1 Joni 1:8 - Baibo Busansulushi Bwa Libuku Ili

⁸ Ono na twaamba ayi tatubishi, cilaamba ayi tutoolibeca sobeene alimwi lushinisho lwakwe Lesa talubete muli ndiswe.

1 Joni 1:8 Marejeleo ya Msalaba

1 Baami 8:46

“Ono na bantu banu bamubishisha ceebo taaku muntu nabi womwi utabishi, lyalo mubukali bwanu mwalengesha ayi bakomwe akutolwa busha kucishi cimwi, nabi cishi ico kacili kulaale,

2 Baami 20:15

Isaya wakeepusha ayi, “Babonaawonshi muŋanda ya bwaami muno?” Esekiya wakakumbula ayi, “Shoonsebo bashibona. Taaku cintu nabi comwi mushipinda shangu shakusungilamo buboni nceentakwe kubabonesha.”

2 Makani 6:36

“Ono na bantu banu bamubishisha ceebo taaku muntu nabi womwi utabishi, lyalo mubukali bwanu mwalengesha ayi bakomwe akutolwa busha kucishi cimwi, nabi cishi ico kacili kulaale,

Jobo 14:4

Anu ngani ukonsha kukusha cintu cisalalite kuswa mucintu citasalalite? Ncakwiila taaku nabi womwi weenga wacita boobo.

Jobo 15:14

“Anu muntu nciinshi kwaamba ayi abule kampenda? Anu muntu uyo ushalwabo kumwanakashi nciinshi ayi alulame?

Jobo 25:4

Ino muntu inga walulama buyani pameenso akwe Lesa? Anu muntu wakashalwa kumwanakashi inga wabula buyani kampenda?

Jobo 9:2

“Ee, ndishi kwaamba ayi mbocibete ubo. Sombi muntubo inga walulama buyani kunembo lyakwe Lesa?

Kulumbaisha 143:2

Mutaŋomboloshi nemusebenshi wanu ceebo taaku muntu muumi ululeme pameenso anu.

Tushimpi 20:9

Anu ngani weenga waamba ayi, “Mumoyo wangu taamuuwo kampenda, ndisalalitebo alimwi nshicitewo cibiibi.”

Shikushimikila 7:20

Taaku muntu ululeme pacishi ca panshi uyo ucita shintu shiluleme, kutabishaawo napaceyi.

Isaya 53:6

Ono swebo soonse twasoweka mbuli mbelele, ncakwiila womwi awomwi watola nshila yakwe. Sombi Mwaami Lesa watubweselaako shibiibi shesu swebo soonse.

Isaya 64:6

Soonse twalinga kubisha kuswabo kale kale. Nabi micito yesu ibotu ilibo anga ncakufwala cishipite citoonunka. Twanyana kushibiibi shesu cakuba anga nditewu alimwi shibiibi shesu nshemunya shitootuululusha anga ncipuupu.

Jelemiya 2:35

webo ulaamba ayi, ‘Nshicitewo mulandu alimwi Mwaami Lesa taatucitile bukali.’ Sombi nebo neMwaami Lesa ndaakukupa mulandu ceebo ulaamba ayi, ‘Nshina kucitawo cibiibi.’

Bene Lefi 13:12

Ono na manata anene akukumanabo muntu uyo kuswa kumutwi kushikila akumyeendo,

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Bene Loma 3:10

Bweenka bwaamba Malembo akwe Lesa ayi, “Taaku nabi womwi ululeme.

Bene Loma 3:23

ceebo bantu boonse bakabisha akulela kubulemu bwakwe Lesa.

1 Bene Kolinto 3:18

Mutalibeeci. Na kuli muntu pakati kanu uyeeya ayi ngumusongo mubwikaalo bwa cishi ca panshi, ulyeelete kuba anga ngumuluya kwaamba ayi abe musongo wancinencine.

Bene Galatiya 6:3

Ono na umwi kaalisumpula, sombi kakutaaku mbwaabete, ingayi utoolibecabo mwiine.

1 Timoti 6:5

alimwi akwaambana kuteeli kuswa kubantu abo bacite miyeeyo ibiibi batakoonshi kwishiba shalushinisho. Balo balayeeya ayi kupaila Lesa ninshila yakubililaamo.

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

Jemusi 1:22

Mutabi bantu balibeca kwiinda mukunookutikabo maswi ayo, sombi kamucita shaambwa muli ngawo.

Jemusi 1:26

Na kuli muntu uyeeya ayi ulapaila Lesa, ono kaalilwa kulicata mukwaamba, ingayi kupaila kwakwe taaku mbokubete alimwi utoolibecabo mwiine.

Jemusi 3:2

Ceebo swebo soonse tulabisha mushintu shiinji. Na muntu taalubishi mukwaamba ingayi uliluleme cakumaninina alimwi ulakonsha kulicata mushintu shimwi shoonse.

2 Pita 2:13

Balaakupenshekwa ceebo bakalengesha bamwi kupenshekwa. Cibabotela balo nkucita shintu shisangalasha mibili yabo lumwi lubala. Bali anga ngamatombe mukwiinga ndibalya amwebo, balasangalala mububeshi bwabo.

1 Joni 1:10

Na twaamba ayi tatuna kubishaawo, cilyeelenebo akwaamba ayi Lesa ngumubeshi alimwi maswi akwe taamo muli ndiswe.

1 Joni 1:6

Ono na twaamba ayi tulekala mubwanabwankashi aLesa, sombi katweenda mumunshinshe, nkokwaamba ayi tuli babeshi mukwaamba amumicito yesu.

1 Joni 2:4

Uyo waamba ayi Lesa ndimwishi, sombi kaatakonkeli milawo yakwe, ngumubeshi alimwi lushinisho talubete muli nguwe.

1 Joni 4:20

Na umwi waamba ayi, “Lesa ndimusuni,” sombi kaapatite mubye, ngumubeshi. Anu inga wasuna buyani Lesa ngwaatana kubonaawo na kaapatite mubye ngwaabona?

2 Joni 1:2

Tulimusuni mukwiinga lushinisho luli muli ndiswe alimwi lulaakunoolimobo lyoonse alyoonse.

3 Joni 1:3

Mukwiinga ndakasangalala abuumbi bamwi bashominyineesu ndibakesa mukundwiita kushomeka kwako mukukonkela lushinisho, kweelana ambuli mbookala lyoonse.