1 Bene Kolinto 4:8 - Baibo Busansulushi Bwa Libuku Ili

⁸ Sa nkokwaamba ayi mwaba kale ashintu shoonse shiyandika? Sa mwabila kale? Sa mwaba baami swebo katutana? Necabota nemwalinga baami cancinencine, naakwiinga tweendelesha pantu pomwi.

1 Bene Kolinto 4:8 Marejeleo ya Msalaba

Tushimpi 13:7

Bamwi bantu balalibonesha kubila, sombi kabatacite nabi comwi. Bamwi balalibonesha ayi mbakandu, sombi mbobacite buboni buunji abuumbi.

Tushimpi 25:14

Muntu ushomesha kupa shipo isho nsheshi akabule kupa ncakwiila uli anga ngamakumbi amuuwo isho shitaleti mfula.

Isaya 5:21

Mapensho kubaabo baliyeeyela ayi mbasongo, ee, baliyeeyela ayi balicenjete.

Jelemiya 28:6

Ndakaamba ayi, “Akube boobo! Mwaami Lesa aacite bweenka ubo! Mwaami Lesa aacite kweelana amaswi ngowaamba mukuboosha shisebensesho sha Ŋanda yakwe pantu pomwi abantu boonse abo bakatolwa busha kuBabiloni kumusena uno.

Shakubelenga 11:29

Lakwe Mose wakakumbula ayi, “Ino webo walisukama buyani kuleka ayi nebo ndisukame? Nebo inga ndakondwa kwaamba ayi Mwaami Lesa wapa Mushimu kubantu boonse akubalengesha ayi banoolaluka!”

Mateyo 5:1

Ono Jesu ndyaakabona bantu baanji baanji, wakatanta pakalundu akwikala panshi. Bashikwiiya bakwe abalo bakaya peenka mpaakalinga.

Luka 6:25

“Mapensho kuli ndimwe nomukutite bulya mukwiinga mulaakufwa nsala! “Mapensho kuli ndimwe nomusekelela bulya mukwiinga mulaakuungumana alimwi akulila mikunga!

Milimo ya Batumwi 26:29

Paulo wakakumbula ayi, “Nabi mumaswi aniini nabi aanji, ndapaila kuli Lesa ayi mwebo alimwi abamwi boonse batoonyumfwa maswi aya sunu, inga baba bweenka mboombete, sombi kutaamba ayi mwaangwe ncetani ishi amwebo!”

Bene Loma 12:3

Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.

1 Bene Kolinto 1:5

Ceebo cakuba muli Klistu, Lesa wamupa bubile boonse bwa muMushimu mukwiinga mulishi Makani akwe Lesa alimwi mulakonsha kwaashimika.

1 Bene Kolinto 4:18

Bamwi batalika kulisumpula anga teshi nkeseeko uko.

1 Bene Kolinto 5:6

Kulisumpula kwanu taaku mbokubete. Sa te mulyeeshi makani aamba ayi, “Tumena tuniini tulafufumusha mulwi wa fulaulo woonse?”

2 Bene Kolinto 11:1

Ndasenga kwaamba ayi mundekelele mubuluya bwangu. Ono amundekeleleeko!

2 Bene Kolinto 13:9

Swebo tulasangalala kwaamba ayi tulilefukite, mwebo muli bayumu. Aboobo ncetupailila nkwaamba ayi mukaswitilile kabotu.

Bene Galatiya 6:3

Ono na umwi kaalisumpula, sombi kakutaaku mbwaabete, ingayi utoolibecabo mwiine.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Filipi 2:12

Ono nomusunikwi, kweelana ambomwalinga kunyumfwila ndindalingaanu, mulyeelete kwaamba ayi mwiindilishe kunoonyumfwila ciindi ici nceentabeteeko uko. Amutolelele kusebensa caboowa akututuma kwaamba ayi mumanishe mulimo wa lupulusho lwanu.

Ciyubululo 3:17

Webo ulaamba ayi, Ndimubile, ndicite buboni buunji, taaku nceentacite. Sombi tooshi kwaamba ayi ulipengete alimwi ulalensha ankuumbu! Uli mukandu, moofu alimwi uli matakosha.

Ciyubululo 5:10

Wakalengesha kwaamba ayi babe bamaami, kwaamba ayi basebensele Lesa wesu anga mbapailishi, aboobo balaakweendelesha mucishi ca panshi.”