1 Bene Kolinto 6:2 - Baibo Busansulushi Bwa Libuku Ili

² Sa tamwishi kwaamba ayi bene Klistu mbweshi bakoomboloshe bantu bakunsengwe boonse mucishi ca panshi? Ono na mulaakoombolosha cishi coonse, sa tamweelete koombolosha tukani tuniini twa mushobo uyu pakati kanu?

1 Bene Kolinto 6:2 Marejeleo ya Msalaba

Kulumbaisha 49:14

Balibambitwe kuya kumusena wa bafu bweenka mbuli mbelele. Lufu ndoluya ceembela bantu abo. Baluleme balaakubeendelesha macuunsa. Mibili yabo yaakunoobola cakufwambaana mumusena wa bafu kulaale amaandaabo abotu.

Danyelo 7:18

Sombi bantu basalalite bakwe Lesa wa kwiculu Wiindaawo, balaakutambula bulelo ubo bweshi bukabe bwaabo kwalyoonse alyoonse.’

Danyelo 7:22

tibili Lesa walyoonse alyoonse ndyaakesa mukupa bupingushi bwakwe mukufuna bantu basalalite bakwe Lesa wa kwiculu Wiindaawo abo mukwiinga ciindi cakashika cakwaamba ayi bulelo bube bwaabo.

Sekaliya 14:5

Lyalo mwebo mulaakuloboka akwiinda mucinyika ceenka ico ceebo cilaakuya mukushika akuAselo. Mulaakucica bweenka mbomwakacica ciindi cilya citentanshi ndicakacitika mubwaami bwakwe Usiya mwaami wa bene Juda. Kuswawaawo Mwaami Lesa ulaakwisa pantu pomwi abasalalite bakwe boonse.

Mateyo 19:28

Jesu wakabaambila ayi, “Ntoomulwiita calushinisho ayi shintu shoonse ndyeshi shikalengwe cipya, MwanaaMuntu ndyeshi akekale pacuuna cakwe ca bulemu, amwebo nomukonkela ndime, mulaakwikala pashuuna shili likumi ashobilo. Mulaakoombolosha mishobo ili likumi ayobilo ya muIsilaeli.

Luka 22:30

Mulaakulya akunwa pantu pomwi anebo muBweene bwangu alimwi mulaakwikala pashuuna sha bwaami akoombolosha mishobo likumi ayobilo ya Isilaeli.

Bene Loma 6:16

Mulishi kabotu kwaamba ayi na muntu walibenga kuba musha wa muntu umwi, ulyeelete kunoomunyumfwila. Nkokwaamba ayi na muli basha ba bubi mulaakufwa. Na mulanyumfwila Lesa, ulaakumululamika pameenso akwe.

1 Bene Kolinto 1:20

Ino ono uliimfwi pali musongo? Ino uliimfwi pali muntu wiite? Ino uliimfwi pali shikupikishanya sha mucishi ca panshi? Mukwiinga Lesa watondesha kale ayi busongo bwa bantu taaku mbobubete.

1 Bene Kolinto 1:21

Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo.

1 Bene Kolinto 6:4

Aboobo na mwaba atukani twa mushobo uyu, tamweelete kunootutola kubantu bakunsengwe bataaku mbobeemfwi mucoonde ayi batubaambe.

2 Bene Kolinto 4:18

Mukwiinga tatwiililwi shintu shiboneka, sombi isho shitaboneki. Ceebo shiboneka shilekalabo ciindi ciniini, sombi shitaboneki shilekala muyayaya.

1 Bene Tesalonika 3:13

Lesa Ishiwesu ayumyeyumye myoyo yanu kwaamba ayi mubule kampenda alimwi musalale pameenso akwe, pakwisa Mwaami wesu Jesu abasalalite bakwe boonse.

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’