Anu ndakashifukila mutente yangu, silifa njeili panshi peene.”

1 Pita 1:14

Amube anga mbaana banyumfwila, mutaleeki lusuno lwa shintu shibiibi kwaamba ayi lumweendeleshe ulo ndomwakalinga kucite kamutana kwishiba Klistu.

1 Pita 2:11

Nomusunikwi, ntoomusenga cankusu, mbuli beensu bapalangene mucishi ca panshi, amuswe kulunkumbwa lwa mubili ulo lulwana amuuya wanu.

2 Pita 2:10

bunene bunene abo bakonkela lunkumbwa lwa mibili yabo akusuula bulemu ankusu shakwe Lesa. Bafundishi babeshi aba tabaloondi balalisumpula alimwi tabaloondiiwo abalemekwa ba kwiculu, sombi balabacobola.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.