1 Joni 1:7 - Baibo Busansulushi Bwa Libuku Ili

⁷ Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

1 Joni 1:7 Marejeleo ya Msalaba

Kulumbaisha 104:2

Mulalifweka mumuni anga ncakulifweka. Mulafungulula liculu anga nitente.

Kulumbaisha 51:2

Amunsaanshe kulubisha kwangu koonse, akunsalasha kuswa kushibiibi shangu.

Kulumbaisha 56:13

Mukwiinga mwebo mwakapulusha buumi bwangu kuswa kulufu, akuntabilila kwaamba ayi ntakomwi kubalwani. Aboobo ndeenda muliimfwa lyakwe Lesa, mumuni uyo umunikila boomi.

Kulumbaisha 89:15

Balicite coolwe abo bamulambila munyimbo. Balicite coolwe abo beenda mumumuni wa bulemu bwanu.

Kulumbaisha 97:11

Mumuni ulamunikila pabantu baluleme. Kusangalala kulapekwa kubasalalite mumyoyo.

Isaya 2:5

Aboobo mwebo nobamulunyungu lwakwe Jakobo amwise tweendele mumumuni wa Mwaami Lesa!

Isaya 33:24

Lyalo mundabala ya Siyoni teshi mukanyumfwikewo mulwashi. Shibiibi sha baabo bekala mundabala iyo, shilaakulekelelwa.

Isaya 6:7

Lyalo wakakumya mulomo wangu alikalangasha ilyo akwaamba ayi, “Bona, likalangasha ili lyakumya mulomo wako. Milandu yako yakushikwa pali ndiwe alimwi shibiibi shako shalekelelwa.”

Amosi 3:3

Sa bantu bobilo baleenda pantu pomwi kabatana kunyumfwana kucita boobo?

Sekaliya 13:1

Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.

Mateyo 6:12

Amutulekelele shibiibi shesu, bweenka mbotulekelela batubishisha.

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Joni 12:35

Jesu wakabaambila ayi, “Mumuni ucili amwebo ciindi ciniinibo. Amweende, mumuni kauciliiko kwaamba ayi munshinshe utesi pali ndimwe. Mukwiinga uyo woonse weenda mumunshinshe taashibi nkwaatooya.

Joni 5:4

Mukwiinga ciindi cimwi munjelo wakwe Lesa wakalinga kwisa mukwinjila mulishiba akufundoola maanshi. Aboobo mulwashi uli woonse wakalinga kutaanguna kwinjila mumaanshi, wakalinga kuba kabotu kubulwashi buli boonse mbweenga kaacite.]

Bene Loma 13:12

Ciindi ca mashiku camana butooyanda kuca. Ono atucileeke kucita shamumunshinshe, sombi tubwese shakulwanisha sha mumumuni.

1 Bene Kolinto 6:11

Ubo mbobabete bamwi pakati kanu. Sombi bulya mwakasanshikwa mwasalashikwa alimwi mwakalulamikwa muliina lya Mwaami Jesu Klistu aMushimu wakwe Lesa.

Bene Efeso 1:7

Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

1 Timoti 6:16

Lakwe eenkabo ngootafwi alimwi ngookala mumumuni utashikwa pafwaafwi. Taaku wakamubonawo kale alimwi taaku ukonsha kumubona. Bulemu abweendeleshi butamaani bube kuli nguwe lyoonse alyoonse. Ameni.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

1 Pita 1:19

Wakamulubula kwiinda mubulowa buyandika abuumbi bwakwe Klistu, uyo wakalinga anga ngumwanaambelele utacite kampenda nabi cimeenga.

1 Joni 1:3

Ico ncetwakabona akunyumfwa ncetutoomushimikila kwaamba ayi mwebo alimwi aswebo tusenkane mubwanabwankashi bwakwe Lesa alimwi aMwanaakwe Jesu Klistu.

1 Joni 1:5

Ono makani ngotwakanyumfwa kuMwanaakwe ayo ngotutoomushimikila, ngakwaamba ayi Lesa ngumumuni alimwi muli nguwe taamu munshinshe.

1 Joni 5:6

NguJesu Klistu mwiine wakesa kwiinda mumaanshi pakubombekwa kwakwe alimwi amubulowa bwa lufu lwakwe. Taakwe kwisabo mumaanshi mweenka, sombi mumaanshi abulowa bwakwe. Mushimu Usalashi ngoopa bukamboni pamakani aya mukwiinga Mushimu uyo ndolushinisho.

1 Joni 5:8

Mushimu Usalashi, maanshi alimwi abulowa. Shoonse shotatwe shilaamba cintu comwi.

2 Joni 1:4

Ndakasangalala abuumbi kucana kwaamba ayi bana bako bamwi batokweenda mulushinisho, bweenka mbwaakatulasha Ishiwesu.

3 Joni 1:4

Taaku cimwi cinsangalasha abuumbi kwiinda kunyumfwa ayi bana bangu muMushimu batookonkela shalushinisho.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Ciyubululo 12:11

Bamakwabesu bakamukoma kwiinda mubulowa bwa Mwanaambelele alimwi amaswi alushinisho ayo ngobakashimikila. Bakalinga kulibambite kwaaba buumi bwabo.

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.