1 Bene Kolinto 5:8 - Baibo Busansulushi Bwa Libuku Ili

⁸ Aboobo tulyeelete kusekelela bushiku bwesu bwa Pasika cakushomeka alimwi mulushinisho isho shili anga ngushinkwa utacite cimena. Tatweelete kuba ashibiibi sha mushobo uli woonse isho shiimikaninwa ashinkwa ucite cimena.

1 Bene Kolinto 5:8 Marejeleo ya Msalaba

Kulumbaisha 32:2

Balicite coolwe abo Lesa mbwaateebalukili shibiibi shabo, alimwi ucite moyo mutaamu bubeshi napaceyi.

Kulumbaisha 42:4

Moyo wangu ulacisa na ndeebaluka nshiku shainda. Ee, nshiku ndakalinga kweendela mucikuuku ca bungabwa kuya muŊanda yakwe Lesa. Lyakalinga kuba likoto lya bantu bakondetwe bakalinga kuya ciimba anyiimbo shakulumbaisha Lesa.

Kulonga 12:15

Mwaami Lesa wakaamba ayi, “Munshiku shili shosanwe ashobilo, tamweelete kulya shinkwa, sombibo cimaande. Pabushiku butaanshi munshiku ishi, mulyeelete kukusha cimena coonse mumaandaanu mukwiinga uyo woonse weshi akalye shinkwa munshiku shosanwe ashobilo ishi, ulaakukushikwa mubantu bangu bene Isilaeli.

Kulonga 12:19

Panshiku shili shosanwe ashobilo, tamweelete kucanika cimena mumaandaanu. Uyo woonse weenga walya cicite cimena, nkokwaamba ayi ulaakukushikwa mubantu bangu bene Isilaeli, muswamashi nabi mwine Isilaeli.

Kulonga 12:8

Mashiku pabushiku mbomunya ubo, nyama ilyeelete kuyokwa, akwiilya pantu pomwi abucisa bulula alimwi acimaande.

Kulonga 13:6

Panshiku shili shosanwe ashobilo, mulyeelete kulyabo cimaande, ono pabushiku bwasanu ashobilo, mulyeelete kusekelela kwaamba ayi mulemeke Mwaami Lesa.

Kulonga 13:7

Kwanshiku shili shosanwe ashobilo, tamweelete kulya shinkwa. Alimwi taaku peelete kucanika cimena nabi shinkwa mucishi canu.

Isaya 25:6

Pakalundu aka, Mwaami Lesa ulaakubambila bantu ba mumishobo yoonse kusekelela. Mukusekelela umo mulaakuba shakulya shiindaawo kubota alimwi awaini ubotu wiindaawo.

Isaya 30:29

Sombi mwebo nobantu bakwe Lesa, mulaakwiimba bweenka mbuli pabushiku bwakusekelela kusalalite. Myoyo yanu ilaakusangalala bweenka mboiba bantu ndibaya amitoolilo mukutanta pakalundu ka Mwaami Lesa. Ee, ndibaya kuMwaandami wa bene Isilaeli.

Bene Lefi 23:6

Ono pabushiku bwalikumi ashosanwe, kusekelela kwakulya cimaande akwalo kulatalika. Aboobo kwanshiku shosanwe ashobilo, tamweelete kulya shinkwa.

Mateyo 16:12

Lyalo bashikwiiya bakwe bakanyumfwisha ayi taakalinga kubaambila kucenjela kucimena cakuseenkanya mushinkwa, sombi kwiisha kwa baFalisi abaSaduki.

Mateyo 16:6

Jesu wakabaambila ayi, “Amucenjele acimena ca baFalisi abaSaduki.”

Maako 8:15

Lyalo Jesu wakabacenjesha ayi, “Amucenjele acimena ca baFalisi alimwi acakwe Elodi.”

Luka 12:1

Paciindi ico, bantu bali shuulu shuulu ndibakabungana cakwaamba ayi bantu bakatalika kulyatana, Jesu wakataanguna kwaambila bashikwiiya bakwe ayi, “Amucenjele acimena ca baFalisi, nkokwaamba ayi kwaamba nshebataciti.

Joni 1:47

Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.”

1 Bene Kolinto 3:3

Mwebo mucicita shintu shakunsengwe. Ceebo na kapacili munyono akwaambana pakati kanu, sa ingayi ubo tamubete mbuli bakunsengwe?

1 Bene Kolinto 5:1

Ono ntoonyumfwa kwaamba ayi kuli cikololo ciyoosha citoocitika pakati kanu ico bakunsengwe ncebatakoonshi kucita. Citokwaambwa ayi musankwa utokoona abanyina bakamucanaamo.

1 Bene Kolinto 5:6

Kulisumpula kwanu taaku mbokubete. Sa te mulyeeshi makani aamba ayi, “Tumena tuniini tulafufumusha mulwi wa fulaulo woonse?”

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 8:8

Nshintokwaamba ayi uyu ngumulawo, sombi mukwaamba shabamwi mbobasunishi kucafwa, ndisuni kubona lusuno lwanu na ndwancinencine.

Bene Efeso 6:24

Alimwi luse luswa kuli Lesa lube abaabo boonse basuni Mwaami wesu Jesu Klistu alusuno lutamaani.

Dutolonomi 16:16

“Anu basankwa boonse mumushobo wanu balyeelete kwisa kumusena womwi wakulambililaako mukulambila Mwaami Lesa, Lesa wanu mankanda otatwe mumwaaka. Nkokwaamba ayi ciindi cakusekelela bushiku bwa Pasika bwakwiibaluka kusotokela, pakusekelela kwaKutebula alimwi apakusekelela kwa Shimpaka. Umwi aumwi ulyeelete kuleta cipo

Dutolonomi 16:3

Pakunoosekelela, tamweelete kulya shinkwa. Sombi kwanshiku shosanwe ashobilo, mulyeelete kunoolyabo cimaande, bweenka mbomwakacita pakuswa calubilo mucishi ca Ijipiti. Cimaande ico cilaakunokwiitwa ayi cimaande ca mapensho. Mukanoocilya kwaamba ayi mukanokwiibaluka bushiku ndimwakaswa mucishi ca mapensho ca Ijipiti kwa buumi bwanu boonse.

Joshuwa 24:14

Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.

1 Pita 4:2

Paceebo ceeco, mubuumi bwanu bwa mucishi ca panshi tamweelete kukonkela shiyanda mibili yanu, sombi shiyanda Lesa.