1 Bene Kolinto 3:23 - Baibo Busansulushi Bwa Libuku Ili

²³ Amwebo muli bakwe Klistu, alakwe Klistu ngwakwe Lesa.

1 Bene Kolinto 3:23 Marejeleo ya Msalaba

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Joni 17:18

Bweenka mbomwakantuma mucishi ca panshi, anebo ndabatuma muli ncico.

Joni 17:21

Ntoobapailila kwaamba ayi boonse babe womwi. Ta ababe muli ndiswe, bweenka amwebo mbomuli muli ndime anebo mbombete muli ndimwe. Ababe womwi kwaamba ayi bantu boonse bakashome ayi ndimwe mwakantuma.

Bene Loma 14:8

Na katuli boomi, tulekalila Mwaami alimwi na twafwa, tulafwa ceebo ca Mwaami. Na katuli boomi nabi twafwa, tuli ba Mwaami.

1 Bene Kolinto 11:3

Ono ndisuni mwishibe kwaamba ayi Klistu ngumunene pamusankwa womwi awomwi. Musankwa ngumunene pamukaakwe, alakwe Lesa ngumunene pali Klistu.

1 Bene Kolinto 15:23

Sombi womwi awomwi ulaakubushikwa paciindi cakwe ceelete, Klistu ngowakataanguna, ono aakwisa, mbaabo bamushoma.

1 Bene Kolinto 15:28

Sombi shintu shoonse ndishibikwa mubweendeleshi bwakwe Klistu, Mwanaakwe Lesa, lakwe mwiine Mwaana ulalibika mumaansaakwe Lesa, uyo wakabika shintu shoonse mubweendeleshi bwakwe kwaamba ayi ono Lesa eendeleshe shintu shoonse cakumaninina.

1 Bene Kolinto 7:22

Ceebo muntu uyo Mwaami Jesu ngwaakeeta kaali musha, ngumuntu waangulukite kuli nguwe. Mbweeke ubo muntu utabete musha wakeetwa aKlistu, ngumusha wakwe.

1 Bene Kolinto 8:6

Sombi swebo tulicitebo Lesa womwi, Ishiwesu wakalenga shintu shoonse alimwi ngowooyo ngotushiitile. Ncakwiila tulicitebo Mwaami womwi, Jesu Klistu. Lesa wakalenga shintu shoonse kwiinda muli nguwe alimwi tuli boomi ceebo ca Mwaami uyu.

2 Bene Kolinto 10:7

Amubone shimucitikila. Na kuli muntu uliyeeyela kwaamba ayi ngwakwe Klistu, ncibotu aliyeeye alimwi ceebo swebo tuli bakwe Klistu bweenka mbwaabete lakwe.

Bene Galatiya 3:29

Na muli bakwe Klistu, nkokwaamba ayi muli bamulunyungu lwakwe Abulaamu, beelete kutambula sheesho Lesa nshaakashomesha.

Bene Galatiya 5:24

Ono abo bali kulubasu lwakwe Klistu bakapopa buumi bwa buntu alimwi asheesho shoonse shisuni buumi ubo pamucilingano.

Bene Efeso 1:10

Muyeeyo uyu Lesa ngweshi akacite ciindi ceelete caakushikila, nkuleta shilengwa shoonse sha panshi akwiculu pantu pomwi mubweendeleshi bwakwe Klistu.