1 Joni 2:1 - Baibo Busansulushi Bwa Libuku Ili

¹ Nobana bangu, ndamulembela makani aya kwaamba ayi mutakabishi. Sombi na umwi wabisha, tulicite shikutucafwa utwaambililaako kuli Ishiwesu, uyo nguJesu Klistu ululeme.

1 Joni 2:1 Marejeleo ya Msalaba

Kulumbaisha 4:4

Kamuloonda Lesa cakubula kubisha. Kamuyeeyesha makani aya ciindi ndimukutumana pabulo.

Esekelo 3:21

Na ukacenjeshe muntu ululeme ayi atanoobisha alakwe wabula kubisha, ndushinisho muntu uyo ulaakupulusha buumi bwakwe ceebo cakunyumfwa kucenjeshekwa awebo ulaakupulusha buumi bwako.”

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Luka 10:22

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.”

Joni 10:15

Bweenka mbuli baTa mbobenshi anebo ndibeshi. Paceebo ceeco ndisuminite kwaaba buumi bwangu ceebo ca mbelele shangu.

Joni 13:33

Nobana bangu, ndanooli amwebo kwaciindi ciniini. Mulaakunangoola, sombi ntoomulwiita bweenka mbondakalwiita baJuda ayi, ‘Uko nkoontooya, mwebo inga tamuyiiko.’

Joni 14:16

Lyalo ndaakusenga kuli baTa kwaamba ayi bakamupe Mucafwi umwi, uyo eshi akekale amwebo inshiku shoonse.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 21:5

Lyalo wakabeepusha ayi, “Mwebo basaankwa, sa mwacayaawo?” Balo bakamukumbula ayi, “Tau, tatukwe kucayaawo.”

Joni 5:14

Kuswawaawo Jesu wakamucana musankwa uyo muŊanda yakwe Lesa akumwaambila ayi, “Bona waba kabotu ono, anu ucileeke kubisha mukwiinga cimwi cibiibi kwiinda cecilya inga caakukucitikila.”

Joni 5:36

Sombi ndicite bukamboni bunene kwiinda boobo Joni Mubombeki mbwaakancitila. Shintu nsheencita isho nshaakampa Lesa ayi ncite, nshesheesho shitondesha ayi baTa mbobakantuma.

Joni 6:27

Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”

Joni 8:11

Mwanakashi uyo wakakumbula ayi, “Taakuuwo Nkambo.” Lyalo Jesu wakaamba ayi, “Anu anebo teshi nkupeewo mulandu. Ono koya, utakacitiiwo cibiibi alimwi!”]

Milimo ya Batumwi 7:52

Sa kwakalingawo mulaluki bamashali banu bakulukulu ngobatakwe kupensha? Bakacaya batumwi bakwe Lesa abo bakaamba shakwisa kwa musebenshi wakwe ululeme. Ono amwebo mwakamwaaba akumucaya.

Bene Loma 5:10

Twakalinga balwani bakwe Lesa, sombi wakatucita kwaamba ayi tube beshicibusanyina kwiinda mulufu lwa Mwanaakwe. Ono mbotuli beshicibusanyina, tulishinishite kwaamba ayi ulaakutupulusha ceebo ngumuumi.

Bene Loma 6:15

Ino ono cili buyani cikani ici? Sa tunoobishabo ceebo tatweendeleshekwi aMilawo, sombi aluse lwakwe Lesa? Kulaalebo!

Bene Loma 8:34

Sa kuli weenga wakonsha kubapa mulandu? Taaku nabibo womwi. Ndushinisho nabibo Klistu Jesu, uyo wakafwa akubushikwa kuswa kubafu, uli kululyo lwakwe Lesa alimwi utootwaambililaako kuli nguwe, taakoonshi.

1 Bene Kolinto 15:34

Amutalike kusebensesha maano mbuli mbwaaelete alimwi mucileeke kubisha. Ceebo nkobali bateshi Lesa, ici ndacaamba kwaamba ayi mufwe nsoni.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Galatiya 4:19

Nobana bangu, bweenka mbuli mwanakashi mbwaanyumfwa kucisa na mumala mwabuka, anebo mbontoonyumfwa ceebo ca ndimwe kushikila buumi bwa buKlistu buboneke cancinencine muli ndimwe.

Bene Efeso 2:18

Mukwiinga kwiinda muli Klistu swebo soonse, baJuda abaswamashi bakunsengwe, tulakonsha kushika pameenso akwe Ishiwesu muMushimu womwi.

Bene Efeso 4:26

Ono na mwakalala, kukalala kwanu kutamulengeshi kubisha alimwi tamweelete kukalala cakwipisha lisuba.

1 Timoti 2:5

Ceebo kuli Lesa womwibo ashikwiimikana pakati kakwe Lesa abantu womwibo. Muntu uyo nguKlistu Jesu,

1 Timoti 3:14

Nakubi kwaamba ayi ndaakwisa uko onoono, ntookulembela milasho iyi kwaamba ayi

Bene Ebulu 9:24

Mukwiinga Klistu taakwe kwinjila muMusena Usalalite wakayaka bantu, ulibo cikoshanyo ca wooyo wa kwiculu. Sombi wakenjila mwiculu mwiine mwiine uko nkwaatwiimikaninaako kuli Lesa.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.

Jemusi 3:9

Mulaka usebenseshekwa kulumbaisha Lesa, ngowomwi weenka ngotushinganishishaako bantu abo bakalengwa mucikoshanyo cakwe Lesa.

1 Pita 2:22

Lakwe taakwe kucitawo cibiibi nabi kubecaawo.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

1 Joni 3:18

Nobana bangu, lusuno lwesu lutabibo lwa pamulomo, sombi tulyeelete kubonesha lusuno lwancinencine mumicito yesu.

1 Joni 3:5

Kweelana ambomwishi, Klistu wakesa mukukusha shibiibi, alimwi muli nguwe taamu cibiibi nabi comwi.

1 Joni 3:7

Nobana bangu, kutabi muntu nabi womwi weshi amucenjeeke. Uyo ucita shiluleme, uliluleme bweenka mbuli Klistu mbwaaluleme.

1 Joni 4:4

Ono mwebo nobana bangu, muli bakwe Lesa alimwi mwabakoma kale balaluki babeshi mukwiinga Mushimu uli muli ndimwe ulicite nkusu kwiinda wooyo uli muli baabo basuni sha mucishi ca panshi.

1 Joni 5:17

Kucita cintu citaluleme cili coonse nkubisha, sombi kuli shibiibi shimwi shitaleteli lufu.

1 Joni 5:21

Nobana bangu, amulilame kabotu, mutanoolambila shibumbwabumbwa!

3 Joni 1:4

Taaku cimwi cinsangalasha abuumbi kwiinda kunyumfwa ayi bana bangu muMushimu batookonkela shalushinisho.